Ranji Trophy 2025 : दिल्लीच्या प्लेइंग इलेव्हनमध्ये 13 वर्षांनंतर विराटची एंट्री, या क्रमांकावर खेळणार फलंदाज

भारतीय संघाचा दिग्गज फलंदाज विराट कोहलीची १२ वर्षांची प्रतीक्षा अखेर संपली आहे. विराट या सामन्यात त्याच्या आवडत्या क्रमांक चौथ्या स्थानावर खेळताना दिसणार आहे.

विराट कोहली रणजी ट्रॉफी : विराट कोहली दीर्घ कालावधीनंतर देशांतर्गत क्रिकेटमध्ये पुनरागमन करत आहे. विराट कोहली तब्बल १२ वर्षांनंतर रणजी ट्रॉफी सामना खेळणार आहे. अशा स्थितीत त्याच्या चाहत्यांनाही या सामन्याबद्दल उत्सुकता आहे. त्यामुळेच दिल्ली विरुद्ध रेल्वे सामना विराट कोहली थेट पाहण्यासाठी दिल्लीतील अरुण जेटली स्टेडियमबाहेर चाहत्यांनी मोठ्या संख्येने गर्दी केली होती. पहाटे ३ वाजल्यापासूनच स्टेडियमबाहेर चाहत्यांच्या रांगा लागल्या. गेट उघडेपर्यंत स्टेडियमबाहेर मोठी गर्दी जमली होती. जवळपास १० हजार चाहत्यांना हा सामना बघायला मिळणार आहे. यासाठी तिकीटाची व्यवस्था नाही. तुमचे आधार कार्ड दाखवून तुम्हाला प्रवेश मिळणार आहे. रणजी सामन्याची चाहत्यांमध्ये अशी क्रेझ तुम्ही यापूर्वी पाहिली नसेल.

ICC Women’s Under-19 T20 World Cup 2025 मध्ये भारत लढणार इंग्लंडशी, वाचा कधी आणि कुठे पाहता येणार सामना

जवळपास १० हजार चाहत्यांना अजूनही या सामन्याचा आनंद घेता येणार आहे. बीसीसीआय आणि प्रसारकांनी शेवटच्या क्षणी या सामन्याचे थेट प्रक्षेपण करण्याची व्यवस्थाही केली आहे. JioCinema ॲप आणि वेबसाइटवर सामना थेट पाहता येणार आहे.

भारतीय संघाचा दिग्गज फलंदाज विराट कोहलीची १२ वर्षांची प्रतीक्षा अखेर संपली आहे. गुरुवारी झालेल्या रेल्वेविरुद्धच्या सामन्यात दिल्लीचा कर्णधार आयुष बडोनीने नाणेफेक जिंकून प्रथम गोलंदाजी करण्याचा निर्णय घेतला आहे. दिल्लीच्या या प्लेइंग इलेव्हनमध्ये कोहलीच्या नावाचाही समावेश आहे. विराट या सामन्यात त्याच्या आवडत्या क्रमांक चौथ्या स्थानावर खेळताना दिसणार आहे.

See more

Here’s a look at the Playing XIs of Delhi and Railways 👌👌#RanjiTrophy | @IDFCFIRSTBank Scorecard ▶️ https://t.co/IhwXam3F5T pic.twitter.com/sf1zRMFVFb — BCCI Domestic (@BCCIdomestic) January 30, 2025

कोहलीने शेवटचा रणजी ट्रॉफी २०१२ मध्ये भाग घेतला होता. तो मंगळवारी सरावासाठी दिल्ली कॅम्पमध्ये सामील झाला आणि रेल्वेविरुद्धच्या सामन्याच्या तयारीसाठी गेल्या दोन दिवसांपासून नेटमध्ये घाम गाळताना दिसला. दिल्लीला पोहोचण्यापूर्वी कोहली मुंबईत माजी भारतीय प्रशिक्षक संजय बांगर यांच्यासोबत बॅकफूट तंत्राचा सराव करत होता.

गेले वर्ष विराटसाठी आंतरराष्ट्रीय क्रिकेटमध्ये खूप वाईट होते, जिथे कोणत्याही मालिकेत त्याच्या बॅटने आग लागली नाही. त्याची वाईट अवस्था बॉर्डर गावस्कर ट्रॉफीमध्येही पाहायला मिळाली, जिथे त्याने पर्थ येथे खेळल्या गेलेल्या पहिल्या कसोटीत शतक झळकावून मालिकेची शानदार सुरुवात केली. मात्र, यानंतर विराट धावांसाठी झगडताना दिसला. त्याने संपूर्ण मालिकेत २३.७५ च्या सरासरीने केवळ १९० धावा केल्या. अशा स्थितीत आपला फॉर्म परत मिळवण्यासाठी आणि पुनरागमन करण्यासाठी तो रणजी ट्रॉफीकडे वळला आहे.

रेल्वेविरुद्ध दिल्लीची प्लेइंग इलेव्हन :

अर्पित राणा, सनत सांगवान, विराट कोहली, यश धुल, आयुष बडोनी (कर्णधार), प्रणव राजुवंशी (यष्टीरक्षक), सुमित माथूर, शिवम शर्मा, नवदीप सैनी, मणी ग्रेवाल, सिद्धांत शर्मा.