IPL 2026 : “आधी जिम, मग पॉवर हिटिंग….” कॅप्टन कुल धोनी गाळतोय घाम; दिवसाचे बनवले खास शेडयूल; वाचा सविस्तर 

आयपीएल २०२६ च्या हंगामासाठी दोन महिन्यांपासून महेंद्रसिंग धोनी दररोज सुमारे ५-६ तास नेटमध्ये घाम गाळत आहे. धोनी त्याच्या घरापासून सुमारे १० किमी अंतरावर असलेल्या जेएससीए स्टेडियममध्ये सराव करण्यासाठी जात आहे.

• महेंद्रसिंग धोनी दररोज मैदानावर करतोय सराव 
• धोनीची आगामी आयपीएल हंगामासाठी जोरदार तयारी 
• धोनीकडून पॉवर हिटिंगचा सराव 

MS Dhoni’s on-field schedule : भारतीय संघाचा यशस्वी माजी कर्णधार महेंद्रसिंग धोनीने आंतरराष्ट्रीय क्रिकेटमधून निवृत्ती घेऊन काही काळ लोटला आहे. तर देखील कप्तान कुल धोनीची क्रेज अजून थोडी देखील कमी झालेली नाही. गेल्याच आठवड्यातरांचीमध्ये वेगवेगळ्या बाईक आणि कारसह धोनीचे व्हिडिओ सोशल मीडियावर व्हायरल झालेले दिसून आलेत. या काळात त्याच्या वाहनांमध्ये बदल झाला असला तरी, मैदानावरील त्याची दैनंदिन दिनचर्या मात्र तशीच राहिली आहे. गेल्या दोन महिन्यांपासून, धोनी दररोज सुमारे ५-६ तास नेटमध्ये घाम गाळत असून यावरून त्याचे आयपीएलच्या पुढील हंगामाबाबत त्याचा गंभीरपणा दिसून येत आहे. मागील दोन महिन्यांत असा एक दिवस नसेल ज्या दिवशी धोनी त्याच्या घरापासून सुमारे १० किमी अंतरावर असलेल्या जेएससीए स्टेडियममध्ये सराव करण्यासाठी गेला नाही.

हेही वाचा : IND vs SA Test series : ‘तो नेहमीच दयाळू राहिला…’ दुखापतीतून सावरल्यानंतर ऋषभ पंतने कुणाचे मानले आभार?

धोनी करतोय दररोज सराव

स्टेडियमच्या एका अधिकाऱ्याकडून सांगण्यात आले आहे की, “गेल्या दोन महिन्यांपासून, त्याचे वेळापत्रक खूप निश्चित झाले आहे. तो दुपारी १:३० च्या सुमारास स्टेडियममध्ये येतो. पोहोचल्यानंतर, तो जिममध्ये सुमारे एक तास घालवल्यानंतर तो त्याचे पॅड घालतो आणि नेट्समध्ये सुमारे दोन तास पॉवर हिटिंगचा सराव करत असतो.” जर मध्यवर्ती खेळपट्टी रिकामी असेल आणि कोणताही सामना सुरू नसेल, तर तो वेगवेगळ्या सामन्यांच्या परिस्थितीनुसार मैदानावर फलंदाजीचा सराव करत असतो. यानंतर, धोनी सुमारे अर्धा तास पोहतो आणि संध्याकाळी ६ वाजता स्टेडियममधून बाहेर जातो. अधिकाऱ्याने असे देखील सांगितले की, “धोनी नेहमीच जे करत आला आहे तेच तो करत असतो; कठोर परिश्रम.”

२०२५ मध्ये चेन्नईची सुमार कामगिरी

या वर्षीच्या आयपीएल हंगामात चेन्नई सुपर किंग्ज संघ गेल्या १६ हंगामात पहिल्यांदाच सर्वात सुमार कामगिरी करणारा संघ राहिल आहे.  चेन्नईला १४ पैकी फक्त ४ सामने जिंकता आले आहेत. चेन्नई २०२५ मध्ये प्लेऑफ स्पर्धेतून बाहेर पडणारा पहिला संघ ठरला होता, त्यामुळे  चाहत्यांना नाराज व्हावे लागले होते. एम एस धोनीने या वर्षी १४ सामन्यांपैकी १३ डावांमध्ये २४.५० च्या सरासरीने १९६ धावा फटकावल्या आहेत.

हेही वाचा : IPL 2026 : लिलावापूर्वी KKR चा मोठा डाव! ‘या’ दिग्गजाची सहाय्यक प्रशिक्षक म्हणून केली नियुक्ती