फोटो सौजन्य – X
वर्ल्ड टेस्ट चॅम्पियनशिप 2027 च्या नव्या सायकलला सुरुवात झाली आहे. क्रिकेटचे अनेक सामने सुरु झाले आहेत. भारत विरुद्ध इंग्लड यांच्यामध्ये इंग्लडमध्ये पाच सामन्याची कसोटी मालिका खेळवली जात आहे. तर दक्षिण आफ्रिका विरुद्ध झिम्बाबे यांच्यामध्ये देखील सामने सुरु आहेत. याचदरम्यान क्रिकेट संदर्भात मोठी अपडेट समोर आली आहे. नक्की हे प्रकरण काय आहे यासंदर्भात सविस्तर वाचा.
आंतरराष्ट्रीय क्रिकेट परिषदेने (ICC) यूएसए क्रिकेटविरुद्ध अतिशय कडक भूमिका घेतली आहे. यूएसए क्रिकेट बोर्डाचा १२ महिन्यांचा गव्हर्नन्स नोटिस कालावधी पुढील महिन्यात संपत आहे. अहवालानुसार, जर जुलैमध्ये होणाऱ्या आयसीसीच्या वार्षिक परिषदेपूर्वी यूएसए क्रिकेटच्या नेतृत्वात कोणतेही मोठे बदल झाले नाहीत, तर आयसीसी बोर्डाला निलंबित केले जाऊ शकते. चला जाणून घेऊया संपूर्ण प्रकरण काय आहे.
खरं तर, गेल्या वर्षी टी-२० विश्वचषक संपल्यानंतर जुलैमध्ये यूएसए क्रिकेट बोर्डाला नोटीस पाठवण्यात आली होती. अनुपालन आणि सुधारणांवर लक्ष ठेवण्यासाठी आयसीसीने गेल्या वर्षी एक सामान्यीकरण समिती स्थापन केली होती. आता, टाईम्स ऑफ इंडियाच्या वृत्तानुसार, आयसीसीच्या एका पथकाने या महिन्यात लॉस एंजेलिसला भेट दिली जिथे त्यांनी यूएस ऑलिंपिक आणि पॅरालिंपिक समितीसोबत बैठक घेतली. या बैठकीत सामान्यीकरण समिती आणि यूएसए क्रिकेटचे काही उच्च अधिकारी देखील उपस्थित होते.
40 वर्षीय फाफ डुप्लेसीचा जलवा MLC 2025 मध्ये, केला मोठा पराक्रम! संघाला मिळवून दिला विजय
आयसीसी टीमने काही यूएसए क्रिकेट अधिकाऱ्यांना पद सोडण्यास सांगितले होते, तर काही पद सोडण्यास तयार आहेत, तर काही तसे करण्यास तयार नाहीत. एका सूत्राने सांगितले की, यूएसएसीने अद्याप या प्रकरणावर कोणताही निर्णय घेतलेला नाही. येत्या काही दिवसांत यूएसए क्रिकेटमध्ये गोंधळ उडणार आहे आणि अनेक उच्च अधिकारी राजीनामा देऊ शकतात. आयसीसीने अद्याप याबद्दल कोणतेही अधिकृत विधान जारी केलेले नाही.
बैठकीदरम्यान, एका वरिष्ठ अधिकाऱ्याने सांगितले की, सतत इशारे देऊनही, फारसे काही बदल झालेले नाहीत. आता अशा परिस्थितीत, आयसीसी कठोर भूमिका घेत आहे. विशेषतः लॉस एंजेलिस ऑलिंपिक २०२८ मध्ये क्रिकेट परतल्यानंतर, नेतृत्वात आवश्यक बदल हा चर्चेचा सर्वात महत्त्वाचा विषय बनला आहे. ही माहिती मिडीयाच्या माहितीनुसार आहे, यासंदर्भात अजुनपर्यत कोणतीही अधिकृत माहिती आंतरराष्ट्रीय क्रिकेट संस्थेकडुन देण्यात आली नाही. त्याचबरोबर आयसीसी अध्यक्ष जय शाह यांनी देखील कोणतीही माहिती शेअर केली नाही.
.png "Videos"){kind=small}
