PBKS चा धक्कादायक निर्णय! पंजाब किंग्जने टीम इंडियाच्या गोलंदाजाला केले बाहेर, क्रीडाविश्वात जोरदार चर्चा

पंजाब किंग्जच्या संभाव्य रिटेन्शन लिस्टने क्रिकेट जगताला आश्चर्यचकित केले आहे. प्रिती झिंटाची टीम भारतीय संघाचा भाग असलेल्या स्टार बॉलरला सोडू शकते.

Punjab Kings not retain Arshdeep Singh : IPL 2025 मध्ये चेन्नई-मुंबई आणि बंगळुरूसह अनेक संघांच्या कायम ठेवण्याच्या यादीची IPL जग प्रतीक्षा करीत आहे. दरम्यान, PBKS च्या कायम ठेवण्याच्या यादीबाबत एक धक्कादायक अपडेट समोर आले आहे. पंजाब किंग्स शशांक सिंग आणि प्रभसिमरन सिंग यांना रिटेन करू शकतात, असे एका मीडिया रिपोर्टमध्ये सांगण्यात आले. या यादीत टीम इंडियाचा स्टार वेगवान गोलंदाज अर्शदीप सिंगचा समावेश न होणे खूपच आश्चर्यकारक आहे.

शशांक सिंग आणि प्रभसिमनर सिंगला मिळणार संधी

पंजाब सर्वाधिक रक्कम घेऊन लिलावात उतरणार आहे. संघात अनेक खेळाडू आहेत ज्यांना कायम ठेवता येऊ शकते, परंतु अपडेट असा आहे की पंजाब शशांक सिंग आणि प्रभसिमरन सिंगच्या रूपाने फक्त 2 अनकॅप्ड खेळाडूंना कायम ठेवू शकतो. पंजाबने केवळ 2 अनकॅप्ड खेळाडूंना कायम ठेवल्यास, लिलावादरम्यान त्याच्या पर्समध्ये 112 कोटी रुपये शिल्लक राहतील. अहवालानुसार, पंजाबच्या व्यवस्थापनाचा असा विश्वास आहे की अर्शदीपला 18 कोटी रुपयांमध्ये कायम ठेवण्याचा हक्क नाही. आणखी एक नवीन अपडेट म्हणजे पंजाब किंग्जचे नवे मुख्य प्रशिक्षक रिकी पाँटिंग यांना स्टीव्ह स्मिथला संघाचा कर्णधार बनवायचा आहे.

20 लाख रुपयांच्या मानधनावर सुरुवात

अर्शदीप सिंग 2019 पासून पंजाब किंग्जकडून खेळत आहे आणि 2021 पर्यंत तो 20 लाख रुपयांच्या मानधनावर खेळला. पण 2022 मध्ये त्यांचा पगार वाढून 4 कोटी झाला. आता त्याला आयपीएल 2025 साठी 18 कोटी रुपयांमध्ये कायम ठेवल्यास त्याचा पगार चार पटीने वाढेल.

अर्शदीप सिंग टॉप-10 मध्ये

आयपीएलच्या गेल्या मोसमात सर्वाधिक विकेट्स घेण्याच्या बाबतीत अर्शदीप सिंग टॉप-10 मध्ये होता. आयपीएल 2024 मध्ये त्याने 14 सामन्यात 19 विकेट घेतल्या. पंजाबने अर्शदीपला न ठेवण्याचे एक कारण हे देखील असू शकते की त्याने गेल्या मोसमात 10 पेक्षा जास्त इकॉनॉमी रेटने धावा दिल्या होत्या.