शीतल देवीचा ‘सुवर्ण बाण’! World Archery Para Series मध्ये कझाकस्तानच्या तिरंदाजावर मात; शूट-ऑफमध्ये बाजी मारत पटकावलं गोल्ड

Sheetal Devi Wins Gold In Archery Para Series: भारतीय पॅरा तिरंदाज शीतल देवीने वर्ल्ड आर्चरी पॅरा सिरीजमध्ये उत्कृष्ट कामगिरी करत सुवर्णपदक पटकावले. शीतलने पॅरा कंपाऊंड महिलांच्या वैयक्तिक स्पर्धेत शूट-ऑफमध्ये कझाकस्तानच्या आयझादा सेदानचा पराभव केला.

• तिरंदाजीत पुन्हा भारताचा डंका
• शीतल देवीची कमाल
• अचूक निशाण्याच्या जोरावर पटकावलं सुवर्णपदक

अहमदाबाद येथे झालेल्या वर्ल्ड आर्चरी पॅरा सिरीज २०२६ मध्ये भारतीय तिरंदाज शीतल देवीने महिलांच्या कंपाऊंड प्रकारात उत्कृष्ट कामगिरी करत सुवर्णपदक जिंकले. बुधवारी, (दि.९ ) वर्ल्ड आर्चरी पॅरा सिरीजच्या तिसऱ्या टप्प्यात तिने भारताला एकतर्फी विजय मिळवून दिला. कझाकस्तानच्या आयझादा सेदानविरुद्धच्या रोमांचक शूट-ऑफ सामन्यात शीतलने सेदानने ९ गुण मिळवले तर, १० गुण मिळवून आपला विजय निश्चित केला. भारताने या स्पर्धेत एकूण १५ पदके जिंकली, ज्यात चार सुवर्ण, तीन रौप्य आणि आठ कांस्य पदकांचा समावेश होता.

जलवा है भाई का! 13 वर्षांनी ईशान किशनने ईस्ट झोनला जिंकवले; Duleep Trophy 2026 वर कोरले नाव

रोमांचक सामन्यात शीतलने कझाकस्तानच्या सेदानचा केला पराभव

जागतिक क्रमवारीत अव्वल असलेल्या शीतलने कझाकस्तानच्या आयझादा सेदानचा पराभव केला. दोन्ही तिरंदाजांनी त्यांच्या पहिल्या फेरीत अचूक ३० गुण मिळवले आणि दुसऱ्या फेरीनंतर पॉईंट्स ५९-५९ अशी बरोबरीत होती. तिसऱ्या फेरीत, आयझादाने २८ आणि शीतलने २७ गुण मिळवले, ज्यामुळे आयझादाला एका गुणाची आघाडी मिळाली. चौथी फेरी २९-२९ अशी बरोबरीत संपली, त्यामुळे अंतिम फेरीत प्रवेश करताना भारतीय तिरंदाज एका गुणाने मागे होती. दबावाखाली शीतलने उत्कृष्ट कामगिरी करत २९ गुण मिळवले, तर आयझादाने २८ गुण मिळवले. यामुळे पॉईंट्स १४४-१४४ अशी बरोबरीत आली आणि सामना शूट-ऑफमध्ये गेला. अखेरीस, भारतीय तिरंदाजाने एक रोमांचक विजय मिळवला. सुवर्णपदक पणाला लागलेले असताना, शीतलने अचूक १० गुण मिळवले, तर आयझादाला केवळ ९ गुण मिळवता आले.

कंपाऊंड मिश्र सांघिक प्रकारात कांस्यपदक जिंकले

यापूर्वी, शीतलने तोमन कुमारसोबत कंपाऊंड मिश्र सांघिक प्रकारात कांस्यपदक जिंकले होते. या सुवर्णपदकासह त्यांनी या स्पर्धेत दोन पदके जिंकली आहेत. कांस्यपदकाच्या सामन्यात शीतल आणि तोमनने इराकच्या सारा अल हमीद आणि अब्बास काधिम यांचा १५७-१४५ असा पराभव केला. या भारतीय जोडीने पहिल्या तीन फेऱ्यांमध्ये प्रत्येकी ३९ आणि शेवटच्या फेरीत अचूक ४० गुण मिळवले आणि चार फेऱ्यांमध्ये केवळ तीन गुण गमावले.

इतर खेळाडूंनीही भारतासाठी केली पदाकाची कमाई

पॅरालिम्पिक चॅम्पियन हरविंदर सिंगनेही भारताच्या प्रभावी कामगिरीत महत्त्वाची भूमिका बजावली. त्याने भावनासोबत जोडी करून पॅरा-रिकर्व्ह मिश्र सांघिक स्पर्धेत सुवर्णपदक जिंकले. या भारतीय जोडीने अंतिम सामन्यात चीनच्या लियांग किउरोंग आणि जिया लेई यांच्यावर वर्चस्व गाजवत ६-० असा एकतर्फी विजय मिळवला. हरविंदर आणि भावनाने पहिला सेट ३५-३१ आणि दुसरा ३६-३३ असा जिंकून विजय मिळवला. तिसरा सेट ३४-३२ असा संपला.

त्यानंतर भावनाने महिलांच्या पॅरा-रिकर्व्ह स्पर्धेतील कांस्यपदकाच्या लढतीत भारताच्याच राजश्री राठोरला ६-० ने हरवून आणखी एक पदक पटकावले. भारताने महिलांच्या पॅरा-कंपाउंड वैयक्तिक स्पर्धेतही कांस्यपदक जिंकले, ज्यात सरिताने चीनच्या वांग हुईटिंगला १४१-१४० ने हरवले. तोमन कुमारने पुरुषांच्या वैयक्तिक पॅरा-कंपाउंड स्पर्धेत इराकच्या अब्बास काधिमला १४३-१३८ ने हरवून आणखी एक कांस्यपदक जिंकले. स्पर्धेतील हे त्याचे दुसरे पदक होते.

IND vs AFG सिरिजच्या आधीच टीम इंडियात मोठा बदल; हर्षित राणा OUT, ‘या’ खेळाडूची होणार एन्ट्री