स्मृती मंधानाच्या नेतृत्वाखाली Team India सज्ज! रायपूरमध्ये IND Vs ZIM टी-20 मालिकेचा थरार

IND Vs ZIM: अवघ्या सहा दिवसांत एकापाठोपाठ एक तीन सामने होत असल्याने रायपूरसह संपूर्ण परिसरातील क्रिकेटप्रेमींमध्ये आनंदाचे व उत्साहाचे वातावरण पाहायला मिळत आहे.

• भारत विरुद्ध झिम्बाब्वे  टी 20 सिरिज होणार
  
• 16 ते 20 ऑक्टोबर दरम्यान रायपुरध्ये सामने
  
• आजपासून तिकीट विक्रीला झाली सुरुवात 

IND Vs ZIM: भारतीय संघ लवकरच झिम्बाब्वेविरुद्ध वनडे आणि टी 20 सामन्यांची सिरिज खेळणार आहे. झिम्बाब्वेचा महिला संघ  भारत दौऱ्यावर येणार आहे. भारतीय महिला संघाची कमान आता स्मृती मंधानाच्या हातात असणार आहे. तिच्या नेतृत्वात भारतीय संघ आता मैदानात उतरणार आहे. रायपुरमध्ये हे तीनही सामने खेळवले जाणार आहेत. तीन सामन्यांच्या टी-20 आंतरराष्ट्रीय मालिकेसाठी रायपूरच्या शहीद वीर नारायण सिंह आंतरराष्ट्रीय क्रिकेट स्टेडियमवर सर्व तयारी पूर्ण झाली आहे.  त्याची तिकीट विक्री सुरू झाली आहे.

भारतीय महिला क्रिकेट संघ रविवारी संध्याकाळीच रायपूरमध्ये दाखल झाला आहे. संघाची धुरा सांभाळणारी कर्णधार स्मृती मंधाना हिच्या नेतृत्वाखालील भारतीय संघ विजयाचे लक्ष्य डोळ्यांसमोर ठेवून मैदानात उतरणार आहे. झिम्बाब्वेचा आज दिवसभरात रायपुरमध्ये दाखल होण्याची शक्यता वर्तवली जात आहे. रायपूरमध्ये आगमन झाल्यानंतर दोन्ही संघ टी 20 सिरिजआधी सराव करताना पाहायला मिळू शकतात.

IND Vs ZIM: वाघिणी झिम्बाब्वेविरुद्ध भिडणार अन् फाडणार; BCCI ने केली टीम इंडियाची घोषणा

मालिकेचे सविस्तर वेळापत्रक:

• पहिला टी-20 सामना: १६ ऑक्टोबर
• दुसरा टी-20 सामना: १८ ऑक्टोबर
• तिसरा व अंतिम सामना: २० ऑक्टोबर

या सिरिजमध्ये तीन 20 सामने खेळवले जाणार आहेत. हे सर्व सामने संध्याकाळी ७:०० वाजता सुरू होणार आहेत. अवघ्या सहा दिवसांत एकापाठोपाठ एक तीन सामने होत असल्याने रायपूरसह संपूर्ण परिसरातील क्रिकेटप्रेमींमध्ये आनंदाचे व उत्साहाचे वातावरण पाहायला मिळत आहे. क्रिकेट चाहत्यांची उत्सुकता शिगेला पोहोचली आहे. भारतीय महिला क्रिकेट संघ आणि झिम्बाब्वे यांच्यातील आगामी टी-२० आणि वनडे  सिरिजचे वेळापत्रक जाहीर झाले आहे. या दौऱ्याची सुरूवात 16 ऑक्टोबरपासून टी 20 सिरिजने होणार आहे.

भारतीय संघ: स्मृती मंधाना (कर्णधार), शेफाली वर्मा (उपकर्णधार), निकी प्रसाद, हरमनप्रीत कौर, अनुष्का शर्मा, ऋचा घोष (विकेटकीपर), जी कमलिनी (विकेटकीपर), दीप्ती शर्मा, प्रेमा रावत, श्री चरणी, नंदनी शर्मा, क्रांती गौड, अरुंधती रेड्डी, जिंतिमणी कलिता आणि मिन्नू मणी.

IND Vs ZIM: वनडे अन् टी-२०चा डबल धमाका! भारताविरुद्ध Zimbabwe चा संघ जाहीर

झिम्बाब्वेचा संघ; जोसेफिन न्कोमो (कर्णधार), बिलेव्ड बिज़ा, चिपो मुगेरी-तिरिपानो, केलिस न्धलोवु, मिशेल मावुंगा, फ्रांसिस्का चिपारे, ओलिंडर चारे, कुदजाई चिगोरा, न्याशा ग्वांजुरा, नोमवेलो सिबांडा, लॉरिन फिरी, चियेड्जा धुरुरु, मोडेस्टर मुपाचिकवा, टेंदाई माकुशा आणि शार्ने मेयर्स.