Airtel Recharge Plan: कंपनीने यूजर्सना दिलं खास सरप्राइज! ‘हा’ लोकप्रिय प्रीपेड प्लॅन पुन्हा परतला, OTT सह मिळणार भन्नाट फायदे

Bharti Airtel Prepaid Plan: तुम्ही एअरटेल यूजर्स आहात? तुमच्यासाठी आनंदाची बातमी आहे. कंपनी त्यांचा 399 रुपयांचा रिचार्ज प्लॅन पुन्हा एकदा घेऊन आली आहे. या प्लॅनमध्ये कोणते फायदे मिळणार, जाणून घेऊया.

• एअरटेलचा 399 रुपयांचा प्लॅन पुन्हा लॉन्च! दररोज 2.5GB डेटा, अनलिमिटेड 5G आणि ओटीटी फ्री
• एअरटेल यूजर्ससाठी खुशखबर! 399 रुपयांच्या प्लॅनमध्ये डेटा, कॉलिंग आणि जिओटस्टार सब्सक्रिप्शन
• 28 दिवसांसाठी मोठा फायदा, 2.5GB डेटा + अनलिमिटेड 5G + OTT मिळणार

भारतातील आघाडीची टेलिकॉम कंपनी भारती एयरटेलने त्यांच्या यूजर्सना एक खास गिफ्ट दिले आहे. कंपनीने काही निवडक क्षेत्रांमध्ये त्यांचा 399 रुपयांचा प्रीपेड पुन्हा एकदा लाँच केला आहे. हे अपडेट अशा यूजर्ससाठी आहे, ज्यांना रिचार्ज प्लॅनमध्ये जास्तीचे फायदे पाहिजे आहेत. कंपनीने हा प्लॅन पुन्हा लाँच करण्यासोबतच प्लॅनमध्ये मिळणाऱ्या फायद्यांमध्ये काही बदल देखील केले आहेत. हे फायदे प्रत्येक क्षेत्रात वेगवेगळे आहेत. ज्या यूजर्सना मिड रेंज किंमतीत फायदे आणि ओटीटी सबस्क्रिप्शन पाहिजे आहे, त्यांच्यासाठी कंपनीने हा प्लॅन पुन्हा एकदा लाँच केला आहे. या प्लॅनमध्ये यूजर्सना कोणते फायदे मिळणार आहेत आणि प्लॅनची व्हॅलिडीटी किती आहे, याबाबत जाणून घेऊया.

Samsung Galaxy A57 vs Galaxy A37: कंपनी एकच, डिझाईनही सारखीच… दोन्ही स्मार्टफोनमध्ये काय आहे फरक? तुमच्यासाठी कोणता फायदेशीर?

एयरटेलचा 399 रुपयांचा प्रीपेड प्लॅन पुन्हा लाँच

एयरटेलने त्यांच्या यूजर्ससाठी 399 रुपयांचा प्रीपेड प्लॅन पुन्हा एकदा लाँच केला आहे. कंपनीच्या या प्रीपेड प्लॅनमध्ये यूजर्सना 28 दिवसांची व्हॅलिडीटी ऑफर केली जाणार आहे. या रिचार्ज प्लॅनमध्ये यूजर्सना डेली 2.5GB डेटा मिळणार आहे. रिचार्ज प्लॅनमध्ये डेटासह यूजर्सना नेटवर्क-वाइड अनलिमिटेड व्हॉईस कॉलिंग आणि डेली 100 एसएमएसची सुविधा मिळणार आहे. या प्लॅनची ​​सरासरी अंदाजित किंमत पाहिल्यास, यूजर्सना दररोज सुमारे 14 रुपये खर्च करावे लागतील.  (फोटो सौजन्य – Pinterest) 

एयरटेलच्या 399 रुपयांच्या प्लॅनमध्ये मिळणार इतकी व्हॅलिडीटी

कंपनीने दिल्ली आणि जवळच्या क्षेत्रात हा प्लॅन पुन्हा एकदा लाँच केला आहे. या क्षेत्रातील एअरटेल यूजर्स कंपनीचा हा रिचार्ज प्लॅन खरेदी करू शकणार आहेत. कंपनीने या प्लॅनमध्ये मिळणारे फायदे प्रत्येक क्षेत्रासाठी वेगळे ठेवले आहेत. काही क्षेत्रांमध्ये यूजर्सना डेली फिक्स्ड डेटाऐवजी अनलिमिटेड डेटा ऑफर केला जाऊ शकतो. हा फरक कंपनीच्या सेवा आणि त्या क्षेत्रातील तिच्या नेटवर्क धोरणावर आधारित आहे. त्यामुळे, प्लॅन खरेदी करण्यापूर्वी कंपनी तुमच्या क्षेत्रात कोणते फायदे ऑफर करत आहे, याबाबत जाणून घेऊया.

मेसेजिंगचा अनुभव बदलणार! आता थेट चॅटमधून करा व्हिडिओ कॉल, RCS मध्ये लवकरच येणार भन्नाट नवे फीचर्स

प्लॅनमध्ये यूजर्सना मिळणार इतकी डेटा लिमिट

अनलिमिटेड 5G डेटा देखील या प्लॅनमधील एक मुख्य आकर्षण आहे. एअरटेलच्या 5G नेटवर्कचा वापर करणारे यूजर्स कोणत्याही दैनंदिन मर्यादेशिवाय हाय-स्पीड डेटा वापरू शकतील. 5G अनलिमिटेड डेटाची मंथली लिमिट 300GB आहे. डेली डेटा लिमीट संपल्यानंतर डेटाची स्पीड कमी होते. 300 जीबी डेटा महिन्याच्या हिशोबाने हा प्लॅन यूजर्सना पुरेसा ठरू शकतो. स्ट्रीमिंग, ब्राउजिंग, सोशल मीडिया स्क्रॉलिंगसाठी हा प्लॅन फायदेशीर ठरणार आहे. या प्लॅनमध्ये यूजर्सना ओटीटी फायदे देखील दिले जाणार आहे. यूजर्सना 28 दिवसांसाठी जिओहॉटस्टारचे मोबाईल सब्सक्रिप्शन ऑफर केले जाणार आहे.