SRH Vs PBKS : ‘युवराज, सूर्याने मला प्रोत्साहन दिले…’, पंजाबला पाणी पाजणाऱ्या शतकवीर अभिषेक शर्माने सांगितले खेळीचे रहस्य..  

आयपीएल २०२५ मध्ये 18 व्या हंगामात सर्वांच्या लक्षात राहील असा सामना हैद्राबाद आणि पंजाब यांच्यात 12 एप्रिल रोजी पार पडला. या सामन्यात सलामीवीर फलंदाज अभिषेक शर्माच्या शतकाने हैदराबादला वोजी मिळवून दिला.

SRH Vs PBKS : आयपीएल २०२५ मध्ये 18 व्या हंगामात सर्वांच्या लक्षात राहील असा सामना 12 एप्रिल रोजी पार पडला. या सामन्यात  पंजाब किंग्ज आणि सनरायझर्स हैदराबाद संघ आमनेसामने आले होते. हा सामना हैदराबाद संघाने आपल्या नावे केला. प्रथम फलंदाजी करताना पंजाब किंग्जने शानदार कामगिरी करत २४६ धावांचा मोठा डोंगर उभारला. प्रतिउत्तरात अशक्य वाटणारं हे लक्ष्य हैद्राबादने  सलामीवीर अभिषेक शर्मा(55 चेंडू 141  धावा) आणि ट्रेविस हेड(37 चेंडू 66 धावा) यांच्या तडाखेबंद खेळीच्या जोरावर  सहज पूर्ण केले. विक्रमी शतकासह फॉर्ममध्ये परतलेला सलामीवीर अभिषेक शर्माने वाईट काळात चांगली कामगिरी करण्यासाठी प्रोत्साहित केल्याबद्दल त्याचे मार्गदर्शक युवराज सिंग आणि भारताच्या टी-२० संघाचा कर्णधार सूर्यकुमार यादव यांना श्रेय दिले.

हेही वाचा : LSG vs CSK : चेन्नई पराभवाचा भूतकाळ पुसण्यास सज्ज! आज थाला आर्मीसमोर पंत आर्मीचे आव्हान..

विक्रमौ शतकासह फॉर्ममध्ये परतलेला सलामीवीर अभिषेक शर्माने वाईट काळात चांगली कामगिरी करण्यासाठी प्रोत्साहित केल्याबद्दल त्याचे मार्गदर्शक युवराज सिंग आणि भारताच्या टी-२० संघाचा कर्णधार सूर्यकुमार यादव यांना श्रेय दिले. शनिवारी आयपीएल सामन्यात अभिषेकने पंजाब किंग्जविरुद्ध ५५ चेंडूत १४१ धावांची तुफानी खेळी केली, ज्यामुळे सनरायझर्स हैदराबादला २४६ धावांचे लक्ष्य गाठण्यात आणि त्यांची चार सामन्यांची पराभवाची मालिका थांबवण्यात मदत झाली. आयपीएलमध्ये भारतीय फलंदाजाने केलेली ही सर्वोच्च धावसंख्या आहे. डावखुऱ्या फलंदाजाने मात्र कबूल केले की त्याच्यावर चांगली कामगिरी करण्याचा दबाव होता. सनरायझर्स संघाला सहा दिवसांचा ब्रेक मिळाला पण अभिषेकला यापैकी चार दिवस ताप आला.

शतक पूर्ण केल्यानंतर, त्याने खिशातून एक कागद काढला ज्यावर लिहिले होते, ‘ही खेळी ऑरेंज आर्मी (सनरायझर्स समर्थक) यांना समर्पित आहे. खरं सांगायचं तर, मी सकाळी उठल्यावर काहीतरी लिहितो. आज माझ्या मनात असाच एक विचार आला की जर मी काही खास केले तर ते मी ऑरेंज आर्मीला समर्पित करेन. सुदैवाने, आज माझा दिवस होता. तो म्हणाला की जेव्हा तो धावा करण्यासाठी संघर्ष करत होता तेव्हा युवराज आणि सूर्यकुमार त्याला सतत प्रोत्साहन देत होते.

हेही वाचा : DC vs MI : मुंबई इंडियन्सच्या गोलंदाजांची कमाल! दिल्ली कॅपिटल्सला घरच्या मैदानावर पाजलं पाणी, १२ धावांनी मिळवला विजय

खरं सांगायचं तर, मी चार दिवस आजारी होतो. मला ताप होता पण मी भाग्यवान आहे की माझ्या आजूबाजूला युवराज सिंग आणि सूर्य कुमारसारखे लोक आहेत जे मला फोन करत राहिले आणि मला प्रोत्साहन देत राहिले. कारण त्यांना माहित आहे की मी अशा खेळी खेळू शकतो पण जेव्हा तुम्ही धावा करू शकत नाही तेव्हा तुम्ही स्वतःवर शंका घेऊ लागता. पण त्यांचा माझ्यावर पूर्ण विश्वास होता आणि जेव्हा तुमच्या आजूबाजूला असे लोक असतात जे तुमच्यावर विश्वास ठेवतात तेव्हा तुम्ही स्वतःवरही विश्वास ठेवू लागता. त्यामुळे माझ्यासाठी फक्त एका डावाची बाब होती. या डावात नशिबानेही अभिषेकला साथ दिली आणि त्याने कबूल केले की त्याच्यावर चांगली कामगिरी करण्याचा दबाव होता.