WPL 2027 मध्ये मोठा बदल! ब्रेबोर्नऐवजी वानखेडेवर रंगणार मुंबई लेगचे सर्व सामने
विमेंस प्रीमियर लीग (WPL 2027) च्या मुंबईतील सामन्यांच्या स्थळात भारतीय क्रिकेट नियामक मंडळाने (BCCI) महत्त्वाचा बदल केला आहे. मुंबईत होणारे सर्व सामने आता ब्रेबोर्न स्टेडियमऐवजी वानखेडे स्टेडियमवर खेळवण्यात येणार आहेत. विशेष म्हणजे, सामन्यांच्या तारखा आणि वेळापत्रकात कोणताही बदल करण्यात आलेला नाही. या निर्णयामुळे प्रथमच वानखेडे स्टेडियमला WPL सामन्यांचे यजमानपद मिळणार आहे.
बीसीसीआयने रविवारी (15 नोव्हेंबर) यासंदर्भात माहिती दिली. यापूर्वी मुंबईतील सर्व सामने ब्रेबोर्न स्टेडियमवर होणार होते. मात्र, आयसीसीच्या आगामी महिला चॅम्पियन्स ट्रॉफीमुळे मैदानाच्या उपलब्धतेचा आणि खेळपट्टीच्या तयारीचा प्रश्न निर्माण झाला. त्यामुळे मुंबईतील सामन्यांचे ठिकाण बदलण्याचा निर्णय घेण्यात आला.
14 ते 28 फेब्रुवारी 2027 या कालावधीत ब्रेबोर्न स्टेडियम आणि वडोदरा इंटरनॅशनल क्रिकेट स्टेडियमवर पहिल्या आयसीसी महिला चॅम्पियन्स ट्रॉफीचे आयोजन करण्यात येणार आहे. या स्पर्धेत सहा संघ सहभागी होणार आहेत. WPL संपल्यानंतर लगेचच ही आंतरराष्ट्रीय स्पर्धा सुरू होणार असल्याने ब्रेबोर्न स्टेडियमवरील खेळपट्टीला पुन्हा तयार करण्यासाठी पुरेसा वेळ मिळणार नाही.
आयसीसीच्या नियमानुसार स्पर्धा सुरू होण्याच्या 15 दिवस आधी संबंधित मैदानाचा पूर्ण ताबा आयसीसीकडे असणे आवश्यक आहे. याच पार्श्वभूमीवर आयसीसीने ब्रेबोर्न स्टेडियमवरील WPL सामने अन्यत्र हलवण्याची विनंती केली होती.
त्यानंतर WPL समितीने या बदलाला मंजुरी दिली.
WPL 2027 च्या मुंबई टप्प्यातील एकूण 11 सामने आता वानखेडे स्टेडियमवर खेळवले जातील. यामध्ये साखळी फेरीतील 12व्या ते 20व्या सामन्यांसह एलिमिनेटर आणि अंतिम सामन्याचा समावेश आहे. हे सामने 26 जानेवारी ते 7 फेब्रुवारी 2027 या कालावधीत होणार आहेत.
WPL 2027 च्या नव्या हंगामाला 14 जानेवारीपासून वडोदरा येथे सुरुवात होणार आहे. पहिल्या सामन्यात गतविजेत्या रॉयल चॅलेंजर्स बंगळुरूचा सामना दोन वेळच्या विजेत्या मुंबई इंडियन्सशी होईल. 24 जानेवारीपर्यंत वडोदरा येथे पहिले 11 सामने खेळवले जातील. त्यानंतर स्पर्धा मुंबईत दाखल होईल.
साखळी फेरीतील सामने 3 फेब्रुवारीला संपतील. त्यानंतर 5 फेब्रुवारीला एलिमिनेटरचा सामना होईल. गुणतालिकेत अव्वल स्थान मिळवणारा संघ थेट 7 फेब्रुवारी रोजी होणाऱ्या अंतिम सामन्यात प्रवेश करेल. स्पर्धेतील सर्व सामने भारतीय वेळेनुसार संध्याकाळी 7.30 वाजता सुरू होतील.
Ans: WPL 2027 च्या मुंबई लेगमधील सर्व 11 सामने मुंबईतील वानखेडे स्टेडियमवर खेळवले जाणार आहेत.
Ans: ब्रेबोर्न स्टेडियमवर 14 फेब्रुवारीपासून महिला चॅम्पियन्स ट्रॉफीचे आयोजन होणार आहे. खेळपट्टीच्या तयारीसाठी पुरेसा वेळ मिळावा आणि आयसीसीच्या नियमानुसार मैदान उपलब्ध व्हावे, यासाठी हा बदल करण्यात आला.
Ans: मुंबई लेगमध्ये एकूण 11 सामने होतील. यात साखळी फेरीतील नऊ सामने, एलिमिनेटर आणि अंतिम सामन्याचा समावेश आहे.
.png "Videos"){kind=small}
