T20 क्रिकेटमध्ये Jos Buttler ची ‘दादागिरी’; असा विक्रम करणारा पहिलाच फलंदाज, पोलार्डला दिला ‘झटका’

Jos Buttler first Batsman to score 15000 Runs in T20I: श्रीलंकेविरुद्धच्या दुसऱ्या टी२० सामन्यात जोस बटलरने अवघ्या १६ चेंडूंमध्ये ३० धावा ठोकल्या. या खेळीसह बटलरने टी२० क्रिकेटमध्ये १५,००० धावांचा टप्पा ओलांडला.

• क्रिकेटविश्वात नवा रेकॉर्ड
• T20 क्रिकेटमध्ये Jos Buttlerचा ‘दबदबा’
• पोलार्डला टाकलं मागे

इंग्लंडने श्रीलंकेविरुद्धच्या तीन सामन्यांच्या टी२० आंतरराष्ट्रीय मालिका सुरु आहे. मालिकेतील दुसऱ्या सामन्यात इंग्लंडने सहा विकेट्सने राखून दणदणीत विजय नोंदवला आणि मालिकेत २-० अशी आघाडी घेतली. १७ सप्टेंबर रोजी कार्डिफमधील सोफिया मैदानावर खेळल्या गेलेल्या या सामन्यात, प्रथम फलंदाजी करताना श्रीलंकेने १४६ धावांचे लक्ष्य ठेवले. प्रत्युत्तरात, इंग्लंडने केवळ १२.१ षटकांत चार विकेट्स गमावून हे लक्ष्य पूर्ण केले.या सामन्यात लक्ष्याचा पाठलाग करताना, इंग्लंडचा स्टार विकेटकीपर-फलंदाज जोस बटलरने अवघ्या १६ चेंडूंमध्ये ३० धावा करून इतिहास रचला. बटलरने टी-२० क्रिकेटच्या इतिहासात नवा विक्रम केला आहे. बटलर आता टी-२० क्रिकेटमध्ये १५,००० धावा पूर्ण करणारा जगातील पहिला फलंदाज ठरला आहे.

SL W vs MAS W: चमारी अटापट्टूचा धमाका! मलेशियाला ८६ धावांनी लोळवलं; श्रीलंकेचे सेमीफायनलचे ‘तिकीट’ पक्के

जोस बटलरने किरोन पोलार्डला टाकलं मागे

श्रीलंकेविरुद्धच्या दुसऱ्या टी२० सामन्यात जोस बटलरने चार चौकार आणि एका षटकाराच्या जोरावर १६ चेंडूंमध्ये ३० धावा केल्या. या खेळीमुळे बटलरने केवळ टी२० क्रिकेटमध्ये १५,००० धावा पूर्ण केल्या नाहीत, तर तो पुन्हा एकदा या फॉरमॅटमधील सर्वाधिक धावा करणारा फलंदाजही ठरला. या बाबतीत त्याने वेस्ट इंडिजचा दिग्गज खेळाडू कायरन पोलार्डला मागे टाकले. पोलार्डने ७५४ टी२० सामन्यांच्या ६७१ डावांमध्ये एकूण १४,९९९ धावा केल्या आहेत.

दरम्यान, ३६ वर्षीय बटलरने आपल्या ५२८ व्या सामन्यातील ४९७ व्या डावात १५,००० धावांचा टप्पा गाठला. बटलरने टी-२० क्रिकेटमध्ये ९ शतके आणि १०७ अर्धशतके झळकावली आहेत. टी-२० क्रिकेटच्या इतिहासात १५,००० धावा करणारा तो जगातील पहिला फलंदाज ठरला आहे. या यादीत, टी-२० आंतरराष्ट्रीय क्रिकेटमधून निवृत्त झालेला भारताचा माजी कर्णधार विराट कोहली १४,२१८ धावांसह सहाव्या स्थानावर आहे.

🚨 JOS BUTTLER CREATED HISTORY – FIRST BATTER EVER TO COMPLETE 15,000 RUNS IN T20s 🫡🔥 Jos Buttler – 15,000 runs.
Kieron Pollard – 14,999 runs. Buttler – One of the Greatest ever. pic.twitter.com/FOeP1VHVSk — Johns. (@CricCrazyJohns) September 18, 2026

टी२० क्रिकेटमध्ये सर्वाधिक धावा करणारे फलंदाज

• जोस बटलर (इंग्लंड) -१५,००० धावा
• किरॉन पोलार्ड (वेस्ट इंडीज) -१४९९९ धावा
• अ‍ॅलेक्स हेल्स (इंग्लंड) – १४५८१ धावा
• ख्रिस गेल (वेस्ट इंडीज) – १४५६२ धावा
• डेव्हिड वॉर्नर (ऑस्ट्रेलिया) – १४२८४ धावा
• विराट कोहली (भारत) – १४२१८

इंग्लंडने श्रीलंकेवर दणदणीत विजय

हॅरी ब्रुकच्या नेतृत्वाखालील इंग्लंडने दुसऱ्या टी२० सामन्यात श्रीलंकेला ६ विकेट्स राखून पराभूत केले आणि मालिका २-० ने जिंकली. नाणेफेक गमावल्यानंतर, प्रथम फलंदाजी करताना श्रीलंकेने ९ विकेट्स गमावून १४५ धावा केल्या. प्रत्युत्तरात, यजमान इंग्लंडने १२.१ षटकांत केवळ ४ विकेट्स गमावून सहजपणे लक्ष्य गाठले. बटलर व्यतिरिक्त, टॉम बँटनने २४ चेंडूंमध्ये २ चौकार आणि ४ षटकारांसह ५२ धावांची नाबाद खेळी करून संघाचा विजय निश्चित केला. या मालिकेतील तिसरा आणि अंतिम सामना १९ सप्टेंबर रोजी मँचेस्टर येथे खेळला जाईल.

IND W vs JPN W: जपान ५७ धावांत गारद, शफालीने उडवला धुरळा; टीम इंडियाची सेमीफायनलमध्ये दिमाखात एन्ट्री