मंगळवार, 29 सप्टेंबर 2026
अमित पंघाल : सध्या बँकॉकमध्ये पॅरिस ओलंम्पिक (Paris Olympic 2024) दुसरी पात्रता फेरी सुरु आहे. याआधी भारताच्या 4 बॉक्सरने पॅरिस ओलंम्पिकमध्ये प्रवेश केला आहे. यामध्ये निखत जरीनने 50 किलो वजनी गटात तर टोकियो ऑलिम्पिक कांस्यपदक विजेती लोव्हलिना बोरगोहेन 75 किलो वजनी गटामध्ये कोटा मिळवला आहे. प्रीती पवार हिने 54 किलो वजनी गटामध्ये कोटा मिळवला. पुरुष बॉक्सिंग स्पर्धेमध्ये भारताचा निशांत देव याने पुरुषांच्या 71 किलो वजनी गटात मोल्दोव्हाच्या वासिल सेबोटारीला 5-0 ने पराभूत करून आपले स्थान बुक केले. (फोटो सौजन्य बॉक्सिंग फेडरेशन X अकाउंट)
[read_also content=”T-20 विश्वचषकासाठी रोहित शर्माची नवी रणनीती काय? दोन निर्णयांनी केले चकित https://www.navarashtra.com/sports/what-is-rohit-sharmas-new-strategy-for-t20-world-cup-541700.html”]
अमित पंघालने मिळवला पॅरिस ऑलिम्पिक कोटा
भारताच्या अमित पंघालने ( Amit Panghal) रविवारी 2 जून रोजी सुरु असलेल्या बँकॉक येथे झालेल्या दुसऱ्या जागतिक बॉक्सिंग पात्रता स्पर्धेत पुरुषांच्या 51 किलो वजनी गटात चीनच्या लिऊ चुआंगचा 5-0 असा एकमताने पराभव करून पॅरिस 2024 ऑलिम्पिकचे तिकीट मिळवले. अमित पंघाल या भारताचा दुसरा पुरुष बॉक्सर आहे.
Amit is going to #Paris2024 ✈️? Quota no 5️⃣ for ?? ?#PunchMeinHaiDum#2ndOlympicBoxingQualifiers#Boxing pic.twitter.com/BbdENag9Jz — Boxing Federation (@BFI_official) June 2, 2024
सचिन सिवाचला मिळणार आणखी एक संधी
सचिन सिवाच (Sachin Siwach) हा 57 किलो वजनी गटाच्या पॅरिस ओलम्पिक पात्रता फेरीमध्ये आज पुन्हा लढणार आहे. पुरुषांच्या 57 किलोमध्ये माजी युवा विश्वविजेता सचिन सिवाचने 57 किलो वजनी गटाच्या उपांत्य फेरीत चांगला प्रयत्न केला, पण टोकियो ऑलिम्पिक रौप्यपदक विजेत्या फिलिपाइन्सच्या कार्लो पालमकडून 0-5 असा पराभव पत्करावा लागला. तथापि, सचिनला ऑलिम्पिक कोटा गाठण्याची आणखी एक संधी मिळेल कारण 57 किलोमध्ये तीन कोटा उपलब्ध आहेत. उपांत्य फेरीत पराभूत झालेले सचिन आणि किर्गिस्तानचे मुनारबेक सेतबेक उउल हे दोन्ही बॉक्सर रविवारी कोटा स्थानासाठी एकमेकांशी लढणार आहेत.
जैस्मिन लंबोरिया पॅरिस कोट्यापासून एक पाऊल दूर
शनिवारी झालेल्या सामन्यांमध्ये बॉक्सर जास्मिन लांबोरियाने (Jaismine Lamboria) स्विस बॉक्सरचा 0-5 असा पराभव करून पॅरिस ओलम्पिक कोट्यापासून एक पाऊल दूर आहे.
