IND VS AUS : “ट्रॉफीला स्पर्श करणे…” ऑस्ट्रेलियाविरुद्ध टी-२० मालिका जिंकल्यानंतर सूर्यकुमार यादवचा मोहसिन नक्वीवर निशाणा

भारताने ऑस्ट्रेलियाविरुद्ध मालिका जिंकल्यानंतर भारतीय क्रिकेट संघाचा टी-२० कर्णधार सूर्यकुमार यादवने आशिया कप ट्रॉफीच्या मुद्द्यावरून पाकिस्तान क्रिकेट बोर्डाचे प्रमुख मोहसिन नक्वी यांच्यावर निशाणा साधला.

Suryakumar Yadav’s commentary on the Asia Cup trophy:  भारत आणि ऑस्ट्रेलिया यांच्यात पाच सामन्यांची टी 20 मालिका खेळवण्यात आली. भारताने ही मालिका २-१ अशी जिंकली.  मालिका जिंकल्यानंतर भारतीय क्रिकेट संघाचा टी-२० कर्णधार सूर्यकुमार यादवने आशिया कप ट्रॉफीच्या मुद्द्यावरून पाकिस्तान क्रिकेट बोर्डाचे प्रमुख मोहसिन नक्वी यांच्यावर निशाणा साधला आहे. हे प्रकरण आता निकालाच्या उंबरठ्यावर असल्याचे आहे. ऑस्ट्रेलियाविरुद्ध २-१ टी-२० मालिका विजयानंतर सूर्यकुमार यांनी माध्यमांशी संवाद साधला. ट्रॉफीच्या वादाबद्दलच्या अप्रत्यक्ष प्रश्नावर तो थेट बोलला.

हेही वाचा : PAK vs SA : पाकिस्तानने केला दक्षिण आफ्रिकेचा दांडा गुल्ल! गोलंदाजांची दमदार कामगिरी, पाकिस्तानने एकदिवसीय मालिका जिंकली

मालिका विजयानंतर  सूर्यकुमार यादव पत्रकार परिषदेत उपस्थित होता आणि मीडिया ब्रीफिंगची सुरुवात ट्रॉफीने झाली. एका पत्रकाराने सूर्यकुमार यादवला विचारले की त्यांना अखेर टी-२० ट्रॉफी मिळाली आणि त्यांना स्पर्श करण्याची संधी मिळाली. भारतीय कर्णधाराने यावर उत्तर दिले की, “ट्रॉफीला स्पर्श करणे खूप छान वाटते. जेव्हा मला मालिका विजयासाठी ट्रॉफी देण्यात आली तेव्हा मला ती माझ्या हाताला जाणवली.”

नेमकं काय म्हणाला सूर्यकुमार यादव…

सूर्यकुमार यादव याने काही दिवसांपूर्वी भारतीय महिला संघाने जिंकलेल्या एकदिवसीय विश्वचषक ट्रॉफीची आठवण करून देत तो म्हणाला की,  “काही दिवसांपूर्वी, आणखी एक ट्रॉफी भारतात आली आहे. आपल्या महिला संघाने विश्वचषक जिंकला. ती ट्रॉफी देखील मायदेशी परतली आहे. खूप छान वाटते आणि या ट्रॉफीला स्पर्श केल्यानंतर देखील चांगले वाटते.”

बीसीसीआय, पीसीबी आणि एसीसी प्रमुख नक्वी यांच्यातील वाद आता कमी होत असल्याचे दिसत आहे. बीसीसीआयचे सचिव देवजित सैकिया यांनी याबाबत खुलासा केला की आयसीसीच्या बैठकीत अनौपचारिक चर्चेदरम्यान, दोन्ही बाजूंनी हा प्रश्न सौहार्दपूर्णपणे सोडवण्याचा आणि शक्य तितक्या लवकर तोडगा काढण्यासाठी काम करण्याचा निर्णय घेण्यात आला आहे.

पीसीबी अध्यक्ष नक्वी बैठकीला हजेरी

सैकिया यांनी पीटीआयला माहिती दिली की, “मी अनौपचारिक आणि औपचारिक आयसीसी बैठकींचा भाग होतो. पीसीबी अध्यक्ष मोहसिन नक्वी देखील तिथे उपस्थित होते.” सैकिया पुढे म्हणले की, औपचारिक बैठकीदरम्यान हे अजेंड्यावर नसले तरी, आयसीसीकडून  आयसीसीच्या वरिष्ठ अधिकाऱ्याच्या आणि दुसऱ्या वरिष्ठ अधिकाऱ्याच्या उपस्थितीत त्यांच्या आणि पीसीबी प्रमुखांमध्ये स्वतंत्र बैठक आयोजित करण्यात आली होती.

हेही वाचा : India vs Australia : ‘हा पुन्हा हारला’ जसप्रीत बुमराहने उडवली सुर्यकुमार यादवची खिल्ली! Video Viral