फोटो सौजन्य : X (Royal Challengers Bengaluru/sidmallya)
आयपीएल 2025 चा हा सिझन राॅयल चॅलेंजर्स बंगळुरुच्या संघाने जिंकला आणि त्याचा 17 वर्षांचा दुष्काळ संपवला. अंतिम सामन्यात आरसीबीने पंजाब किंग्जचा पराभव केला आणि पहिल्यांदाच आयपीएल ट्रॉफी जिंकली. यानंतर याविजयानंतर आरसीबीच्या संघावर शुभच्छांचा पुर आला. यावेळी अनेकांनी वेगवेगळ्या प्रकारचे व्हिडीओ सोशल मिडीयावर शेअर केले आहेत. विजय मल्ल्या हा आरसीबीच्या संघाने विजय मिळवल्यानंतर त्याने संघाला शुभेच्छा दिल्या होत्या त्याचबरोबर त्याच्या मुलाने देखील आनंद साजरा केला होता. आता यासंदर्भात मोठी अपडेट समोर आली आहे.
आरसीबीच्या या विजयानंतर, आरसीबी संघाचे माजी मालक विजय मल्ल्या यांचा मुलगा सिद्धार्थ मल्ल्या याने संघाच्या विजयाच्या सेलिब्रेशनचा व्हिडिओ शेअर केला होता, परंतु त्याचा व्हिडिओ इन्स्टाग्रामने काढून टाकला. या भागात, सिद्धार्थ मल्ल्याने आता बीसीसीआय आणि आयपीएलवर जोरदार हल्ला चढवला आहे.
विजय मल्ल्याचा मुलगा सिद्धार्थ मल्ल्या याने त्याच्या इंस्टाग्राम हँडलवर एक व्हिडिओ शेअर केला आणि या घटनेवर नाराजी व्यक्त केली. त्याने सांगितले की, आरसीबीच्या विजयानंतर लगेचच त्याने एक व्हिडिओ पोस्ट केला होता ज्यामध्ये त्याच्या संघाच्या विजयाचा आनंद आणि चाहत्यांसोबत जल्लोषाची भावना स्पष्टपणे दिसून येत होती. हा व्हिडिओ काही वेळातच व्हायरल झाला आणि चाहत्यांना हा व्हिडिओ खूप आवडला. तथापि, त्यानंतर लगेचच, इंस्टाग्रामने हा व्हिडिओ काढून टाकला आणि त्याला काही काळासाठी प्लॅटफॉर्मवर चाहत्यांशी संवाद साधण्यास बंदी घातली.
सिद्धार्थ मल्ल्या म्हणालe की, जेव्हा त्यांनी या प्रकरणाच्या तळाशी जाण्याचा प्रयत्न केला तेव्हा त्यांना कळले की हा इंस्टाग्रामचा निर्णय नव्हता, तर आयपीएल अधिकाऱ्यांच्या तक्रारीवरून व्हिडिओ काढून टाकण्यात आला होता. त्याच वेळी, आयपीएलने दावा केला की त्यांच्या व्हिडिओमध्ये कॉपीराइटचे उल्लंघन झाले आहे, कारण त्यात सामन्याच्या अधिकृत प्रसारणाचा एक भाग समाविष्ट होता.
यावर प्रतिक्रिया देताना सिद्धार्थ म्हणाला की हे “पूर्णपणे हास्यास्पद” आहे. त्याने बीसीसीआय आणि आयपीएलवर चाहत्यांसोबत हा ऐतिहासिक क्षण साजरा करण्याची संधी हिरावून घेतल्याचा आरोप केला, ज्यांनी या विजयाची १८ वर्षे वाट पाहिली होती. सध्या हा व्हिडीओ सोशल मिडीयावर मोठ्या प्रमाणात व्हायरल होत आहे.
.png "Videos"){kind=small}
