मुंबई इंडियन्सचा ताफा अलिबागमध्ये, रेडीसन रिसॉर्टमध्ये घेणार विश्रांती

गेटवे येथे बसने मुंबई इंडियन्स टीम मंगळवारी सकाळी दाखल झाली. त्यानंतर सर्व ताफा पीएनपी जलवाहतूकीने बसून मौज मजा करीत मांडवा येथे दाखल झाले.

अलिबाग – भारत रांजणकर : आयपीएलचा रणसंग्राम २२ मार्चपासून सुरू होत आहे. या स्पर्धेत आयपीएलमधील महत्वपूर्ण संघ असणाऱ्या मुंबई इंडियन्स हार्दिक पांड्याच्या नेतृत्वाखाली सहभागी होणार आहे. मुंबई इंडियन्स टीमला खेळण्याआधी विश्रांती मिळावी यासाठी पूर्ण ताफा अलिबाग येथे रेडीसन रिसॉर्ट मध्ये मंगळवारी दाखल झाला आहे. दोन दिवस ही टीम रिसॉर्टमध्ये राहणार आहे. त्यामुळे मोठा बंदोबस्त ही तैनात करण्यात आला आहे. गेटवे येथून १२ जणांची टीम मांडवा येथे जलवाहतूकीने दाखल झाली आहे.

गेटवे येथे बसने मुंबई इंडियन्स टीम मंगळवारी सकाळी दाखल झाली. त्यानंतर सर्व ताफा पीएनपी जलवाहतूकीने बसून मौज मजा करीत मांडवा येथे दाखल झाले. त्यानंतर बसने टीम ही अलिबाग गोंधळपाडा येथील रेडीसन रिसॉर्टमध्ये दाखल झाली. यावेळी रिसॉर्ट प्रशासनाने टीमचे पारंपरिक पद्धतीने स्वागत केले. एक दिवस मुंबई इंडियन्स टीमही अलिबागमध्ये रिसॉर्टला राहणार आहेत. त्यानंतर बुधवारी टीम झिराड येथे एका खाजगी फार्म हाऊसवर राहण्यास जाणार आहेत. हार्दिक पांड्या, आकाश मढवाल, अंशुक कंबोज, अर्जुन तेंडुलकर, डेवॉल्ड ब्रेव्हिस, दीलशान मदुशंका, गेराल्ड कोएत्झी, इशान किशन, कुमार कार्तिकेया, मोहम्मद नबी, नमन धीर, नेहाल वढेरा, नुवान तुशारा, पीयूष चावला, रोमारिओ शेफर्ड, शाम्स मुलानी, शिवलिक शर्मा, श्रेयस गोपाल, सूर्यकुमार यादव, तिलक वर्मा, टीम डेव्हिड, विष्णू विनोद, ल्युक वूड आदींसह प्रशिक्षक ५२ जणांचा ताफा रेडिसन रिसॉर्ट मध्ये दाखल झाले आहेत.

मुंबई इंडियन्स टीम रेडीसन रिसॉर्टमध्ये दाखल झाल्यानंतर रिसॉर्ट मधील पर्यटकांनी त्याच्यासोबत फोटो काढण्यासाठी लगबग सुरू होती. पीयूष चावला याच्यासोबत बच्चे कंपनीने फोटो यावेळी काढले.