PBKS vs LSG Live Score: लखनौने जिंकली नाणेफेक, पंजाब करणार पहिले फटकेबाजी; बॅटिंगचा निर्णय

आयपीएल २०२६ च्या २९ व्या सामन्यात पंजाब किंग्सचा सामना लखनौ सुपर जायंट्सशी होणार आहे. ऋषभ पंत तंदुरुस्त असल्याने सामना अधिक रोमांचक झाला आहे. नाणेफेक जिंकून लखनौने पंजाबला बॅटिंग दिली आहे

• पंजाब विरूद्ध लखनौ सामन्याची नाणेफेक 

• लखनौने जिंकली नाणेफेक

• बॉलिंग कऱण्याचा घेतला निर्णय 

IPL 2026 मध्ये सध्या सर्वात आत्मविश्वासू वाटणारा संघ कोणता असेल, तर तो म्हणजे पंजाब किंग्स. विजयाच्या मालिकेत असलेल्या पंजाब संघाचा सामना आज संध्याकाळच्या सामन्यात लखनौ सुपर जायंट्सशी होणार आहे. लखनौचा कर्णधार ऋषभ पंतने नाणेफेक जिंकून मुल्लानपूर येथे खेळल्या जाणाऱ्या या सामन्यात प्रथम गोलंदाजी करण्याचा निर्णय घेतला आहे. लखनौ संघात केवळ एक बदल करण्यात आला आहे. दिग्वेश राठी आजच्या सामन्यात खेळत नाहीये. त्याच्या जागी मणिकरण सिद्धार्थला अंतिम ११ खेळाडूंमध्ये स्थान मिळाले आहे. पंजाब किंग्सने आपल्या संघात कोणताही बदल केलेला नाही.

World Champion सूर्यकुमार यादवचे वाढले टेन्शन, T20 चा कॅप्टन होणार Shreyas Iyer; BCCI ची चाल

पंजाबचा विजयीरथ सुरूच 

श्रेयस अय्यरच्या नेतृत्वाखाली पंजाब किंग्स या हंगामात आतापर्यंत अपराजित राहिला आहे. आपल्या मागील सामन्यात त्यांनी पाच वेळच्या चॅम्पियन मुंबई इंडियन्सला सात गडी राखून पराभूत केले. यामुळे पंजाब किंग्स पाच सामन्यांतून नऊ गुणांसह गुणतालिकेत अव्वल स्थानावर आहे. या सामन्यातील विजयामुळे त्यांचे अव्वल स्थान आणखी मजबूत होईल.

कोण ठरणार वरचढ?

दुसरीकडे, लखनौ सुपर जायंट्सची कामगिरी या हंगामात सातत्यपूर्ण राहिलेली नाही. संघाने काही प्रसंगी प्रभावी कामगिरी दाखवली आहे, परंतु सातत्याचा अभाव स्पष्टपणे दिसून आला आहे. मुकुल चौधरीसारख्या खेळाडूंनी निश्चितच प्रभावित केले आहे, परंतु इतर खेळाडू चांगली कामगिरी करू शकलेले नाहीत. आपल्या शेवटच्या सामन्यात रॉयल चॅलेंजर्स बंगळूरविरुद्ध संघाला पाच गडी राखून पराभव पत्करावा लागला. त्या सामन्यात कर्णधार ऋषभ पंतला कोपराला दुखापत झाली होती, पण तो पंजाब किंग्सविरुद्ध खेळत आहे ही दिलासादायक बाब आहे. पंजाब किंग्स आपली विजयी मालिका कायम ठेवतात की लखनौ सुपर जायंट्स पुनरागमन करून सामना रोमांचक बनवतात, हे पाहणे उत्सुकतेचे ठरेल.

PBKS vs LSG Head To Head: पंजाबचा विजयरथ रोखणार का लखनौ? IPL मध्ये असा आहे दोन्ही टीमचा रेकॉर्ड

पंजाबचे पारडे जड 

आतापर्यंत पंजाबची टीम एकही सामना हरली नाही. दरम्यान लखनौच्या टीमने कामगिरीत सातत्य दाखवलेले नाही. त्यामुळे दोन्ही संघांपैकी पंजाबच्या टीमचे पारडे जड असल्याचे दिसून येत आहे. याशिवाय ऋषभ पंतच्या तुलनेत श्रेयस अय्यरची कामगिरी आणि त्याची कॅप्टन्सी हादेखील चर्चेचा विषय आहे. सध्या श्रेयस अय्यर हा टॉप खेळाडूंपैकी एक मानला जात असून त्याचा फॉर्मही उत्कृष्ट असल्याचे दिसून येत आहे. यामुळे या सामन्याकडे चाहत्यांचे लक्ष लागून राहिले आहे.