पाकिस्तानी संघाच्या हॉटेलमध्ये भीषण आग; चॅम्पियन्स ट्रॉफीबाबत PCB पुन्हा चौकशीच्या फेऱ्यात

पाकिस्तान क्रिकेट संघाचे खेळाडू ज्या हॉटेलमध्ये थांबले होते, त्या हॉटेलला भीषण आग लागल्याची घटना समोर आली आहे. आता पुन्हा एकदा पीसीब चौकशीच्या फेऱ्यात अडकली आहे.

Fire in Pakistan Cricket Team Hotel : एकीकडे पाकिस्तान चॅम्पियन्स ट्रॉफी 2025 चे आयोजन करण्यास घाबरत आहे कारण भारताने सीमा ओलांडण्यास नकार दिला आहे. दरम्यान, सोमवारी एका हॉटेलला आग लागल्याची बातमी समोर आली आहे. ज्यामध्ये पाकिस्तानच्या महिला क्रिकेटपटू राहत होत्या. यामुळे पाकिस्तान क्रिकेट बोर्डाला (पीसीबी) कराचीत सुरू असलेल्या राष्ट्रीय महिला चॅम्पियनशिपच्या सामन्यांची संख्या कमी करण्याचा निर्णय घ्यावा लागला आहे. आनंदाची गोष्ट म्हणजे संघाचा एकही खेळाडू दुखापतग्रस्त झालेला नाही.

पाकिस्तान क्रिकेट टीमच्या हाॅटेलला आग

See more

Pakistan cancelled their Women's domestic tournament after a huge fire broke out in Karachi team hotel.

5 cricketers had to be rescued by breaking windows of the hotel.

All their equipments got destroyed.

Champions Trophy SF & matches of AFG, SA & NZ is scheduled in Karachi. pic.twitter.com/D4YlYP1B4E

— Johns (@JohnyBravo183) November 18, 2024

 

पाचही क्रिकेटपटूंना काढले सुखरूप
हॉटेलमध्ये उपस्थित असलेल्या पाचही क्रिकेटपटूंना सुखरूप बाहेर काढण्यात आले आहे. त्याला लवकरात लवकर हनिफ मोहम्मद हाय-परफॉर्मन्स सेंटरमध्ये पाठवण्यात आले. PCB कडून सांगण्यात आले की, खेळाडूंची सुरक्षा आणि आरोग्य लक्षात घेऊन ही स्पर्धा लहान केली जात आहे. आता या स्पर्धेचा विजेता शोधण्यासाठी पीसीबीने अजिंक्य आणि स्टार्स यांच्यातील अंतिम सामना जाहीर केला आहे. या स्पर्धेत प्रत्येकी चार सामने खेळल्यानंतरही हे दोन्ही संघ गुणतालिकेत अव्वल स्थानावर आहेत. अंतिम सामना कधी आणि कुठे होणार हे अद्याप जाहीर करण्यात आलेले नाही.
चॅम्पियन्स ट्रॉफीवर परिणाम होऊ शकतो
राष्ट्रीय महिला चॅम्पियनशिपदरम्यान हॉटेलला लागलेल्या आगीचा चॅम्पियन्स ट्रॉफी 2025 वरही परिणाम होऊ शकतो. सुरक्षेच्या कारणास्तव भारताने चॅम्पियन्स ट्रॉफी खेळण्यासाठी पाकिस्तानला जाण्यास नकार दिला होता. अशा परिस्थितीत हॉटेलमध्ये आग लागल्याची बातमी पीसीबीच्या अडचणी वाढवू शकते. भारत आणि पाकिस्तानमधील या संघर्षावर काय तोडगा निघेल, याबाबत अद्याप स्पष्टता नाही. पण या आठवड्याच्या अखेरीस आयसीसी चॅम्पियन्स ट्रॉफीचे वेळापत्रक जाहीर करणार असल्याचे एका मीडिया रिपोर्टमध्ये समोर आले आहे.

चॅम्पियन्स ट्राॅफीचे वेळापत्रक होणार जाहीर

आयएएनएसच्या हवाल्याने सूत्रांनी सांगितले की आयसीसी या आठवड्याच्या अखेरीस वेळापत्रक जाहीर करू शकते. भारतीय संघाच्या विषयावर पाकिस्तान क्रिकेट बोर्डाच्या (पीसीबी) अधिकाऱ्यांशी चर्चा सुरू आहे. दुसरीकडे, पीसीबीचे अध्यक्ष मोहसीन रझा नक्वी यांनी एका नव्या वक्तव्यात चॅम्पियन्स ट्रॉफीचे आयोजन करण्याबाबत सकारात्मक दृष्टिकोन स्वीकारला असून भारताला काही अडचण असल्यास पाकिस्तान बोर्डाच्या अधिकाऱ्यांशी चर्चा करावी, असे म्हटले आहे.