IND vs SA : गुवाहाटीच्या लाल खेळपट्टीवर भारत कुणाला देणार संधी? कोणती असेल प्लेइंग-11? वाचा सविस्तर 

गुवाहाटी येथील दुसऱ्या कसोटी सामन्यात  लाल मातीची खेळपट्टी वापरण्याची शक्यता असण्याची वर्तवण्यात येत आहे. या पार्श्वभूमीवर भारतीय संघात बदल होण्याची शक्यता वर्तवण्यात येत आहे.

• दक्षिण आफ्रिका आणि भारत यांच्यात दूसरा सामना २२ नोव्हेंबरपासून खेळला जाईल 
• गुवाहाटी कसोटी सामन्यात लाल मातीची खेळपट्टी वापरण्याची शक्यता
• दुसऱ्या कसोटी सामन्यात भारतीय  संघात बदल होण्याची शक्यता 

IND vs SA 2nd Test pitch report : दक्षिण आफ्रिका आणि भारत यांच्यात दोन सामन्यांची कसोटी मालिका खेळली जात आहे. पहिल्या कसोटी सामन्यात दक्षिण आफ्रिकेने भारतीय संघाला ३० धावांनी पराभूत केले. पहिल्या सामन्यातील पराभवाने भारतीय  संघावर पुढील कसोटी सामन्यात दबाव आसणार आहे. गुहावटी येथे दूसरा कसोटी सामना खेळला जाणार आहे. आता दुसऱ्या सामन्यात भारतीय संघाला विजय मिळवणे अपरिहार्य आहे, अन्यथा मालिका गमवावी लागेल. दरम्यान, दुखापतींमुळे परिस्थिती आणखी गुंतागुंतीची बनली आहे.  कारण शुभमन गिल गुवाहाटी कसोटीत खेळण्याची शक्यता असल्याचे बोलेले जात आहे. त्याच्या अनुपस्थितीत, अंतिम अकरा खेळाडूंमध्ये योग्य संतुलन साधणे हे संघ व्यवस्थापनासाठी एक मोठे आव्हान असणार आहे. शिवाय, गुवाहाटीची लाल मातीची खेळपट्टी हा सामना आणखी रोमांचक बनवणार आहे.

हेही वाचा : Hardik Pandya Romantic Mood : रोमँटिक फोटोसाठी हार्दिक पंड्याची नवी शक्कल! महिका शर्माला मांडीवर घेत केला किस

गुवाहाटीची लाल खेळपट्टी

टाईम्स ऑफ इंडियाच्या वृत्तानुसार, गुवाहाटी कसोटी सामन्यात  लाल मातीची खेळपट्टी वापरण्याची शक्यता असण्याची वर्तवण्यात येत आहे. वेगवान गोलंदाजांना या पृष्ठभागावर उसळी आणि वेगाची अपेक्षा व्यक्त करण्यात येत आहे. तर फिरकीपटूंना तीव्र वळणाची अपेक्षा असणार आहे. याचा अर्थ असा की खेळपट्टी दोन्ही प्रकारच्या गोलंदाजांसाठी फायदेशीर ठरण्याची शक्यता आहे. म्हणूनच भारतीय संघ त्यांच्या अंतिम अकरा खेळाडूंमध्ये काही महत्त्वपूर्ण बदल करण्याची शक्यता आहे.

अंतिम अकरा खेळाडूंमध्ये संभाव्य बदल

संघात सर्वात मोठा बदल अष्टपैलू खेळाडूंच्या स्थानात दिसण्याची शक्यता आहे. तरुण नितीश कुमार रेड्डी अक्षर पटेलची जागा घेऊ शकतो अशी अटकळ बांधली जात आहे. रेड्डीचे वैशिष्ट्य म्हणजे तो वेगवान गोलंदाजांना अतिरिक्त पाठिंबा देतो  आणि त्यांची उपस्थिती बुमराह आणि सिराज यांना देखील दिलासा देणारी असू शकते. लाल मातीच्या खेळपट्ट्यांवर त्यांचा गोलंदाजीचा दृष्टिकोन संघासाठी प्रभावी शस्त्र ठरण्याची शक्यता वर्तवली जात आहे.

फिरकी गोलंदाज कुलदीप यादव आणि रवींद्र जडेजा आधीच फिरकी विभागात चांगली कामगिरी करत आहेत. तर वॉशिंग्टन सुंदर आधीच तिसरा फिरकी अष्टपैलू खेळाडू म्हणून संघात उपलब्ध आहे. शुभमन गिलच्या जागी देवदत्त पडिकलला फलंदाजीच्या क्रमांक ४ वर, आणखी एक संधी दिली जाऊ शकते.

शुभमन गिल खेळणे निश्चित नाही

भारताचा कसोटी कर्णधार  शुभमन गिल बाहेर पडल्याने, संघाची धुरा ऋषभ पंतकडे देण्यात येऊ शकते. ऋषभ पंतचा आक्रमक दृष्टिकोन संघाला नवीन ऊर्जा देऊ शकतो, अशी अपेक्षा आहे.

हेही वाचा : Ashes series 2025 : अ‍ॅशेसच्या लढाईपूर्वी इंग्लंडने खेळला पहिला डाव! ऑस्ट्रेलियाविरुद्ध भिडण्यासाठी संघ जाहीर

टीम इंडियाचे संभाव्य प्लेइंग ११ खालीलप्रमाणे

यशस्वी जयस्वाल, केएल राहुल, वॉशिंग्टन सुंदर, देवदत्त पडिकल, ऋषभ पंत (कर्णधार आणि यष्टीरक्षक), ध्रुव जुरेल, रवींद्र जडेजा, नितीश कुमार रेड्डी, कुलदीप यादव, जसप्रीत बुमराह, मोहम्मद सिराज.