Deepfake Alerts: महिला आणि मुलांनो सावधान! डिपफेक तंत्रज्ञान बनतंय धोकादायक, सुरक्षेसाठी लक्षात ठेवा ‘या’ टिप्स

डीपफेक सध्याच्या काळात अतिशय धोकादायक डिजिटल शस्त्र बनलं आहे. याचा वापर करून अनेक लोकांची फसवणूक केली जात आहे. मात्र या तंत्रज्ञानाला घाबरण्यापेक्षा त्याचा सामना कसा करायचा, याबाबत माहिती असणे आवश्यक आहे.

• महिला आणि मुलांसाठी डिपफेक बनलं धोकादायक तंत्रज्ञान
• महिला आणि मुलांसाठी महत्वाच्या सुरक्षा सूचना
• फसवणूक ओळखा आणि स्वतःला सुरक्षित ठेवा

सध्याच्या डिजिटल काळात तंत्रज्ञान वेगाने विकसित होत आहे. मात्र याच वेगाने तंत्रज्ञानाचे धोके देखील वाढत आहेत. धोकादायक तंत्रज्ञांनापैकी एक म्हणजे डीपफेक. डीपफेक आजच्या काळात महिलांसाठी आणि लहान मुलांसाठी एक धोकादायक तंत्रज्ञान बनले आहे. या तंत्रज्ञानाच्या मदतीने कोणत्याही व्यक्तीचा चेहरा, आवाज आणि हावभाव एखाद्या दुसऱ्या व्हिडिओ किंवा फोटोमधे इतक्या सहजपणे जोडले जातात की खरा व्हिडिओ आणि डीपफेक यामधील फरक ओळखणं कठीण होतं.

Aadhaar Card Tips: तुमचं आधार कार्ड सुरक्षित आहे का? UIDAI ने सांगितले 5 महत्त्वाचे नियम… दुर्लक्ष कराल तर होईल नुकसान

डीपफेक नक्की काय आहे?

डीपफेक एक असे आर्टिफिशियल इंटेलिजेंस (AI) तंत्रज्ञान आहे, जे मशीन लर्निंग आणि डीप लर्निंगच्या मदतीने खोटे व्हिडिओ, फोटो आणि ऑडिओ तयार करू शकते. यामध्ये कोणत्याही महिलेचे किंवा लहान मुलांचे फोटो अश्लील व्हिडिओ, आक्षेपार्ह कंटेट किंवा  महत्त्वाच्या किंवा खोट्या विधानासोबत जोडले जाते. यामुळे लोकांच्या सामाजिक जीवनावर याचा फार मोठा परिणाम होतो. (फोटो सौजन्य – AI Created)

महिला आणि लहान मुलांवर निशाणा का?

महिला आणि लहान मुलांना डीफफेकचे अगदी सहज शिकार बनवले जाते. याची कारणं जाणून घेऊया.

• सोशल मीडियावर महिला आणि लहान मुलांचे फोटो अगदी सहज उपलब्ध असतात.
• कमी वयाची मुलं सायबर धोक्यांना सहज ओळखू शकत नाहीत.
• महिलांवरील ऑनलाइन छळाचे प्रमाण आधीच जास्त आहे.
• महिलांविरोधात ब्लॅकमेलिंग आणि बदनामीच्या घटना सतत वाढत आहेत.
• डीपफेकचा वापर करून ब्लैकमेलिंग, ऑनलाइन शोषण, खोटे अश्लील वीडियो, साइबर बुलिंग आणि मानसिक छळ केला जात आहे.

डीपफेकमुळे होते नुकसान

डीपफेकचा परिणाम केवळ डिजिटल जगापुरता मर्यादित नाही, यामुळे बरेच गंभीर परिणाम देखील होऊ शकतात. जसे मानसिक आजार, मानसिक तणाव, सामाजिक बदनामी, करियर आणि शिक्षणावर परिणाम, लहान मुलांमध्ये भीती निर्माण होते आज आत्मविश्वास कमी होतो, कुटुंबात आणि समाजात तणाव. काही घटनांमध्ये पीडित कोणतेही तक्रार करत नाहीत ज्यामुळे गुन्हेगारांचा आत्मविश्वास आणखी वाढतो.

OnePlus Turbo 6: मिडरेंज सेगमेंटमध्ये धमाका! तगड्या बॅटरी लाईफसह नव्या स्मार्टफोन्सची झाली एंट्री, फीचर्स आणि किंमत एकदा वाचाच

डीपफेकपासून अशी करा तुमची सुरक्षा

• डीपफेकपासून पूर्णपणे सुरक्षित राहणे अत्यंत कठीण आहे, मात्र जर तुम्ही थोडे सतर्क राहिलात आणि धोके कमी होऊ शकतात.
• सोशल मीडिया प्रायव्हसी अधिक मजबूत करा
• तुमचा प्रोफाईल फोटो प्रायव्हेट ठेला आणि अनोळखी लोकांच्या फ्रेंड रिक्वेस्ट स्वीकारू नका.
• तुमचा प्रत्येक फोटो विचार करून अपलोड करा.
• मजबूत पासवर्ड आणि 2FA चा वापर करा.
• सोशल मीडिया आणि ईमेल अकाऊंट सुरक्षित ठेवण्यासाठी टू-फॅक्टर ऑथेंटिकेशन वापरा.
• तुम्हाला अनोळखी नंबरवरून पाठवलेल्या फोटो आणि व्हिडीओवर विश्वास ठेऊ नका.
• कोणत्याही संशयास्पद व्हिडीओ कॉलला उत्तर देऊ नका.
• तुमच्या मुलांना सोशल मीडियावरील धोक्यांबाबत जागृत ठेवा.
• जर तुम्हाला कोणता डिपफेक कंटेट दिसला तर त्वरित रिपोर्ट करा आणि cybercrime.gov.in वर तक्रार करा.