photo- social media
IPL 2027 Auction: खेळाडूंवर पैशांचा पाऊस पडणार! फ्रँचायझींची तयारी सुरू; मिनी ऑक्शनची तारीख समोर
टीओआयच्या वृत्तानुसार, ४२ वर्षीय पॅरा-ॲथलीट आणि भालाफेकपटू नीरज यादवने आत्महत्या केली आहे. विष प्राशन केल्यानंतर त्यांना रुग्णालयात दाखल करण्यात आले होते. त्यांचे सहकारी पॅरालिम्पिक चॅम्पियन सुमित अंतिल आणि विपिन कसाना हे देखील रुग्णालयात उपस्थित होते. नीरजच्या आत्महत्येमागील कारण अद्याप समोर आलेले नाही. भारताचे मुख्य पॅरा-ॲथलीट प्रशिक्षक, एस. सत्यनारायण यांनी टीओआयला नीरजच्या आत्महत्येबद्दल माहिती दिली.
सत्यनारायण म्हणाले की, ‘हो, नीरज यादवने आत्महत्या केली आहे. मला आतापर्यंत एवढीच माहिती आहे. मला सांगण्यात आले आहे की, त्याने काल रात्री त्याच्या अपार्टमेंटमध्ये विष प्राशन केले. ही खूप दुःखद आणि अत्यंत दुर्दैवी बातमी आहे.’
एस. सत्यनारायण पुढे म्हणाले की, ‘तो आशियाई पॅरा गेम्समध्ये सहभागी होण्याचा विचार करत होता. या स्पर्धेत पदक जिंकल्यास भरीव सरकारी बक्षिसे मिळतात आणि नोकरी मिळण्याची संधीही असते. मात्र, डोपिंग टेस्टमधील निलंबन मागे न घेतल्याने तो स्पर्धेत सहभागी होऊ शकला नाही. याचा त्याच्यावर गंभीर परिणाम झाला असण्याची शक्यता आहे. परंतु, आम्ही सध्या या प्रकरणावर भाष्य करू शकत नाही.’
नीरज डोपिंग टेस्टमध्ये मिळालेल्या निलंबनामुळे या महिन्याच्या आशियाई पॅरा गेम्समध्ये सहभागी होऊ शकले नव्हते. सध्या, डोपिंग बंदी आणि आशियाई पॅरा गेम्समध्ये सहभागी होऊ न शकणे या गोष्टी त्याच्या मानसिक स्थितीशी जोडल्या जात आहेत, परंतु या परिस्थितीचा आणि त्याच्या मृत्यूचा थेट संबंध अद्याप अधिकृतपणे निश्चित झालेला नाही.
उत्तर प्रदेशचे नीरज यादव हे भारतातील सर्वात यशस्वी पॅरा-ॲथलीटपैकी एक होते. वयाच्या ७ व्या वर्षी त्यांना पोलिओमुळे पक्षाघात झाल्याचे निदान झाले. असे असूनही, त्यांनी खेळाची आवड जोपासली. त्यांनी २००५ ते २०१२ पर्यंत व्हीलचेअर टेनिसमध्ये भाग घेतला. त्यानंतर ते पॅरा-ॲथलेटिक्सकडे वळले. २०१५ मध्ये, त्यांनी राज्यस्तरीय ॲथलेटिक्स स्पर्धेत गोळाफेक, भालाफेक आणि थाळीफेक या स्पर्धांमध्ये सुवर्णपदके जिंकली. २०१८ च्या आशियाई पॅरा गेम्समध्ये त्यांनी पुरुषांच्या F55 भालाफेक स्पर्धेत सुवर्णपदक जिंकले. २०२३ मध्ये, त्यांनी भालाफेक आणि थाळीफेक या स्पर्धांमध्ये सुवर्णपदके जिंकली. पॅरा-ॲथलेटिक्समधील भारताच्या यशातही त्यांनी महत्त्वाची भूमिका बजावली.
Ans: नीरज यादव हे भारतीय पॅरा-ॲथलीट आणि भालाफेकपटू होते. त्यांनी आंतरराष्ट्रीय पातळीवर भारतासाठी पॅरा-ॲथलेटिक्समध्ये शानदार कामगिरी केली होती.
Ans: नीरज यादव यांनी २०१८ आणि २०२३ च्या आशियाई पॅरा गेम्समध्ये भालाफेक आणि थाळीफेकसह विविध स्पर्धांमध्ये सुवर्णपदके जिंकली होती.
Ans: वृत्तांनुसार, नीरज यादव यांनी विष प्राशन केल्यानंतर त्यांना रुग्णालयात दाखल करण्यात आले होते. त्यानंतर त्यांचे निधन झाल्याचे वृत्त समोर आले.
.png "Videos"){kind=small}
