IND vs SA Women’s World Cup : भारतीय संघासाठी आनंदाची बातमी! श्रीलंकेविरुद्धच्या सामन्याची मॅच विनरचे संघात होणार पुनरागमन?

भारत विरुद्ध साऊथ आफ्रिका या सामन्यापूर्वी, टीम इंडियाला काही आनंदाची बातमी मिळाली आहे. श्रीलंकेविरुद्धच्या सामन्यात शानदार कामगिरी करणाऱ्या या स्टार ऑलराउंडरने आता सराव सुरू केला आहे.

भारताचा संघ महिला विश्वचषक 2025 च्या आज तिसरा सामना खेळणार आहे, हा सामना 09 ऑक्टोबर रोजी दक्षिण आफ्रिकेविरुद्ध सामना खेळणार आहे. भारताच्या संघाने पहिल्या दोन सामन्यामध्ये विजय मिळवून कमालीची कामगिरी केली आहे आणि दमदार सुरुवात केली आहे. आयसीसी महिला एकदिवसीय विश्वचषक २०२५ मध्ये टीम इंडियाची कामगिरी आतापर्यंत प्रभावी राहिली आहे. भारताने पहिल्या दोन सामन्यांमध्ये श्रीलंका आणि पाकिस्तानच्या महिला क्रिकेट संघांना पराभूत केले. 

आता, टीम इंडिया ९ ऑक्टोबर रोजी दक्षिण आफ्रिकेविरुद्ध स्पर्धेतील तिसरा सामना खेळणार आहे. या सामन्यापूर्वी, टीम इंडियाला काही आनंदाची बातमी मिळाली आहे. श्रीलंकेविरुद्धच्या सामन्यात शानदार कामगिरी करणाऱ्या या स्टार ऑलराउंडरने आता सराव सुरू केला आहे. २०२५ च्या आयसीसी महिला एकदिवसीय विश्वचषक स्पर्धेत श्रीलंकेविरुद्धच्या पहिल्या सामन्यात भारतीय संघासाठी स्टार अष्टपैलू अमनजोत कौरने ५६ चेंडूत ५७ धावांची खेळी केली. त्यानंतर तिने चेंडूने उत्कृष्ट कामगिरी केली. त्यानंतर पाकिस्तानविरुद्धच्या सामन्यापूर्वी ती आजारी पडली, ज्यामुळे तिला प्लेइंग इलेव्हनमधून वगळण्यात आले. 

See more

The good news for India is allrounder Amanjot Kaur is bowling in the nets in Vizag after missing the last game with an injury#CWC25 pic.twitter.com/vaOxoVRF6G — Vishal Dikshit (@Vishal1686) October 7, 2025

भारतीय महिला क्रिकेट संघ ९ ऑक्टोबर रोजी दक्षिण आफ्रिकेविरुद्ध पुढील सामना खेळणार आहे. अमनजोत कौरने ७ ऑक्टोबर रोजी सराव सुरू केला, जो भारतीय संघासाठी आनंदाची बातमी आहे. स्टार अष्टपैलू अमनजोत कौरचे प्लेइंग इलेव्हनमध्ये पुनरागमन भारतीय महिला क्रिकेट संघाला लक्षणीयरीत्या बळकटी देईल. सध्या, सलग दोन विजयांमुळे, भारतीय संघ पॉइंट्स टेबलमध्ये दुसऱ्या क्रमांकावर आहे. विशाखापट्टणममध्ये दक्षिण आफ्रिकेविरुद्धचा विजय भारतीय संघाला क्रमवारीत अव्वल स्थानावर पोहोचवू शकतो. 

AFG vs BAN : राशिद खानने एकदिवसीय सामन्यात झळकावले द्विशतक, रचला इतिहास! विजय मिळवून अफगाणिस्तानने घेतली मालिकेत आघाडी

या सामन्यात कर्णधार हरमनप्रीत कौर आणि सुपरस्टार स्मृती मानधना यांच्या भूमिका महत्त्वपूर्ण असतील. या स्पर्धेत आतापर्यंत दोन्ही स्टार खेळाडूंनी निराशा केली आहे. दरम्यान, दीप्ती शर्मा आणि हरलीन पुढेही त्यांची कामगिरी कायम ठेवण्याचा प्रयत्न करतील. आजच्या सामन्यानंतर भारताचे तीन महत्वाचे सामने असणार आहेत. आज दक्षिण आफ्रिकेविरुद्ध सामना झाल्यानंतर पुढील सामना ऑस्ट्रेलियाविरुद्ध खेळवला जाणार आहे. 

स्मृती मानधना आणि हरमनप्रीत यांच्याकडून पहिल्या दोन सामन्यामध्ये मोठी कामगिरीची अपेक्षा होती. पण त्या दोघीही फार काही चांगली कामगिरी करु शकल्या नाहीत. पहिल्या सामन्यामध्ये अमनजोत कौर आणि दिप्ती शर्मा या दोघीनी कमीलीची खेळी खेळली होती. तर दुसऱ्या सामन्यात हरलीन देओल आणि रिचा घोषने कमाल केली होती.