Shahid Afridi New Chief Selector Of PCB
पाकिस्तान क्रिकेट बोर्ड आणि पाकिस्तान संघात केव्हा आणि कोणते बदल होतील हे कोणालाच माहीत नाही. अलीकडेच, पीसीबीने इंग्लंड दौऱ्यासाठीच्या संघातून सात खेळाडूंना वगळले. इतकेच नाही, तर मुख्य प्रशिक्षक सरफराज अहमद आणि वेगवान गोलंदाजी प्रशिक्षक उमर गुल यांनाही पदावरून दूर करण्यात आले. आता, शाहिद आफ्रिदी पीसीबीमध्ये सामील होऊ शकतो. अशी चर्चा सुरु झाली आहे.
पाकिस्तान क्रिकेट संघावर जगभरातून टीका होत आहे. इतकेच नाही तर, चाहते पीसीबीवर आपला संताप व्यक्त करत आहेत. पीसीबीने अलीकडेच अनेक मोठे बदल केले आहेत. मुख्य निवडकर्ता आकिब जावेद यांची जागा बदलली जाऊ शकते. पाकिस्तानचा माजी खेळाडू मोहम्मद वसीमने म्हटले आहे की, मुख्य निवडकर्ता आकिब जावेद यांना संघातून काढून टाकण्यात येणार आहे . युट्युबर नौमान नियाझसोबतच्या संभाषणात वसीमने खुलासा केला की, नवीन मुख्य निवडकर्ता लवकरच येणार असून, मोहसिन नक्वी यांचे आवडते असलेले आकिब जावेद यांना पदावरून हटवले जाणार आहे. यानंतर,नवीन मुख्य निवडकर्ता कोण असतील, असे वसीमला विचारण्यात आले. वसीमने नाव स्पष्ट केले नाही, पण त्याने ‘लाला’ असे म्हटले. लाला हे शाहिद आफ्रिदीचे टोपणनाव आहे. वसीम यांनी पुढे सांगितले की, नवीन मुख्य निवडकर्त्याला मोठे अधिकार दिले जातील. त्याला अनेक महत्त्वाचे निर्णय घेण्याचे स्वातंत्र्य असेल. मात्र, तो याला सहमत होतो की नाही, हे पाहणे बाकी आहे.
इंग्लंड दौऱ्यावर पाकिस्तानची लाजिरवाणी कामगिरी जगाने पाहिली. पहिल्या सामन्यात पाकिस्तान इंग्लंडकडून एक डाव आणि १०३ धावांनी पराभूत झाला. इतकेच नव्हे तर, दुसऱ्या सामन्यातही पाकिस्तानला १९४ धावांनी पराभव पत्करावा लागला. तिसऱ्या सामन्यातही पाकिस्ताने ८ विकेट्सने सामना गमावला. इंग्लंडने पाकिस्तानचा संपूर्ण मालिकेत धुव्वा उडवला.
पीसीबीने इमाम-उल-हक, मोहम्मद रिझवान आणि सलमान अली आगा यांच्यासह सात खेळाडूंना इंग्लंड दौऱ्यातून वगळले. मोहम्मद रिझवान आणि इमाम-उल-हक यांची सध्या सायबर गुन्हे शाखेकडून चौकशी सुरू आहे. इतकेच नव्हे, तर त्यांच्या निवडीसंदर्भात निवड समितीला कारणे दाखवा नोटीस बजावण्यात आली आहे. दरम्यान, पाकिस्तानात परतल्यानंतर सलमान अली आगाने प्रथम श्रेणी क्रिकेटमध्ये ट्रिपल सेंच्युरी झळकावून आपल्या टीकाकारांना प्रत्युत्तर दिले.
.png "Videos"){kind=small}
