T-20 International मध्ये स्मृती मंधानाने शिखर गाठले, दिग्गजांना मागे सारत 'हा' विक्रम केला आपल्या नावे
भारतीय महिला संघाची उपकर्णधार स्मृती मंधानाने रविवारी जपानमध्ये आपल्या नावे एक नवा विक्रम रचला. स्मृती ही पुरुष आणि महिला टी-२० इंटरनॅशनल क्रिकेट (T-20 International) मध्ये सर्वात जास्त धावा करणारी क्रिकेटर बनली आहे.
स्मृती मंधानाने कोरोगी स्पोर्ट्स पार्कमध्ये बांगलादेश महिला संघाविरुद्ध एशिनय गेम्सच्या सेमिफायनलमध्ये १९ चेंडूंत आक्रमक अंदाजात ३७ धावांची शानदार खेळी करत हे शिखर गाठले आहे. तिने सर्वात जास्त धावा करणाऱ्यांच्या यादीत न्यूझीलंडची माजी क्रिकेटपटू सूजी बेट्सला पिछाडीवर टाकले. बेट्सच्या नावे १७१ डावांत ४,७८८ धावांची नोंद होती. रविवारच्या सामन्याआधी स्मृतीने १७० डावांत ४,७५१ धावा केल्या होत्या आणि न्यूझीलंडच्या माजी क्रिकेटपटूपासून पुढे जाण्यासाठी तिला फक्त ८ धावांची गरज होती. तिने आपल्या डावाची सुरुवात करताना ७ चेंडूंत दोन चौकार व दोन एकेरी धावा घेत हे यश संपादन केले.
मंधाना आणि बेट्स अगोदरच पुरुषांच्या टी-२० आंतरराष्ट्रीयमध्ये सर्वात जास्त धावा करणारा खेळाडू बाबर आजमपासून पुढे होत्या. आता स्मृतीने बाबरच्या धावांपेक्षाही जास्त धावांची आघाडी घेतली आहे.
टी-२० इंटरनॅशनल क्रिकेट (पुरुष आणि महिला)मध्ये सर्वात जास्त धावा करणाऱ्यांच्या यादीत स्मृती मंधाना आता पहिल्या क्रमांकावर विराजमान झाली आहे. तिच्या नावे आता, ४, ७८८ धावा आहेत. तिच्यानंतर न्यूझीलंडची सूजी बेट्स ४, ७५८ धावांनी दुसऱ्या क्रमांकावर असून या दोघींच्या नंतर पाकिस्तानचा बाबर आजम ४,५९६ धावांनी तिसऱ्या क्रमांकावर आहे. इंग्लंडचा जॉस बटलर ४,२९२ धावांनी या यादीत चौथ्या स्थानी आहे. तसेच भारतीय महिला क्रिकेट संघाची कर्णधार हरमनप्रीत कौर ४५,२८७ धावांसह पाचव्या स्थानी आहे.
स्मृती मंधाना नुकतेच महिला आंतरराष्ट्रीय क्रिकेटमध्ये सर्वात जास्त धावा करणारी क्रिकेटर बनली होती. एशियन गेम्सच्या काळात तिने भारताची माजी कर्णधार मिताली राजचा विक्रम मागे सारत महिला क्रिकेटमध्ये सर्वात जास्त धावा करण्याचा विक्रम आपल्या नावे केला होता.
तिने एशियन गेम्समध्ये हाँगकाँगविरुद्ध १२४ धावा करत मितालीचा १०,८६८ धावांचा विक्रम मोडीत काढला होता. तसेच तिने आपल्या कारकिर्दीतील १८ वे आंतरराष्ट्रीय शतकही झळकावले होते. हे महिला आंतरराष्ट्रीय क्रिकेटमधील सर्वात जास्त शतक ठरले, ज्यामुळे ती स्टार खेळाडू मेग लॅनिंगच्या पुढे निघून गेलेली. त्यानंतर दक्षिण आफ्रिकेच्या महिला संघाची कर्णधार लॉरा वॉलव्हार्ड हिने शतक झळकावत स्मृतीच्या शतकांची बरोबरी केली होती.
.png "Videos"){kind=small}
