IND vs SA Test series : शुभमन गिलला विश्वविक्रम मोडण्याची संधी! रिकी पॉन्टिंगला टाकणार मागे?

भारत आणि दक्षिण आफ्रिका यांच्यात दोन सामन्यांची कसोटी मालिका खेळली जाणार आहे. या मालिकेत भारतीय कर्णधार शुभमन गिलला कर्णधार म्हणून रिकी पॉन्टिंगचा विश्वविक्रम मोडण्याची संधी असणार आहे.

Updated On: Nov 12, 2025 | 08:34 PM
IND vs SA Test series: Shubman Gill gets a chance to break the world record! Will he surpass Ricky Ponting?

IND vs SA Test series: Shubman Gill gets a chance to break the world record! Will he surpass Ricky Ponting?

Follow Us
Follow Us:
  • दक्षिण आफ्रिका आणि भारत यांच्यात  दोन सामन्यांची कसोटी मालिका खेळली जाणार  
  • कर्णधार गिलला रिकी पॉन्टिंगचा विश्वविक्रम मोडण्याची संधी 
  • कर्णधार म्हणून एका वर्षात सर्वाधिक शतके करण्याची संधी 
Shubman Gill eyes Ricky Ponting’s world record : भारत आणि दक्षिण आफ्रिका यांच्यात दोन सामन्यांची कसोटी मालिका सुरू होणार आहे. मालिकेतील पहिला सामना १४ नोव्हेंबर रोजी कोलकाता येथे खेळला जाणार आहे. दक्षिण आफ्रिकेच्या दोन कसोटी सामन्यांच्या मालिकेदरम्यान, भारतीय कर्णधार शुभमन गिलला कर्णधार म्हणून रिकी पॉन्टिंगचा विश्वविक्रम मोडण्याची नामी संधी असणार आहे. सध्या पॉन्टिंगने कर्णधार म्हणून एका वर्षात सर्वाधिक शतके झळकवण्याचा विश्वविक्रम रचला आहे. २००६ मध्ये पॉन्टिंगने कर्णधार म्हणून सात कसोटी शतके ठोकली होती.

हेही वाचा : IND vs SA: ‘आम्ही भारताला हरवण्यास उत्सुक…’, केशव महाराजने भारताविरुद्ध फोडली डरकाळी; दिले खुले आव्हान

शुभमन गिलने २०२५ मध्ये आधीच पाच शतके झळकवलेली आहेत. जर शुभमन गिलने दक्षिण आफ्रिकेविरुद्धच्या कसोटी मालिकेतील चार डावांमध्ये तीन शतके लागावली तर तो पॉन्टिंगचा विश्वविक्रम मोडीत काढण्यास यशस्वी ठरले.  शिवाय, शुभमन गिल एका वर्षात कर्णधाराने सर्वाधिक शतके ठोकण्याचा भारतीय विक्रम प्रस्थापित करण्यापासून केवळ एक शतकच दूर आहे.

भारताकडून कर्णधार म्हणून एकाच वर्षात सर्वाधिक शतके ठोकण्याचा विक्रम विराट कोहलीच्या नावावर जमा आहे. विराट कोहलीने २०१७ आणि २०१८ मध्ये दोनदा ही किमया साधली आहे. डॉन ब्रॅडमन (१९४८), अॅलन बॉर्डर (१९८५), ब्रायन लारा (२००७), महेला जयवर्धने (२००७) आणि मायकेल क्लार्क (२०१२) यांनी देखील कसोटी क्रिकेटमध्ये कर्णधार म्हणून एकाच वर्षात पाच शतके ठोकली आहेत.

हेही वाचा : IND vs SA : या’ खेळाडूने घातलाय धावांचा रतीब! भारत-दक्षिण आफ्रिका कसोटी मालिकेत गाठला ५०० धावांचा टप्पा

जर शुभमन गिलने दोन शतके ठोकली तर तो एका कॅलेंडर वर्षात सर्वाधिक शतके करणाऱ्या फलंदाजांच्या यादीत संयुक्तपणे दुसऱ्या क्रमांकावर येणार आणि जर त्याने आठ शतकांचा आकडा गाठला तर तो थेट दुसऱ्या क्रमांकावर येणार आहे. जर शुभमन गिलने मालिकेतील चारही डावात चार शतके केली तर तो एका कॅलेंडर वर्षात फलंदाजाने सर्वाधिक शतके करण्याचा विक्रमाशी बरोबरी साधेल जो वर्तमानात  मोहम्मद युसूफ (९) यांच्या नावावर जमा आहे. गुंडप्पा विश्वनाथ, सुनील गावस्कर, तेंडुलकर, राहुल द्रविड (दोनदा), वीरेंद्र सेहवाग आणि कोहली (दोनदा) यांनी एका वर्षात पाच शतके ठोकण्याची किमया केली आहे.

Web Title: Shubman gill gets a chance to break ricky pontings world record in ind vs sa test series

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Nov 12, 2025 | 08:31 PM

Topics: