Tech Tips: 2 की 3… किती कॅमेराऱ्यावाला iPhone आहे बेस्ट? 90 टक्के लोकं करतात ही मोठी चूक

iPhone Tips: तुम्हाला देखील नवीन आयफोन खरेदी करायचा आहे का? पण दोन कॅमेऱ्यावाला आयफोन खरेदी करायचा की तीन कॅमेऱ्यावाला, यामध्ये अनेक लोकांचा गोंधळ होतो. तुम्ही देखील याच प्रश्नात गोंधळले आहात का?

नवीन स्मार्टफोन खरेदी करताना लोकं सर्वात आधी त्याचा कॅमेरा बघतात. स्मार्टफोन खरेदी करायचा की नाही, हे त्याच्या कॅमेरा क्वालिटी आणि किंमतीवर अवलंबून असते. विशेषत: जेव्हा आयफोनचा विषय असतो, तेव्हा कॅमेऱ्याला विशेष महत्त्व दिलं जातं. यामुळे लोकांमध्ये गोंधळ वाढतो. आयफोन खरेदी करताना स्टोरेज आणि कलरमध्ये वेगवेगळे ऑप्शन्स उपलब्ध आहेत. पण कॅमेऱ्याच्या बाबतीत केवळ दोन ऑप्शन आहे. यामुळेच दोन कॅमेऱ्यावाला आयफोन खरेदी करायचा की तीन कॅमेऱ्यावाला, याबाबत अनेकांना समजत नाही आणि त्यांचा गोंधळ उडतो.

किती रुपयांच्या डाउनपेमेंटवर मिळणार iPhone 16 Pro Max? किती असणार EMI? खरेदीपूर्वी जाणून घ्या सर्वकाही

अनेक लोकांचा असा समज असतो की आयफोनमध्ये जितके जास्त कॅमेरे असतील तेवढीच त्याची क्वालिटी चांगली असणार आणि फोटो चांगले असणार. पण खरंच असं असतं का? दोन कॅमेऱ्यावाला आयफोन आणि तीन कॅमेऱ्यावाला आयफोन यामध्ये काही फरक आहे. शिवाय तुम्हाला कोणत्या कामासाठी आयफोनचा कॅमेरा वापरायचा आहे, यावर अवलंबून असते की तुम्हाला दोन कॅमेऱ्यावाला आयफोन खरेदी करायचा आहे की तीन कॅमेऱ्यावाला. अनेक लोकं त्यांच्या कामाचा विचार न करता कोणताही आयफोन खरेदी करतात आणि नंतर पश्चाताप करतात. पण आयफोन खरेदी करताना काही गोष्टी लक्षात ठेवणं अत्यंत महत्त्वाचं आहे. (फोटो सौजन्य – Pinterest)

दोन कॅमेरावाला iPhone

Apple च्या बेस मॉडल्समध्ये डुअल कॅमेरा सेटअप दिला जातो. जसं की, iPhone 13, iPhone 14 और iPhone 15 मध्ये डुअल कॅमेरा सेटअप म्हणजेच दोन कॅमेरे देण्यात आले आहेत. यामध्ये दिलेले वाइड आणि अल्ट्रा-वाइड लेन्स सामान्य यूजरसाठी पुरेसे आहेत. आयफोनमधील डुअल कॅमेरा सेटअप डे-टू-डे फोटोग्राफी, रील्स बनवणं, सोशल मीडिया कंटेंट आणि व्हिडीओ कॉलिंगसारख्या कामांसाठी परफेक्ट आहे. जर तुम्हाला सामान्य फोटो आणि व्हिडिओंसाठी आयफोनची आवश्यकता असेल तर दोन कॅमेरे असलेला आयफोन तुमच्यासाठी चांगला आहे.

तीन कॅमेरावाला iPhone

Pro मॉडेल्स जसं की, iPhone 13 Pro, 14 Pro, 15 Pro आणि 16 प्रोमध्ये तीन कॅमेरा टेलीफोटो लेंस दिला जातो, ज्यामुळे झूम शॉट्स, प्रो-लेवल फोटोग्राफी आणि सिनेमैटिक व्हिडीओग्राफी करू शकता. यूट्यूब, इंस्टाग्राम, डॉक्युमेंटरी किंवा प्रोफेशनल लेव्हल कंटेंट तयार करणाऱ्यांसाठी तीन कॅमेरा असलेला आयफोन फायदेशीर आहे. तसेच, या फोनमध्ये ProRAW, ProRez व्हिडिओ, LiDAR स्कॅनर आणि उत्कृष्ट नाईट मोड सारखी प्रगत वैशिष्ट्ये आहेत. जर तुम्ही सामान्य वापरासाठी आयफोन खरेदी करण्याचा विचार करत असाल तर प्रो मॉडेलवर जास्त पैसे खर्च करण्यात काहीही फायदा नाही. असे केल्याने, केवळ बजेटच बिघडत नाही, तर अनेक वेळा लोक ज्या फीचर्ससाठी महागडा फोन खरेदी केला आहे ते फीचर्सच वापरत नाहीत.

WhatsApp Tips: हिंदी-मराठीसह या भाषांमध्ये वापरू शकता लोकप्रिय मेसेजिंग अ‍ॅप, ही आहे सर्वात सोपी Trick

iPhone खरेदी करण्यापूर्वी लक्षात ठेवा या गोष्टी

जर तुम्ही बेसिक फोटोग्राफी आणि सोशल मीडिया वापरत असाल तर दोन कॅमेरे असलेला आयफोन तुमच्यासाठी सर्वोत्तम आहे. पण जर तुम्ही क्रिएटर किंवा प्रोफेशनल असाल तर प्रो मॉडेल तुमच्या गरजा चांगल्या प्रकारे पूर्ण करेल.