BSNL Recharge Plan: सरकारी कंपनीने सादर केला नवा सिल्वर जुबली प्लॅन… केवळ 225 रुपयांत मिळणार डेली 2.5GB डेटा आणि बरंच काही

भारतातील सरकारी टेलिकॉम कंपनी बीएसएनएलने 25 वर्षांचा प्रवास पूर्ण केल्यानंतर ग्राहकांसाठी खास सिल्वर जुबली प्लॅन सादर केला आहे. या प्लॅनमध्ये कमी किंमतीत जास्त डेटा, फ्री कॉलिंग आणि 30 दिवसांची वैधता मिळत आहे.

• भारत संचार निगम लिमिटेडने 25 वर्ष पूर्ण झाल्यानिमित्त 225 रुपयांचा सिल्वर जुबली प्लॅन लॉन्च केला.
• या प्लॅनमध्ये 30 दिवसांची वैधता, दररोज 2.5GB डेटा, 100 SMS आणि अनलिमिटेड कॉलिंग मिळते.
• कंपनी सध्या 4G आणि 5G नेटवर्क विस्तारावर भर देत असून मुंबई आणि दिल्लीमध्येही 5G सेवा सुरू करण्याची तयारी करत आहे.

भारतातील सरकारी टेलिकॉम कंपनी भारत संचार निगम लिमिटेड म्हणजेच बीएसएनएलने 25 वर्षांचा कालावधी पूर्ण केला आहे. कंपनीने त्यांच्या युजर्ससाठी 25 वर्ष यशस्वीपणे सर्विस प्रदान केली आहे आणि याच आनंदात आता कंपनी त्यांच्या युजर्ससाठी एक सिल्वर जुबली प्लॅन घेऊन आली आहे. कंपनीने त्यांच्या एक्स अकाउंटवर पोस्ट शेअर करत या नवीन सिल्वर जुबली प्लॅनबाबत माहिती दिली आहे. कंपनीने सादर केलेल्या नव्या प्लॅनची किंमत 300 रुपयांहून कमी आहे. तसेच या प्लॅनमध्ये यूजर्सना संपूर्ण एका महिन्याची व्हॅलिडीटी ऑफर केली जाणार आहे. याशिवाय यामध्ये अनेक फायदे देखील उपलब्ध आहेत. कंपनीने सादर केलेला हा सिल्वर जुबली प्लॅन युजर्ससाठी लॉटरी ठरणार आहे. कारण यामध्ये कमी पैशात जास्त सुविधा अनुभवता येणार आहे.

Tech Tips: आयफोनवरून अँड्रॉईडमध्ये WhatsApp चॅट्स ट्रान्सफर करायच्या? चिंता सोडा अन् फॉलो करा ही सोपी प्रोसेस

कंपनीने सादर केलेल्या नव्या सिल्वर जुबली प्लॅनची किंमत केवळ 225 रुपये आहे. या प्लॅनमध्ये कंपनी त्यांच्या युजर्सना असे अनेक फायदे ऑफर करते जे खाजगी टेलिकॉम कंपनी त्यांच्या प्रीमियम रिचार्ज प्लॅन्समध्ये देतात. तसेच भारत संचार निगम लिमिटेड त्यांचे नेटवर्क मजबूत करण्यावर देखील अधिक भर देत आहे. कंपनी सतत नवीन 4G आणि 5G नेटवर्कच्या टॉवरची उभारणी करत आहे. असे सांगितले जात आहे की येणाऱ्या काळात कंपनी मुंबई आणि दिल्ली सारख्या ठिकाणी देखील त्यांचे 5G सर्विस लाँच करणार आहे. त्यामुळे या शहरांमध्ये असलेल्या युजर्सना देखील कंपनीच्या 5G सर्विस या लवकरच लाभ घेता येईल.  (फोटो सौजन्य – Pinterest)

See more

25 saal ka bharosa, ab aur bhi powerful! Celebrate BSNL’s Silver Jubilee with ₹225 plan – Unlimited calls, 2.5GB/day data, 100 SMS/day & 30 days validity.#BSNL #BSNLIndia #SilverJubilee #25YearsOfTrust @CMDBSNL @robertravi21 pic.twitter.com/P399KDv3bU — BSNL India (@BSNLCorporate) April 1, 2026

कंपनीने 25 वर्षांच्या यशस्वी प्रवासानिमित्त सादर केलेल्या सिल्वर जुबली प्लॅनची किंमत 225 रुपये आहे. या प्लॅनमध्ये युजर्स एका महिन्याची म्हणजेच संपूर्ण 30 दिवसांची व्हॅलिडीटी ऑफर केली जाते. नुकत्याच सादर करण्यात आलेल्या सिल्वर जुबली प्लॅनमध्ये कंपनी त्यांच्या युजर्सना डेली 2.5 GB डेटा ऑफर करते. अशा पद्धतीने संपूर्ण 30 दिवस यूजर्सना एकूण 75 GB डेटा मिळतो. तसेच या प्लॅनमध्ये रोज शंभर मोफत एसएमएस देखील उपलब्ध आहेत. या प्लॅन अंतर्गत कंपनी युजर्सना संपूर्ण भारतात फ्री कॉलिंग आणि फ्री नॅशनल कॉलिंग देखील ऑफर करते.

7000mAh बॅटरी आणि 50MP कॅमेरा… Realme चा तगडा स्मार्टफोन भारतात लाँच; वाचा किंमत आणि स्पेसिफिकेशन्स

997 रुपयांचा रिचार्ज प्लॅन

सरकारी टेलिकॉम कंपनीने अलीकडेच 997 रुपयांचा एक रिचार्ज प्लॅन देखील सादर केला होता. या प्लॅनमध्ये कंपनी त्यांच्या युजर्सना तब्बल 150 दिवसांची व्हॅलिडीटी ऑफर करत होती. या प्लॅनमध्ये युजर्सना संपूर्ण भारतात अनलिमिटेड कॉलिंग, फ्री नॅशनल रोमिंग, 100 मोफत एसएमएसची सुविधा ऑफर केली जाते. या प्लॅनमध्ये युजर्सना रोज 2 जीबी हाय स्पीड डेटा मिळतो.