
BSNL New Plans: (फोटो सौजन्य- सोशलमीडिया)
खरं तर TRAI ने सगळ्या कंपन्यांना सांगितलं होतं, ज्यांना नेट नकोय त्यांच्यासाठी वेगळे प्लॅन काढा. Jio, Airtel ने काढले पण ते महागच होते. BSNL ने मात्र एकदम खिशाला परवडेल असे प्लॅन आणलेत. त्यामुळे म्हातारी माणसं, शेतकरी, किंवा ज्यांच्याकडे घरी वायफाय आहे, त्यांना आता फायदा होणार आहे.
तिन्ही प्लॅनमध्ये जवळपास सेमच सुविधा आहे. फरक फक्त दिवसांमध्ये आहे.सगळ्यात पहिला प्लॅन आहे 172 रुपयांचा. यात तुम्हाला 28 दिवस चालेल. रोजचा हिशोब केला तर 6 रुपये 14 पैसे पडतो. म्हणजे एक चहा पण येत नाही तेवढ्या पैशात दिवसभर बोला.
दुसरा प्लॅन आहे 184 रुपयांचा.
यात 30 दिवस मिळतात. रोजचा खर्च 6 रुपये 13 पैसे. 172 पेक्षा 12 रुपये जास्त द्या आणि 2 दिवस जास्त मिळवा, असं गणित आहे.
तिसरा प्लॅन आहे 190 रुपयांचा.
हा सगळ्यात भारी आहे कारण यात कॅलेंडर महिना मिळतो. म्हणजे तुम्ही 1 तारखेला मारला तर पुढच्या महिन्याच्या 1 तारखेपर्यंत चालेल. महिना 30 दिवसांचा असो किंवा 31 दिवसांचा, रोजचा खर्च 6 रुपये ते 6 रुपये 33 पैशाच्या आसपास जातो.
तिन्ही प्लॅनमध्ये एक गोष्ट कॉमन आहे. दिवसाला 100 SMS फ्री. आणि भारतात कुठेही, कोणत्याही नंबरवर अनलिमिटेड कॉलिंग. लोकल असो, STD असो, किंवा रोमिंग असो, टेन्शन नाही.
आजकाल बऱ्याच लोकांकडे 2 सिम असतात. एक मेन नंबर, दुसरा बँक वगैरेसाठी. दुसरा नंबर फक्त चालू ठेवायचा असतो. त्यासाठी 300 रुपयांचा डेटा प्लॅन घेणं म्हणजे पैशाचा अपव्यय. त्यांच्यासाठी हा 172 चा प्लॅन एकदम परफेक्ट आहे.
दुसरं म्हणजे कीपॅड मोबाईल वापरणारे आजोबा-आजी. त्यांना व्हॉट्सअॅप, युट्युब काही नको असतं. त्यांना फक्त पोरांशी बोलायचं असतं. त्यांना हा प्लॅन बेस्ट आहे.तिसरं म्हणजे ज्यांच्या घरी किंवा दुकानात वायफाय आहे. त्यांना मोबाईल डेटा कशाला पाहिजे? त्यांनी हा प्लॅन घेतला की काम झालं.
आता तुलना करून बघा. Jio चा असाच बिना डेटाचा प्लॅन 177 रुपयांपासून सुरू होतो. Airtel चा 28 दिवसांचा प्लॅन 185 रुपयाला आहे. त्या मानाने BSNL चा 172 रुपयांचा प्लॅन स्वस्तात पडतोय. सरकारी कंपनी असून पण तिने प्रायव्हेट कंपन्यांना टक्कर दिलीय.
BSNL कडे आता 9.4 कोटीपेक्षा जास्त ग्राहक आहेत. त्यांनी वेबसाईटवर आणि अॅपवर TRAI Mandated Packs म्हणून वेगळा भाग पण ठेवलाय, जेणेकरून लोकांना हे प्लॅन लगेच सापडतील. याशिवाय 99 आणि 439 चे जुने व्हॉइस प्लॅन पण अजून चालू आहेत.थोडक्यात सांगायचं तर, जर तुम्हाला फक्त कॉलिंग पाहिजे असेल आणि डेटा नको असेल, तर उगाच महागडे रिचार्ज मारू नका. हा 172, 184 किंवा 190 चा प्लॅन मारा आणि पैसे वाचवा.
Ans: BSNL ने 172, 184 आणि ₹190 असे तीन नवीन व्हॉइस प्लॅन आणले आहेत.
Ans: या प्लॅनची वैधता 28 दिवस आहे.
Ans: 184 च्या प्लॅनमध्ये 30 दिवसांची वैधता मिळते.