फोटो सौजन्य - President of India x अकाउंट
राष्ट्रपती द्रौपदी मुर्मू-सायना नेहवाल : सोशल मीडियावर एक व्हिडीओ सध्या वाऱ्यासारखा शेअर केला जात आहे. यामध्ये भारताच्या राष्ट्रपती द्रौपदी मुर्मू आणि भारताची ऑलिम्पिक कास्य पदक विजेती सायना नेहवाल दोघी बॅटमिंटन खेळतानाचा व्हिडीओ व्हायरल होत आहे. राष्ट्रपती द्रौपदी मुर्मू या बॅटमिंटन कोर्टवर पाहून सर्वच जण चकित झाले आहेत. या व्हिडिओमध्ये दिसत आहे की राष्ट्रपती द्रौपदी मुर्मू आणि बॅटमिंटनपटू सायना नेहवाल यांच्यामध्ये सामना पाहायला मिळाला. त्याचबरोबर आजूबाजूला प्रेक्षक सुद्धा हा सामना पाहण्यासाठी बसले आहेत. हा फोटो स्वतः राष्ट्रपती द्रौपदी मुर्मू यांनी त्यांच्या सोशल मीडियावर शेअर केला आहे. त्याचबरोबर
द्रौपदी मुर्मू यांनी सायना नेहवालसोबत बॅडमिंटन खेळतानाचे फोटो आणि व्हिडीओ सोशल मीडियावर फारच व्हायरल होत आहेत. यावेळी शेअर केलेल्या पोस्टमध्ये राष्ट्रपती द्रौपदी मुर्मू यांच्या अकाउंटवर कॅप्शनमध्ये लिहिले आहे की, ‘राष्ट्रपती द्रौपदी मुर्मू यांचे क्रीडा आणि खेळांबद्दलचे नैसर्गिक प्रेम त्यांनी राष्ट्रपती भवनातील बॅडमिंटन कोर्टवर बहुचर्चित खेळाडू सायना नेहवालसोबत बॅडमिंटन खेळताना दिसून आल्या. बॅडमिंटन-पॉवर हाऊस म्हणून भारताच्या उदयाला अनुसरून, महिला-खेळाडूंनी जागतिक स्तरावर चांगला प्रभाव पाडण्यासाठी राष्ट्रपतींचे प्रेरणादायी पाऊल आहे.’
पुढे लिहिले आहे की, पद्म पुरस्कार विजेत्या महिलांचा समावेश असलेल्या ‘तिची कथा – माय स्टोरी’ व्याख्यानमालेचा भाग म्हणून, पद्मश्री आणि पद्मभूषण पुरस्काराने सन्मानित सायना नेहवाल, भारतीय खेळाडू, राष्ट्रपती भवन सांस्कृतिक कार्यक्रमात भाषण देतील आणि प्रेक्षकांशी संवाद साधणार आहेत.
President Droupadi Murmu’s natural love for sports and games was seen when she played badminton with the much-celebrated player Ms. Saina Nehwal at the Badminton Court in Rashtrapati Bhavan. The President’s inspiring step is in keeping with India’s emergence as a badminton-power… pic.twitter.com/DGjRudbzSc
— President of India (@rashtrapatibhvn) July 10, 2024
सायना नेहवालने तिच्या सोशल मीडियावर पोस्ट शेअर करून तिच्या भावना व्यक्त केल्या आहेत. यावेळी तिने पोस्टखाली कॅप्शनमध्ये लिहिले आहे की, @presidentofindia सोबत खेळण्याचा मान मिळाला.. माझ्या आयुष्यातील किती संस्मरणीय दिवस आहे … माझ्यासोबत बॅडमिंटन खेळल्याबद्दल राष्ट्रपती मॅम तुमचे खूप खूप आभार!
सायना नेहवाल ही भारतीय बॅडमिंटन खेळाडूंमधील एक दिग्गज आहे. एवढेच नव्हे तर तिने ऑलिम्पिक बॅडमिंटनमध्ये पदक जिंकणारी पहिली महिला आहे. त्याचबरोबर जागतिक स्तरावर १० पहिले स्थान गाठणारी सुद्धा पहिली भारतीय महिला आहे. सायना नेहवालने आंतरराष्ट्रीय स्तरावर अनेक विक्रम नोंदवले आहेत.
.png "Videos"){kind=small}
