RR Vs GT : गुजरात टायटन्स आणि राजस्थान रॉयल्समध्ये रंगणार धमासान! संभाव्य 11 खेळाडूंसह सामन्याची  A ते Z माहिती जाणून घ्या..

आयपीएल २०२५ चा आज  ४७ वा सामना राजस्थान रॉयल्स आणि गुजरात टायटन्स यांच्यात खेळवला जाणार आहे. गुजरात आजचा सामना जिंकून ते पहिल्या स्थानावर पोहोचण्यासाठी प्रयत्नशील असतील. 

RR Vs GT : आयपीएल २०२५ चा 18 वा हंगाम चांगलाच रंगात आला आहे. आतापर्यंत ४६ सामने खेळवण्यात आले आहेत.आज  ४७ वा सामना राजस्थान रॉयल्स आणि गुजरात टायटन्स यांच्यात रंगणार आहे. हा सामना आज २८ एप्रिल रोजी सायंकाळी ७.३० वाजता जयपूर येथील सवाई मानसिंग स्टेडियमवर खेळला जाणारा आहे. आयपीएलच्या या हंगामातून राजस्थान रॉयल्सचा प्रवास जवळजवळ संपुष्टात याला आहे. आता राजस्थान संघ इतर संघांचे काम बिघडवण्याचे काम करू शकतो.

राजस्थान रॉयल्स संघ ९ सामन्यांमध्ये २ विजयांसह गुणतालिकेत ९ व्या स्थानावर आहे. जर त्यांनी आतापासून लागोपाठ ५ सामने जिंकले तर उर्वरित संघांचे समीकरण बिघडू शकते.  त्याच वेळी, गुजरात टायटन्स ८ सामन्यांमध्ये ६ विजयांसह दुसऱ्या स्थानावर विराजमान आहे. आजचा सामना जिंकून ते पहिल्या स्थानावर पोहोचण्यासाठी प्रयत्नशील असतील.

हेही वाचा : Shoaib Akhtar वर कारवाईचा बडगा! Pahalgam Terrorist Attack नंतर भारताने घेतला ‘हा’ कठोर निर्णय…

खेळपट्टीचा अहवाल

सवाई मानसिंग स्टेडियमची खेळपट्टी उच्च धावसंख्या असलेली नसल्याने त्यावर आतापर्यंत १७०-१८० मधील धावसंख्या यशस्वीरित्या बचावली गेली आहे. कारण विकेटमध्ये उसळी नसते आणि लांब चौरस चौरस असतात, ज्यामुळे बॅट आणि बॉलमधील स्पर्धा समान दिसून येते. या खेळपट्टीवर, प्रथम फलंदाजी करताना किंवा दुसऱ्या डावात लक्ष्याचा पाठलाग करताना आपल्या संघाला आव्हानात्मक धावसंख्या उभरण्यासाठी फलंदाजांना विकेट समजून घेऊन संयमाने फलंदाजी करावी लागणार आहे.

हवामानाचा अंदाज

राजस्थानमध्ये होणाऱ्या या सामन्यात पावसाचा व्यत्यय येण्याची शक्यता कमीच आहे. कमाल तापमान ४२ अंश आणि किमान २५ अंश असण्याची शक्यता आहे. सवाई मानसिंग स्टेडियमवर आतापर्यंत एकूण ५९ आयपीएल सामने खेळवण्यात आले आहेत. ५९ सामन्यांमध्ये प्रथम फलंदाजी करणाऱ्या संघाने २१ वेळा विजय मिळवला आहे. तर लक्ष्याचा पाठलाग करणाऱ्या संघाने ३८ सामने आपल्या नावे केले आहे.

 हेड टू हेड रेकॉर्ड

राजस्थान रॉयल्स आणि गुजरात टायटन्स हे एकूण ७ वेळा आमनेसामने आले आहेत. त्यापैकी ६ सामने गुजरात टायटन्सने एकतर्फी दबदबा रखत  जिंकले आहेत. राजस्थानला एकमेव सामना जिंकला आहे. हेड टू हेड सामन्यात गुजरातच वरचढ दिसत आहे.

हेही वाचा : MI vs LSG : ‘आमचा मुलगा मनोरंजनाचा विषय नाही..’, यॉर्करकिंग बुमराहची पत्नी Sanjana Ganesan चा संताप अनावर, नेमकं काय घडलं?

राजस्थान आणि गुजरातचे संभाव्य ११ खेळाडू

राजस्थान रॉयल्स :  यशस्वी जयस्वाल, वैभव सूर्यवंशी, नितीश राणा, रियान पराग, ध्रुव जुरेल, शिमरोन हेटमायर, जोफ्रा आर्चर, वानिंदू हसरंगा, महेश थीकशन, आकाश माधवाल, संदीप शर्मा.

गुजरात टायटन्स : शुभमन गिल, साई सुदर्शन, जोस बटलर, शेरफेन रदरफोर्ड, शाहरुख खान, राहुल तेवतिया, वॉशिंग्टन सुंदर, रशीद खान, आर साई किशोर, मोहम्मद सिराज, प्रसिद्ध कृष्णा.