RSA vs AFG, T20 World Cup: South Africa won the match, Afghanistan won the match! Markram's army won in the Super Over
South Africa vs Afghanistan Live Score : टी२० विश्वचषक २०२६ च्या ग्रुप डी सामन्यात अफगाणिस्तान आणि दक्षिण आफ्रिका संघ आमनेसामने आले होते. या सामन्यात दोन वेळा सुपर ओव्हर खेळवण्यात आल्या. या सामन्यात पहिली सुपर ओव्हर टाय होऊन दुसऱ्या सुपर ओव्हरमध्ये दक्षिण आफ्रिकेने अफगाणिस्तानला पराभूत केले.
या सामन्यात टॉस गमावून प्रथम फलंदाजी करत दक्षिण आफ्रिकेने अफगाणिस्तानसमोर १८७ धावांचे लक्ष्य उभे केले. १८८ धावांच्या लक्ष्याचा पाठलाग करताना अफगाणिस्तानने रहमानउल्लाह गुरबाजच्या अर्धशतकाच्या जोरावर सर्वबाद १९.४ षटकात १८७ धावा केल्या आणि सामना टाय झाला.
हेही वाचा : पाकिस्ताननंतर आता बांगलादेशने घेतला यू-टर्न, T20 World Cup मधून माघार घेत खेळाडूंना बनवले खलनायक
पहिल्या सुपर ओव्हरमधील लुंगी एनगिडीच्या पहिल्या चेंडूवर अझमतुल्लाहने चौकार मारला आणि त्यानंतर दुसऱ्या चेंडूवर षटकार ठोकला. अझमतने तिसऱ्या चेंडूवर एक धाव घेतली आणि गुरबाजला स्ट्राईक दिला. गुरबाजने चौथ्या चेंडूवर दोन धावा मागितल्या, पण फक्त एक धाव घेता आली. पाचव्या चेंडूवर अझमत स्ट्राईकवर आला आणि त्याने शानदार चौकार लगावला. त्याने शेवटच्या चेंडूवर एक धाव घेतली आणि १७ धावा केल्या, ज्यामुळे दक्षिण आफ्रिकेला विजयासाठी १८ धावांचे लक्ष्य देण्यात आले.
१८ धावांचा पाठलाग करताना दक्षिण आफ्रिकेचा संघ १७ धावा करून शकला. दुसऱ्या चेंडूवर ब्रेव्हिस स्ट्राईकवर आला आणि त्याने शानदार षटकार मारला. त्यानंतर, तिसऱ्या चेंडूवर, अफगाणिस्तानने ब्रेव्हिसची विकेट काढली. स्टब्सने चौथ्या चेंडूवर चौकार मारला, ज्यामुळे शेवटच्या दोन चेंडूंवर ७ धावांची गरज होती. त्यानंतर पाचवा चेंडू डॉट बॉल गेला आणि शेवटच्या चेंडूवर स्टब्सने शेवटच्या चेंडूवर षटकार मारला, ज्यामुळे सुपर ओव्हर बरोबरीत आली.
दुसऱ्या सुपर ओव्हरमध्ये दक्षिण आफ्रिकेने प्रथम फलंदाजी(टी२० विश्वचषक २०२६ ) करत अफगाणिस्तानसमोर २४ धावांचे लक्ष्य दिले. परंत, अफगाणिस्ताने आपल्या दुसऱ्याच चेंडूवर आपला गडी गमावला. त्यानंतर अफगाणिस्ताननला ४ चेंडूत २४ धावांची आवश्यकता होती. गुरुबाजने तीन चेंडूवर तीन षटकार लागवले मात्र सहाव्या चेंडूवर मात्र तो षटकार मारू शकला नाही आणि अफगाणिस्तानला सामना गामाववा लागला.
दक्षिण आफ्रिका प्लेइंग इलेव्हन : एडेन मार्क्रम (कर्णधार), क्विंटन डी कॉक (यष्टीरक्षक), रायन रिकेल्टन, डेवाल्ड ब्रुविस, डेव्हिड मिलर, ट्रिस्टन स्टब्स, मार्को जॅन्सेन, जॉर्ज लिंडे, कागिसो रबाडा, केशव महाराज, लुंगी एनगिडी
अफगाणिस्तान प्लेइंग इलेव्हन: रहमानुल्ला गुरबाज (यष्टीरक्षक), इब्राहिम झद्रान, गुलबदीन नायब, सेदिकुल्ला अटल, दरविश रसूली, अझमतुल्ला उमरझाई, मोहम्मद नबी, रशीद खान (कर्णधार), मुजीब उर रहमान, नूर अहमद, फजलहक फारुकी
.png "Videos"){kind=small}
