Big Breaking: क्रिकेटविश्वात प्रचंड खळबळ; ‘या’ दिग्गज खेळाडूने अचानक जाहीर केली निवृत्ती

Billy Root: गेली १४ वर्षे व्यावसायिक क्रिकेट खेळणे हा माझ्यासाठी एक अतिशय सुंदर आणि अभिमानास्पद प्रवास राहिला आहे. मैदानावर घालवलेला प्रत्येक क्षण माझ्यासाठी खास होता, असे रूट म्हणाला.

• बिली रूटने घेतली क्रिकेटमधून निवृत्ती 
• बिली रूट आहे कर्णधार जो रूटचा बंधू 
• सोशल मिडियावर पोस्ट करत केली घोषणा 

Billy Root Retirement: इंग्लंडचा माजी कर्णधार आणि स्टार फलंदाज जो रूटचा धाकटा भाऊ बिली रूट याने वयाच्या ३४ व्या वर्षी व्यावसायिक क्रिकेटच्या सर्व प्रकारातून निवृत्तीची घोषणा केली आहे. तब्बल १४ वर्षांच्या प्रदीर्घ आणि यशस्वी कारकिर्दीनंतर बिली रूटने क्रिकेटच्या मैदानाला अलविदा करण्याचा निर्णय घेतला असून, आयुष्याच्या पुढील टप्प्याकडे वाटचाल करण्याची हीच योग्य वेळ असल्याचे त्याने स्पष्ट केले आहे. सोशल मिडियावर पोस्ट करत ही माहिती दिली आहे.

३४ वर्षीय बिली रूट हा एक उत्कृष्ट डाव्या हाताचा फलंदाज आणि उपयुक्त फिरकी गोलंदाज म्हणून ओळखला जातो. त्याने आपल्या १४ वर्षांच्या कौंटी कारकिर्दीत ग्लॅमॉर्गन, नॉटिंगहॅमशायर आणि लेस्टरशायर यांसारख्या प्रमुख संघांचे प्रतिनिधित्व केले. कौंटी क्रिकेटमध्ये त्याने अनेक प्रसंगी महत्त्वपूर्ण खेळी करत संघाच्या विजयात मोलाचा वाटा उचलला आहे.

Cricket: ‘स्पोर्ट्सफिल्ड मान्सून लीग’मध्ये युवा क्रिकेटपटूंचा जलवा; पुण्याला चढला क्रिकेटचा ‘ज्वर’

A Glamorgan favourite calls time on an incredible career ❤️ After seven years at Sophia Gardens, nearly 5,000 runs, two One-Day Cup titles and countless clutch innings, Billy Root will retire at the end of the 2026 season 🙌 Diolch yn fawr, Billy 🫶 🔗 https://t.co/G4MxVWqj8L pic.twitter.com/y3uOZdUUSy — Glamorgan Cricket (@GlamCricket) September 23, 2026

आपल्या निवृत्तीची घोषणा करताना बिली रूट अत्यंत भावुक झाला होता. तो म्हणाला, “गेली १४ वर्षे व्यावसायिक क्रिकेट खेळणे हा माझ्यासाठी एक अतिशय सुंदर आणि अभिमानास्पद प्रवास राहिला आहे. मैदानावर घालवलेला प्रत्येक क्षण माझ्यासाठी खास होता. मात्र, आता बॅट खाली ठेवून आयुष्याच्या नव्या अध्यायाकडे, नवीन आव्हानांकडे आणि ध्येयांकडे पाऊल टाकण्याची हीच योग्य वेळ आहे.”

Asian Games 2026: बांग्लादेशला ‘हुतुतू’ समजेना! भारतीय कबड्डी संघाचा दणदणीत विजय

रूट बंधूंच्या क्रिकेट प्रवासाची सुरुवात इंग्लंडमधील प्रसिद्ध ‘शेफील्ड कॉलेजिएट क्रिकेट क्लब’मधून झाली. बालपणी या दोन्ही भावांनी याच क्लबच्या मैदानात तासनतास एकत्र सराव केला आणि क्रिकेटचे धडे गिरवले. या दोन्ही भावांच्या आयुष्यात २०१३ मधील लॉर्ड्स कसोटी सामना अत्यंत ऐतिहासिक आणि खास ठरला. त्यावेळी जो रूट हा इंग्लंडच्या मुख्य संघातून आंतरराष्ट्रीय सामना खेळत होता, तर बिली रूट हा ‘MCC यंग क्रिकेटर्स’चा भाग होता.