Ind vs SA Test : “मी कर्णधार राहिलोय, मला शिकवू नका”, माजी क्रिकेटपटू श्रीकांत यांचे गौतम गंभीरच्या टीकेला प्रत्युत्तर 

भारतीय संघाचा मुख्य प्रशिक्षक गौतम गंभीरवर चौफेर टीकेचा सामना करावा लागत आहे. दरम्यान भारताचे माजी कर्णधार आणि माजी मुख्य निवडकर्ता कृष्णमाचारी श्रीकांत यांनी मुख्य प्रशिक्षक गौतम गंभीरवर टीका केली आहे.

• कृष्णमाचारी श्रीकांत यांची गौतम गंभीरवर टीका 
• भारतीय संघाची खराब कामगिरीने टीकेचा सुर
• दक्षिण आफ्रिकेचे मालिकेत १-० ने आघाडी 

Srikkanth criticizes Gautam Gambhir : भारत आणि दक्षिण आफ्रिका यांच्यात दोन सामन्यांची कसोटी मालिका खेळवण्यात येत आहे. या मालिकेत दक्षिण आफ्रिकेने पहिला सामना जिंकून मालिकेत १-० अशी आघाडी घेतली आहे. तसेच आता दुसऱ्या कसोटी मालिकेत देखील भारताची स्थिति वाईट दिसत आहे. त्यावरून आता भारतीय संघाचा मुख्य प्रशिक्षक गौतम गंभीरवर टीका होऊ लागली आहे. दरम्यान भारताचे माजी कर्णधार आणि माजी मुख्य निवडकर्ता कृष्णमाचारी श्रीकांत यांनी मुख्य प्रशिक्षक गौतम गंभीरवर उघडपणे निशाणा साधला आहे. कृष्णमाचारी श्रीकांत यांनी दक्षिण आफ्रिकेविरुद्धच्या गुवाहाटी कसोटीसाठी संघ निवड “विसंगत” आणि “अविचाराने घेतलेला निर्णय” असे वर्णन केले आहे.

हेही वाचा : लग्नाआधी वाद विकोपाला! धक्कादायक चॅट व्हायरल; पलाश मुच्छलकडून स्मृती मानधनाची फसवणूक?

श्रीकांत यांचा हल्लाबोल

चीकी चीकी या त्याच्या यूट्यूब शोमध्ये, श्रीकांत यांनी संघ निवडीबद्दल बोलताना गंभीर प्रश्न उपस्थित केले आहेत. श्रीकांत म्हणाले की, म्हणाले की अक्षर पटेलची अनुपस्थिती आश्चर्यकारक अशीच होती. त्यांनी टिप्पणी करत म्हटले आहे की, “अक्षर पटेल का खेळत नाहीये? तो अनफिट आहे का? तो सातत्याने प्रत्येक पातळीवर चांगली कामगिरी करत असून इतके छाटणी आणि प्रयोग का?” श्रीकांत यांनी संघ व्यवस्थापनावर सतत बदल केल्याचा आरोप देखील केल आहे. त्यांनी म्हटले आहे की, यामुळे खेळाडूंमध्ये आत्मविश्वास निर्माण होण्यास अडचण निर्माण होते.

गंभीर काहीही बोलो, मला काही फरक पडत नाही : श्रीकांत

गौतम गंभीरवर टीका करताना श्रीकांत यांनी  म्हटले आहे की, भारतीय संघ प्रत्येक दुसऱ्या सामन्यात एका खेळाडूला पदार्पण देत आहे, जे स्पष्टपणे चाचणी आणि त्रुटीसारखे दिसून येत आहे. श्रीकांत म्हणाले की “गौतम गंभीर काहीही बोलो, मला काही फरक पडत नाही. मी कर्णधार आणि निवड समितीचा अध्यक्ष राहिलो आहे. मला माहिती आहे मी काय बोलत आहे.” श्रीकांत यांनी गंभीरच्या सततच्या प्रयोगांना संघाच्या अस्थिरतेचे एक प्रमुख कारण म्हटले आहे.

फलंदाजी आणि पंतच्या कर्णधारपदावर निर्माण केले प्रश्न

श्रीकांत यांनी भारतीय फलंदाजीचे वर्णन देखील अस्थिर असल्याचे स्पष्टपणे म्हटले आहे.  त्याने विशेषतः कर्णधार ऋषभ पंतचे शॉट्स बेजबाबदार असल्याचे म्हटले आहे. श्रीकांत यांनी म्हटले आहे की, “हा त्याचा नैसर्गिक खेळ आहे, पण तो कर्णधार आहे. तो सामन्याची परिस्थिती पाहत नव्हता का?”

हेही वाचा : Ind vs Sa 2nd Test : दोन बळी अन् रवींद्र जडेजाने रचला इतिहास! दक्षिण आफ्रिकेविरुद्ध केला ‘हा’ पराक्रम