आता पिनशिवाय पूर्ण होणार UPI ट्रांजेक्शन! Amazon Pay ने लाँच केले बायोमेट्रिक ऑथेंटिकेशन फीचर, यूजर्सना असा होणार फायदा

Amazon Pay New Feature: तुम्ही देखील ऑनलाईन पेमेंट करण्यासाठी अ‍ॅमेझॉन पेचा वापर करता का? पण पेमेंट करताना यूपीआय पिन तुम्हाला देखील आठवत नाही का? तुमच्यासाठी अ‍ॅमेझॉन एक नवीन फीचर घेऊन आला आहे.

• Amazon Pay यूजर्ससाठी खुशखबर!
• Amazon Pay ने UPI ट्रांजेक्शनसाठी आणलं बायोमेट्रिक फीचर
• आता पिन टाकल्याशिवाय पूर्ण होणार UPI ट्रांजेक्शन

भारतातील बहुतेक लोकं खरेदी करताना ऑनलाईन पेमेंटचा पर्याय निवडतात. यामुळे वेळ वाचतो, तसेच सुट्ट्या पैशांची कटकट देखील नसते. ऑनलाईन पेमेंट करताना सर्वात महत्त्वाची गोष्ट असते पिन. तुम्ही पिन नंबर एंटर केल्याशिवाय पेमेंटची प्रक्रिया पूर्ण होऊ शकत नाही. पण काहीवेळेस आपण आपला पिन नंबर विसरतो. घाईगडबडीत पेमेंट करताना किंवा इतर कारणांमुळे काहीवेळेस आपण चुकीचा पिन नंबर एंटर करतो किंवा काहीवेळेस तर आपण आपला पिन नंबरच विसरतो. अशाच सर्व समस्यांसाठी Amazon Pay एक सुरक्षित उपाय घेऊन आला आहे.

Online Games Redeem Codes: फ्री फायर मॅक्स आणि BGMI चे लेटेस्ट कोड्स लाईव्ह! आत्ताच क्लेम करा आणि मोफत रिवॉर्ड्स मिळवा

Amazon Pay ने UPI ट्रांजेक्शनसाठी एक नवीन बायोमेट्रिक ऑथेंटिकेशन फीचर लाँच केले आहे. या फीचरच्या मदतीने यूजर्स पिन टाकल्याशिवाय पेमेंटची प्रक्रिया पूर्ण करू शकतात. हे नवीन फीचर लाँच करणारा Amazon Pay पहिलाच प्लॅटफॉर्म ठरला आहे. कंपनीने लाँच केलेल्या या नवीन फीचरनंतर आता भारतातील यूजर्स पिन एंटर केल्याशिवाय पेमेंट करू शकणार आहेत. फिंगरप्रिंट आणि फेस-बेस्ड पेमेंटला मंजुरी देणारी ही भारतातील पहिली पेमेंट सर्विस प्रोवाइडर बनली आहे. हे नवीन अपडेट यूजर्सना पिन एंटर केल्याशिवाय UPI पेमेंट ऑथराइज करण्याची सुविधा देते, ज्यामुळे पेमेंटची प्रक्रिया वेगाने होते.  (फोटो सौजन्य – Pinterest) 

या नवीन सिस्टिमद्वारे Amazon Pay UPI यूजर्स, डिव्हाईसच्या फिंगरप्रिंट स्कॅन किंवा फेशियल रिकग्निशनसारख्या बायोमेट्रिक सिक्योरिटीद्वारे 5,000 रुपयांपर्यंत पेमेंट करू शकणार आहेत. हे फीचर कॉन्टॅक्ट्सला पैसे पाठवणं, मर्चंट स्कॅन करून पेमेंट करणं आणि अकाऊंट बॅलेंन्स चेक करण्यासारखी कामं अगदी सहज पूर्ण करू शकतात. Amazon Pay ने दिलेल्या माहितीनुसार, सुरुवातीच्या वापरावरून असा अंदाज लावला जात आहे, हे फीचर वापरताना यूजर्सना अत्यंत आनंद होत आहे.

डिजिटल फ्रॉड अलर्ट! फोन वाजला, पण समोरून आवाजच आला नाही? लोकांना जाळ्यात अडकवण्यासाठी स्कॅमर्सची नवीन ट्रिक

रिपोर्टनुसार, 90 टक्क्यांहून अधिक UPI ट्रांजेक्शन PIN-बेस्ड ऑथेंटिकेशनऐवजी बायोमेट्रिक व्हेरिफिकेशनद्वारे ऑथराइज करण्यात आले आहेत. कंपनीचं असं म्हणणं आहे की, ही पद्धत जास्त सुरक्षित आणि एक्स्ट्रा स्टेप कमी करणारी आहे. हे नवीन फीचर यूजर्ससाठी फायद्याचं ठरत आहे. सध्या, Amazon Pay वरील UPI बायोमेट्रिक ऑथेंटिकेशन केवळ अँड्रॉईड यूजर्ससाठी उपलब्ध आहे. कारण या प्लॅटफॉर्मद्वारे सपोर्टेड डिव्हाईसलेव्हल बायोमेट्रिक सिस्टिमवर अवलंबून आहे. हे विशेषतः ऑफलाइन व्यापारी पेमेंटच्या बाबतीत, एका हाताने वापरण्यासाठी आणि जलद चेकआउटसाठी डिझाइन केलेले आहे.

असा करा वापर

• गुगल प्ले स्टोअरमध्ये जाऊन Amazon Pay अपडेट करा.
• आता अ‍ॅप ओपन करा आणि बटन नेविगेशन बार किंवा होमपेजवर Amazon Pay आयकॉनवर टॅप करा.
• Amazon Pay UPI वर टॅप करा आणि सेटिंग्स किंवा प्रोफाइल सेक्शनमध्ये जा.
• सिक्युरिटी, बायोमेट्रिक ऑथेंटिकेशन, एनेबल फिंगरप्रिंट / फेस अनलॉक लेबलवाला नवीन ऑप्शन तुम्हाला दिसेल.
• आता यूपीआय पिन कन्फर्म करून अ‍ॅक्टिवेशन कन्फर्म करा.