IND W vs SA W: अंतिम सामना मोफत पाहायचा? असा करा जुगाड; कधी, कुठे आणि कसा? वाचा सविस्तर 

आयसीसी महिला विश्वचषकाच्या अंतिम सामन्यात भारतीय महिला संघ आणि ऑस्ट्रेलिया महिला संघ आमनेसामने येणार आहेत. हा सामना अंतिम सामना स्टार स्पोर्ट्स, जिओ हॉटस्टार आणि डीडी स्पोर्ट्सवर पाहता येणार आहे.

• महिला विश्वचषकाच्या अंतिम सामन्यात भारत आणि दक्षिण आफ्रिका आमनेसामने 
• भारत तिसऱ्यांदा महिला विश्वचषकाच्या अंतिम सामन्यात 
• अंतिम सामना स्टार स्पोर्ट्स, जिओ हॉटस्टार आणि डीडी स्पोर्ट्सवर पाहता येणार 

IND W vs SA W, ICC Women’s ODI World Cup 2025 : आयसीसी महिला विश्वचषकाच्या दुसऱ्या सेमीफायनलमध्ये ऑस्ट्रेलियाला पराभूत केल्यानंतर, भारतीय महिला क्रिकेट संघाने महिला विश्वचषक २०२५ च्या अंतिम फेरीत प्रवेश केला आहे. या विजयासह, भारतीय संघ तिसऱ्यांदा या स्पर्धेच्या अंतिम फेरीत पोहचला आहे. भारतीय संघाने अद्याप विश्वचषकावर नाव कोरलेले नाही.  यावेळी मात्र भारत दक्षिण आफ्रिकेला हरवून प्रथमच जेतेपद जिंकण्याचे लक्ष्य ठेवणार आहे.

अंतिम सामना २ नोव्हेंबर रोजी नवी मुंबईतील डीवाय पाटील क्रिकेट स्टेडियमवर खेळवण्यात येणार आहे. सेमीफायनलमध्ये ऑस्ट्रेलियासारख्या बलाढ्य संघाला धूळ चारून भारतीय संघाचा आत्मविश्वास नक्कीच वाढला आहे. त्यामुळे आता सर्व क्रिकेट चाहते या रोमांचक सामन्याची आतुरतेने वाट पाहत असल्याचे दिसून येत आहेत.

हेही वाचा : “अलविदा… पण शेवट..’ रोहन बोपण्णाकडून टेनिसमधून निवृत्तीची घोषणा; भावुक पोस्ट करत २० वर्षांच्या कारकिर्दीचा घेतला निरोप

येथे पाहता येईल लाईव्ह स्ट्रीमिंग

महिला विश्वचषक २०२५ चा अंतिम सामना भारतातील स्टार स्पोर्ट्सवर थेट प्रक्षेपित करण्यात येणार आहे. याव्यतिरिक्त, सामना जिओ हॉटस्टार अॅपवर थेट प्रक्षेपित केला जाणार आहे. क्रिकेट चाहत्यांना त्यांच्या स्मार्टफोनवर जिओ हॉटस्टार अॅप डाउनलोड  करावे लागणार आहे. तसेच अंतिम सामना डीडी स्पोर्ट्सवर मोफत पाहता येणार आहे. त्यासाठी कोणत्याही शुल्काची गरज भासणार नाही.

अंतिम सामना आणि नाणेफेक

भारत आणि दक्षिण आफ्रिका यांच्यातील आयसीसी महिला विश्वचषक २०२५ चा अंतिम सामना भारतीय वेळेनुसार दुपारी ३:०० वाजता सुरू होईल. नाणेफेक अर्धा तास आधी दुपारी २:३० वाजता होणार. भारतीय संघाने उपांत्य फेरीत शानदार कामगिरी केली, त्यामुळे त्यांच्या प्लेइंग इलेव्हनमध्ये फारसा बदल होणार नाही अशी अपेक्षा व्यक्त करण्यात येत आहे.

 

भारताची तिसऱ्यांदा अंतिम सामन्यात धडक

भारतीय महिला क्रिकेट संघ महिला विश्वचषक तिसऱ्यांदा अंतिम सामन्यात पोहचला आहे. पहिल्यांदा २००५ मध्ये महिला विश्वचषक अंतिम फेरीत पोहोचला होता, परंतु ऑस्ट्रेलियाकडून ९८ धावांनी पराभूत व्हावे लागले होते. त्यानंतर, २०१७ मध्ये भारत अंतिम फेरीत पोहोचला होता, परंतु इंग्लंडने त्यांना ९ धावांनी धूळ चारली होती. ज्यामुळे त्यांचे जेतेपदाचे स्वप्न भंगले. आता, तिसऱ्यांदा, भारतीय संघ महिला विश्वचषक अंतिम फेरीत पोहोचला असून यावेळी, त्यांचे डोळे जेतेपदावर असणार आहे.

दक्षिण आफ्रिका महिला विश्वचषक 2025 संघ

लॉरा वोल्वार्ड (कर्णधार), तंजामिन ब्रिट्स, सुने लुस, मारिझान कॅप, ॲनेके बॉश, सिनालो जाफ्ता, क्लो ट्रायॉन, नादिन डी क्लार्क, मसाबता क्लास, अयाबोंगा खाका, नॉनकुलुलेको म्लाबा, तुमी सेखुखुने, नॉन्डुमिसो शांगसेन, कारुसेन बोश, नॉन्डुमिसा.

See more

Less than 24 hours to go for the #CWC25 Final: #INDvSA! 🙌🚨 How’s the preparation? What’s the team’s plan? Hear it from the captain, #HarmanpreetKaur herself! 💪💙#FollowTheBlues 👉 SAT, 1 NOV, 7 PM on Star Sports Network & JioHotstar pic.twitter.com/SrtvcOekgC — Star Sports (@StarSportsIndia) November 1, 2025

हेही वाचा : ICC World Cup Final 2025 : विजेता संघ होणार मालमाल! मिळणार विक्रमी बक्षिसे; उपविजेत्या संघाचीही लागणार लॉटरी

विश्वचषक २०२५ साठी भारतीय महिला संघाचा संघ

शेफाली वर्मा, स्मृती मानधना, हरलीन देओल, जेमिमाह रॉड्रिग्स, हरमनप्रीत कौर (कर्णधार), दीप्ती शर्मा, उमा छेत्री, अमनजोत कौर, राधा यादव, श्री चरणी, रेणुका सिंह ठाकूर, स्नेह राणा, अरुंधती रेड्डी, रिचा घोष, क्रांती गौर.