AirPods 5: AirPods चाहत्यांसाठी गुड न्यूज! नवीन AirPods 5 अधिक चांगले अन् स्वस्तही

AirPods 5: Appleने नवीन AirPods 5 लाँच केले असून, या बेस मॉडेलमध्ये आवाजाची गुणवत्ता सुधारण्यासोबतच Active Noise Cancellation (ANC) ची सुविधा देण्यात आली आहे. हे Pro मॉडेल नसून ओपन-इअर डिझाइनमध्ये येणारे AirPods आहेत.

• Appleने नवीन AirPods 5 दोन मॉडेलमध्ये लाँच केले.
• दोन्ही मॉडेलमध्ये Active Noise Cancellation (ANC) देण्यात आले आहे.
• Appleच्या दाव्यानुसार ANC, AirPods 4 पेक्षा 50% अधिक आवाज कमी करते.

 

Apple ने आपले नवीन बेस AirPods लाँच केले आहेत आणि यावेळी कंपनीने खरंच चांगलं काम केलं. आवाज आधीपेक्षा चांगला झालाय, बाहेरचा गोंगाट बंद करण्याची पावर वाढली आहे आणि सगळ्यात भारी गोष्ट म्हणजे किंमत जास्त नाहीये. एक गोष्ट आधीच सांगतो, हे Pro वाले नाही, हे साधे ओपन-इअर डिझाइन वाले AirPods आहेत.

दोन मॉडेलमध्ये येणार

AirPods 5 दोन प्रकारात मिळतील. एक साधा, ज्याच्यासोबत USB-C केस येईल. आणि दुसरा थोडा महाग, त्याच्यासोबत वायरलेस चार्जिंग केस मिळेल आणि दांडीवर टच करून आवाज कमी-जास्त करता येईल. यावेळी खास गोष्ट म्हणजे दोन्ही मॉडेलमध्ये ANC म्हणजे Active Noise Cancellation दिलंय. Apple म्हणतंय की ओपन-इअर मध्ये आतापर्यंत एवढं चांगलं Noise Cancellation कोणीच दिलं नाहीये.

कंपनीचं म्हणणं आहे की, AirPods 5 मधलं ANC जुन्या AirPods 4 पेक्षा 50% जास्त बाहेरचा आवाज बंद करतं. म्हणजे तुम्ही बसमध्ये असाल, ट्रॅफिकमध्ये असाल तरी गाणी एकदम क्लिअर ऐकू येतील. Transparency Mode पण सुधारलाय, म्हणजे तुम्हाला बाहेरचा आवाज ऐकायचा असेल तर तो एकदम नैसर्गिक वाटेल, असं वाटणार नाही की मशीनमधून येतोय. AirPods 5:

आवाजाची क्वालिटी एकदम वेगळी

आतमध्ये Apple ने नवीन डिझाइन वापरलंय, त्याला ते Multiport Acoustic Architecture म्हणतायत. त्याच्यासोबत Next-Gen Adaptive EQ पण आहे. सोप्या भाषेत सांगायचं तर गाण्यातला प्रत्येक बिट, बेस एकदम भारी ऐकू येईल. आणि सगळ्यात महत्त्वाचं, प्रत्येकाच्या कानाचा आकार वेगळा असतो, त्यामुळे हे नवीन AirPods सगळ्यांच्या कानात व्यवस्थित बसतील आणि आवाज पण त्याप्रमाणे बदलतील. Personalized Spatial Audio पण आधीपेक्षा चांगलं झालंय, गाणं ऐकताना असं वाटेल की समोरूनच आवाज येतोय.

आता Siri जास्त हुशार झाली

जर तुमच्याकडे Apple Intelligence असलेला iPhone असेल तर या AirPods सोबत तुम्हाला हँड्स-फ्री Siri AI मिळेल. म्हणजे हात न लावता तुम्ही Siri ला सांगू शकता की माझ्या मेसेजमध्ये काय होतं, ईमेलमध्ये काय लिहिलंय, फोटोत कोण आहे. आणि ती माहिती ती दुसऱ्या ॲपमध्ये पण वापरेल.

आणखी एक भारी फिचर दिलंय. तुम्ही मान हलवून Siri ला उत्तर देऊ शकता. हो म्हणायचं असेल तर मान वर-खाली करा, नाही म्हणायचं असेल तर डावी-उजवीकडे हलवा. फोनला हात पण लावायची गरज नाही. आणि ज्या महागड्या मॉडेलमध्ये वायरलेस केस आहे, त्यात दांडीवर बोट फिरवून आवाज कमी-जास्त करता येतो. हे फिचर पहिल्यांदाच साध्या AirPods मध्ये आलंय, आधी फक्त Pro मध्ये होतं.

बॅटरी आणि टिकाऊपणा

बॅटरी पण वाढवली आहे. ANC चालू असतानाही AirPods 5 पाच तास चालतील. जुन्या मॉडेलपेक्षा एक तास जास्त. आणि केससोबत धरला तर एकूण 22 तासांपर्यंत गाणी ऐकता येतील. दिवसभरासाठी आरामात पुरेल. टिकाऊपणाबद्दल बोलायचं तर यावेळी IP57 रेटिंग दिलंय. आधी फक्त पाण्याचे थेंब उडाले तर वाचायचे, आता तर चुकून पाण्यात पडले तरी खराब होणार नाहीत. जिममध्ये घाम आला किंवा पावसात भिजले तरी टेन्शन नाही.

Appleचा यूजर्सना मोठा दिलासा! मोफत Satellite Accessची मुदत पुन्हा वाढवली

किंमत आणि कधी मिळणार

किमतीचं काय? Apple ने किंमत कमीच ठेवली आहे. साध्या USB-C केसवाल्या AirPods 5 ची किंमत 129 डॉलर म्हणजे 149 युरो आहे. आणि वायरलेस चार्जिंग आणि टच कंट्रोल वाल्या मॉडेलची किंमत 149 डॉलर म्हणजे 169 युरो आहे.आजपासूनच तुम्ही याची प्री-ऑर्डर करू शकता आणि 18 सप्टेंबरपासून दुकानात मिळायला सुरुवात होईल.थोडक्यात सांगायचं तर जर तुम्हाला Pro चे पैसे घालवायचे नसतील पण चांगलं Noise Cancellation आणि भारी आवाज हवा असेल, तर AirPods 5 हा सध्या बेस्ट पर्याय आहे.

iPhone 17 Price Hike: Appleचा मोठा झटका! भारतात iPhone 17, iPhone Airसह सर्वच मॉडेल्स महागले