AI Update: ChatGPT मध्येही दिसणार जाहिराती? बीटा वर्जनमध्ये मिळाले संकेत! युजर्स म्हणाले, आता अ‍ॅप बोअरिंग…

ChatGPT update: चॅटजीपीटी यूजर्सना लवकरच मोठा धक्का बसणार आहे. कारण आता लोकप्रिय AI प्लॅटफॉर्म चॅटजीपीटीमध्ये यूजर्सना जाहिराती दिसणार आहेत. हा बदल यूजर्ससाठी चिंतेची बाब ठरणार आहे.

• ChatGPT युजर्ससाठी धक्का! अ‍ॅपमध्ये लवकरच दिसणार जाहिराती
• बीटा टेस्टिंगमध्ये उघड झाली नवीन माहिती
• नव्या अपडेटमध्ये ChatGPT युजर्समध्ये वाढली चिंता

लोकप्रिय AI प्लॅटफॉर्म ChatGPT च्या करोडो यूजर्सना आता मोठा धक्का बसणार आहे. कारण आता OpenAI ने त्यांच्या AI चॅटबोटमध्ये एक मोठा बदल करण्याचा निर्णय घेतला आहे. असं सांगितलं जात आहे की, आता OpenAI च्या AI चॅटबोट ChatGPT मध्ये जाहिराती दिसणार आहेत. अलीकडेच जारी करण्यात आलेल्या ChatGPT Android अ‍ॅपच्या एका नवीन बीटा वर्जनमध्ये एक असा कोड आढळला आहे, ज्यामुळे आता अ‍ॅपमध्ये जाहिराती दिसण्याची शक्यता मोठ्या प्रमाणात आहे. हा कोड डेवलपर Tibor Blaho ने एक्सवर शेअर केला आहे. त्यांनी अ‍ॅपमध्ये अ‍ॅड्स फीचर, सर्च अ‍ॅड आणि बाझार कंटेट सारख्या शब्दांचे रेफरेंस शोधले, ज्यामुळे स्पष्ट होत आहे की, OpenAI इंटरनल टेस्टिंगमध्ये जाहिरातींच्या मॉडेलवर काम करत आहे.

Jio Recharge Plan: एकमेव प्लॅन जो ऑफर करतो रोज 1GB डेटा, किंमत तुमच्या खिशाला परवडणारी! असे आहेत इतर फायदे

यूजर्ससाठी अद्याप पल्बिक वर्जन उपलब्ध नाही

ChatGPT चे हे बीटा वर्जन 1.2025.329 नंबरसह पाहायला मिळाले आहे. हे बीटा वर्जन अद्याप कोणत्याही यूजरसाठी उपलब्ध नाही. मात्र या नवीन अपडेटमुळे आता सोशल मीडियावर जोरदार चर्चा सुरु झाली आहे. OpenAI जाहिरातींद्वारे त्यांच्या चॅटबॉटचे व्यावसायिकीकरण कसे करणार आहे, याबाबत सर्वत्र चर्चा आहे. काही दिवसांपूर्वीच The Information ने एका रिपोर्टमध्ये OpenAI, ChatGPT जाहिराती जोडण्याचा विचार करत आहे, असा दावा केला होता. त्यानंतर आता याबाबत अपडेट्स समोर येत आहेत.  (फोटो सौजन्य – Pinterest)

आधीच मिळाले संकेत

OpenAI चे सिईओ सॅम ऑल्टमॅन यांनी यापूर्वी काही मुलाखतींमध्ये जाहिरातींबाबत त्यांचं मत व्यक्त केलं होतं. Harvard Business School मध्ये त्यांनी सांगितलं होतं की, AI आणि जाहिरातींचे मिश्रण एक विचित्र अनुभव असू शकतो. हा आमच्यासाठी शेवटचा पर्याय असू शकतो. त्यांनी स्पष्टपणे सांगितलं होतं की, बिजनेस मॉडेलला टिकाऊ बनवण्यासाठी जर जाहिराती गरजेच्या असतील तर कंपनी या दिशेने पाऊलं उचलणार आहे. याशिवाय, OpenAI च्या पॉडकास्टमध्ये देखील त्यांनी सांगितलं होतं की, कंपनी जाहिरातींचा वापर करण्यात मागे नाही. मात्र जाहिराती कुठे आणि कशा दाखवायच्या आहेत, याबाबत अद्याप कोणताही निर्णय घेण्यात आला नाही.

Smartphones Launched In November: नोव्हेंबर स्मार्टफोन्सचा धमाका! ‘हे’ हाय-एंड मॉडेल्स ठरले होते सुपरहिट, वाचा संपूर्ण यादी

फ्री वर्जनमध्ये दिसणार जाहिराती?

लीक झालेल्या कोडवरून असा अंदाज लावला जात आहे की, जाहिराती फ्री वर्जनमध्ये दाखवल्या जाणार असल्याची शक्यता वर्तवली जात आहे. फ्री यूजर्सना आधीपासूनच यूसेज लिमिट, स्लोअर परफॉर्मेंस आणि लो प्रायोरिटी रिस्पॉन्स मिळतात. अशा परिस्थितीत जाहिराती जोडून OpenAI त्यांचा ऑपरेशन कॉस्ट कमी करण्याचा प्रयत्न करण्याची शक्यता आहे, कारण AI मॉडेल चालवणं अतिशय महाग आहे. OpenAI ने या बदलाबाबत अद्याप कोणतंही अधिकृत वक्तव्य जारी केलं नाही. सध्या चॅटजीपीटीचे जाहिरात फीचर बीटमध्ये आहे. अद्याप हे फीचर यूजर्ससाठी लाईव्ह करण्यात आलं नाही. तसेच हे फीचर कधी लाँच केलं जाणार याची कोणती टाइमलाइन देखील जारी करण्यात आली नाही.