Virat Kohli: ‘विराट’ इतिहास रचण्याची कोहलीला संधी! हा रेकॉर्ड करणारा पहिलाच खेळाडू ठरणार

Virat Kohli: विराट कोहली न्यूझीलंडविरूद्ध तिसऱ्या एकदिवसीय सामन्यात एक मोठा रेकॉर्ड बनवू शकतो. २२ धावा केल्यास विराट न्यूझीलंडविरूद्ध २००० धावा पूर्ण करणारा जगातील पहिला फलंदाज ठरेल

• भारत विरूद्ध न्यूझीलंडचा तिसरा एकदिवसीय सामना 

• विराट कोहली रचणार इतिहास 

• न्यूझीलंडविरूद्ध २००० धावांसाठी २२ धावांची गरज 

Virat Kohli: भारत आणि न्यूझीलंड यांच्यात सध्या पाच एकदिवसीय सामन्यांची मालिका सुरू असून, भारतीय संघ २-० ने आघाडीवर आहे. मालिकेतील तिसरा सामना मंगळवारी (१० नोव्हेंबर) हॅमिल्टन येथे खेळला जाईल आणि भारत मालिका जिंकण्याचा प्रयत्न करेल. या सामन्यात पुन्हा एकदा स्टार फलंदाज विराट कोहलीवर सर्वांच्या नजरा असतील. त्याने ऑकलंडमधील पहिल्या सामन्यात शानदार ७४ धावा केल्या होत्या, पण वेलिंग्टनमधील दुसऱ्या सामन्यात तो केवळ ७ धावांवर बाद झाला. आता, हॅमिल्टनमधील या तिसऱ्या सामन्यात कोहली आणखी एक मोठी खेळी करण्याचा प्रयत्न करेल.

विराट न्यूझीलंडविरुद्ध २००० धावा पूर्ण करू शकतो

विराट कोहली न्यूझीलंडविरुद्धच्या तिसऱ्या एकदिवसीय सामन्यात एक मोठा विक्रम प्रस्थापित करू शकतो. जर त्याने न्यूझीलंडविरुद्धच्या पुढील सामन्यात आणखी २२ धावा केल्या, तर तो एकदिवसीय क्रिकेटमध्ये न्यूझीलंडविरुद्ध २००० धावा पूर्ण करणारा जगातील पहिला फलंदाज बनेल. कोहलीने आतापर्यंत न्यूझीलंडविरुद्ध ३८ सामन्यांमध्ये ५६ च्या प्रभावी सरासरीने १९७८ धावा केल्या आहेत, ज्यात ७ शतके आणि ११ अर्धशतकांचा समावेश आहे. या यादीत ऑस्ट्रेलियाचा रिकी पाँटिंग (१९७१ धावा) दुसऱ्या क्रमांकावर आहे आणि भारताचा महान फलंदाज सचिन तेंडुलकर (१७५० धावा) तिसऱ्या क्रमांकावर आहे.

IND vs NZ: भारताविरुद्ध न्यूझीलंडला मोठा झटका, स्टार खेळाडू दुखापतीमुळे बाहेर

न्यूझीलंडविरुद्ध एकदिवसीय सामन्यांमध्ये सर्वाधिक धावा करणारे अव्वल ५ खेळाडू

• १९७८ – विराट कोहली (भारत)
• १९७१ – रिकी पाँटिंग (ऑस्ट्रेलिया)
• १७५० – सचिन तेंडुलकर (भारत)
• १५६८ – कुमार संगकारा (श्रीलंका)
• १५१९ – सनथ जयसूर्या (श्रीलंका)

विराटने शेवटच्या सामन्यात पाँटिंगचा विक्रम मोडला

शेवटच्या सामन्यात विराट कोहलीने एक मोठा विक्रम केला आहे. तो आता न्यूझीलंडविरुद्ध एकदिवसीय सामन्यांमध्ये सर्वाधिक धावा करणारा खेळाडू बनला आहे. त्याने या बाबतीत रिकी पाँटिंगचा विक्रम मोडला. ऑकलंड आणि वेलिंग्टनच्या खेळपट्ट्या वेगवान गोलंदाजांना भरपूर मदत करत होत्या, ज्यामुळे सर्वोत्तम फलंदाजही अस्वस्थ झाले होते. न्यूझीलंडविरुद्धच्या पहिल्या सामन्यात, कोहलीने परिस्थितीशी जुळवून घेत एक सावध आणि प्रभावी खेळी खेळली. मात्र, तीन दिवसांनंतर, वेलिंग्टनमधील परिस्थिती पूर्णपणे वेगळी आणि आव्हानात्मक होती. विराट कोहली आता तिसऱ्या एकदिवसीय सामन्यात मोठ्या खेळीचे लक्ष्य ठेवेल.

IND vs NZ: न्यूझीलंडचा सुपडासाफ करण्याची संधी! टीम इंडिया मालिका खिशात घालणार? तिसऱ्या वनडेचा थरार कधी अन् कुठे रंगणार?