PSL 2026 : परदेशी खेळाडूंनी दाखवली PSL ला त्यांची जागा! पाकिस्तानला बसू शकतात आणखी दोन मोठे धक्के

इंडियन प्रीमियर लीग आणि पाकिस्तान सुपर लीग यांच्यातील संघर्षामुळे आता पाकिस्तानवर ताण येत आहे. ज्या खेळाडूंना आयपीएल लिलावात कोणी खरेदीदार मिळाला नाही, ते खेळाडूदेखील आता पीएसएल सोडून आयपीएलमध्ये जाण्यास तयार आहेत.

आयपीएल आणि पीएसएल यांच्यामध्ये सातत्याने तुलना केली जाते त्यामुळे सोशल मिडियावर याबद्दल सातत्याने वाद पाहायला मिळाला आहे. पण सर्वानाच ठावूक आहे की आयपीएल आणि पीएसएलची कोणतीही तुलना केली जाणार नाही कारण आयपीएल ही जगातील सर्वात श्रीमंत लीग आहे.  इंडियन प्रीमियर लीग (IPL) आणि पाकिस्तान सुपर लीग (PSL) यांच्यातील संघर्षामुळे आता पाकिस्तानवर ताण येत आहे. पीएसएल २०२६ ही स्पर्धा २६ मार्चपासून सुरू होत आहे, तर आयपीएल २०२६ चा पहिला सामना २८ मार्च रोजी खेळला जाईल. सर्व प्रमुख खेळाडू आयपीएलमध्ये खेळण्यासाठी आधीच तयार आहेत. 

अशा परिस्थितीत, ज्या खेळाडूंना आयपीएल लिलावात कोणी खरेदीदार मिळाला नाही, ते खेळाडूदेखील आता पीएसएल सोडून आयपीएलमध्ये जाण्यास तयार आहेत. खरे तर, आयपीएल २०२६ सुरू होण्यापूर्वीच, दुर्दैवाने अनेक खेळाडू दुखापतीमुळे स्पर्धेतून बाहेर पडले आहेत, त्यामुळे फ्रँचायझी त्यांच्या बदली खेळाडूंच्या शोधात आहेत. झिम्बाब्वेचा ब्लेसिंग मुझारबानी आणि श्रीलंकेचा दासुन शनाका यांनी पाकिस्तान सुपर लीग वगळून आयपीएल संघांमध्ये प्रवेश केला आहे. 

IPL 2026 : KKR ने आकाशदीपच्या जागी नवीन गोलंदाजाची केली घोषणा, संघात या खेळाडूचा केला समावेश

ब्लेसिंग मुझारबानीला कोलकाता नाईट रायडर्सने मुस्तफिजुर रहमानच्या जागी करारबद्ध केले आहे. तर शनाका सॅम करनच्या जागी राजस्थान रॉयल्स संघात सामील होईल. आता आणखी दोन खेळाडू पाकिस्तान सुपर लीग सोडून आयपीएलमध्ये खेळण्याच्या तयारीत आहेत. वेस्ट इंडिजचा फिरकी गोलंदाज गुडाकेश मोती याने पीएसएलमधून आधीच माघार घेतली आहे, जिथे तो लाहोर कलंदर्सकडून खेळणार होता. तो लखनौ सुपर जायंट्स संघात सामील होणार असल्याच्याही बातम्या आहेत, मात्र याला अद्याप कोणतीही अधिकृत पुष्टी मिळालेली नाही.

See more

🚨 DASUN SHANAKA OUT OF PSL FOR IPL 🚨 Dasun Shanaka has decided to choose the IPL over the PSL. He was picked by Lahore for PKR 2.2 Crore He will replace Sam Curran in the Rajasthan Royals for INR 2 Crore 👏🏻 Another day, Another humiliation for PSL 😂pic.twitter.com/8WkRgBdnLO — Fan Account Richard Kettlebourogh (@RichKettle07) March 22, 2026

याव्यतिरिक्त, क्वेटा ग्लॅडिएटर्सने थेट करारबद्ध केलेला ऑस्ट्रेलियन वेगवान गोलंदाज स्पेन्सर जॉन्सन देखील पीएसएलमधून माघार घेणार आहे. तो चेन्नई सुपर किंग्स संघात नॅथन एलिसची जागा घेऊ शकतो, असेही वृत्त आहे, परंतु याला अद्याप अधिकृत दुजोरा मिळालेला नाही. जर हे दोन खेळाडूही आयपीएल संघात सामील झाले, तर या हंगामात पाकिस्तान सुपर लीगपेक्षा आयपीएलला प्राधान्य देणारे एकूण चार खेळाडू असतील.