सायबर फसवणुकीला आळा घालण्यासाठी Airtelचा AI कवच; ‘सेफ नेटवर्क’मध्ये मिळणार हे खास सुरक्षा फीचर्स
सरकार आणि इंडस्ट्रीच्या डेटावरून असे समजते की, ही समस्या आता मोठ्या प्रमाणावर पसरलेली आहे. इंडियन सायबर क्राइम कोऑर्डिनेशन सेंटर (आय४सी) ने दिलेल्या माहितीनुसार, भारतीयांनी सायबर फसवणुकीमुळे ₹५२,९७६ कोटींहून अधिक रक्कम गमावली आहे. हा डेटा केवळ गेल्या ६ वर्षांचा आहे. एनसीआरबीच्या डेटामधूनही सायबर गुन्ह्यांमध्ये मोठ्या प्रमाणात वाढ होत असल्याचे स्पष्ट होत आहे.
खरं तर आपल्या दैनंदिन जीवनात बँकिंग, पेमेंट्स, हेल्थकेअर, कॉमर्स आणि सरकारी सेवांसह डिजिटल सर्व्हिसेसचा मोठ्या प्रमाणात वापर केला जातो. डिजीटल सर्विसेसच्या सुरक्षेत टेलिकॉम नेटवर्क्सची भूमिका अधिक महत्त्वाची ठरू शकते. कारण आता यूजर्स टेलिकॉम कंपन्यांकडून केवळ चांगले नेटवर्क आणि कनेक्टिव्हिटीच नाही तर डिजीटल सर्विसेसच्या सुरक्षेची देखील अपेक्षा करत आहेत.
यूजर्सच्या याच अपेक्षा पूर्ण करण्यासाठी २०२४ मध्ये एअरटेलने पहिले नेटवर्क-बेस्ड, एआय-आधारित स्पॅम डिटेक्शन सोल्युशन लाँच केले. यामध्ये नेटवर्क इंटेलिजन्स आणि आर्टिफिशियल इंटेलिजन्सचा एकत्रित वापर करण्यात आला होता. ज्यामुळे ग्राहकांना स्पॅम कॉल्स आणि एसएमएसपासून संरक्षण मिळू शकेल.
यानंतर कंपनीने एआय-आधारित सेफ नेटवर्क इनिशिएटिव्हचा विस्तार करण्याचा निर्णय घेतला. यामागील उद्देश असा होता की, ग्राहकांना अतिरिक्त ॲप्स इन्स्टॉल करण्याची किंवा थ्रेट्स मॅन्युअली रिपोर्ट करण्याची गरज भासू नये. एअरटेलचे ‘सेफ नेटवर्क’ आता नेटवर्क-आधारित डिजिटल सुरक्षा साधनांच्या एका सर्वसमावेशक संचामध्ये विकसित झाले आहे. यामधील प्रमुख घटक जाणून घेऊया.
एअरटेलने एआय (AI) आधारित एक सुरक्षा प्रणाली सुरू केली आहे. ही प्रणाली संशयास्पद संभाषणादरम्यान वापरकर्त्यांना ओटीपी किंवा इतर संवेदनशील माहिती शेअर करण्यास सांगितले जात असल्याचे ओळखते आणि अशा प्रसंगी हस्तक्षेप करते.
ओटीपी फ्रॉड डिटेक्शन प्रणाली सुरू करण्यापूर्वी, एअरटेलने फसव्या वेबसाइट्स आणि संशयास्पद लिंक्स रिअल-टाइममध्ये ओळखण्यासाठी एक प्रणाली लागू केली. ही प्रणाली सुरू झाल्यापासून, सर्व मोबाइल आणि वाय-फाय ब्रॉडबँड ग्राहकांसाठी एसएमएस, मेसेजिंग ॲप्स, ईमेल आणि ब्राउझर रीडायरेक्टद्वारे शेअर केलेल्या १६.२ लाखांहून अधिक दुर्भावनापूर्ण लिंक्स ब्लॉक करण्यात आल्या आहेत.
सप्टेंबर २०२४ मध्ये, एअरटेलने नेटवर्क स्तरावर एआय ड्रिव्हन स्पॅम डिटेक्शन सिस्टिम सुरू केली. कंपनीच्या म्हणण्यानुसार, तेव्हापासून या प्रणालीने ९८.४ अब्जांहून अधिक स्पॅम कॉल्स आणि ४.४ अब्ज स्पॅम मेसेजेस ओळखले आहेत.
8,000mAh बॅटरी नवा Vivo स्मार्टफोन चीनमध्ये दाखल! फीचर्सही आहेत दमदार, जाणून घ्या किंमत
एअरटेलने ‘बिझनेस नेम डिस्प्ले’ हे वैशिष्ट्य देखील सादर केले आहे, ज्यामुळे वापरकर्त्यांना प्रमाणित व्यावसायिक कॉल्स आणि संभाव्य बनावट किंवा फसव्या क्रमांकांमधील फरक ओळखण्यासाठी मदत होते. यामुळे बँकिंग किंवा ग्राहक सेवा प्रतिनिधी असल्याचे भासवून फसवणूक करणाऱ्यांकडून होणाऱ्या घोटाळ्यांचा धोका कमी होण्यास मदत होते.
.png "Videos"){kind=small}
