काउंटडाऊन सुरू! टेकविश्वाचे Appleकडे लक्ष, मेगा इव्हेंटमध्ये iPhoneसह नव्या डिव्हाईसवरून उठणार पडदा

Apple Event 2026: टेकजायंट कंपनी ॲपलने आज त्यांच्या बहुप्रतिक्षित ईव्हेंटचे आयोजन केले आहे. या ईव्हेंटमध्ये आयफोनसह इतर काही गॅझेट्स देखीसल सादर केले जाण्याची शक्यता आहे. त्यामुळे आगामी ईव्हेंटबाबत यूजर्सची प्रतिक्षा वाढली आहे.

• ॲपलच्या इव्हेंटमध्ये आयफोन 18 प्रो आणि आयफोन 18 प्रो मॅक्स सोबत पहिल्या फोल्डेबल आयफोनची घोषणा होण्याची शक्यता आहे.
• फोल्डेबल आयफोन ‘आयफोन अल्ट्रा’ नावाने सादर होण्याची शक्यता असून, त्याची किंमत सुमारे 1.9 लाख रुपये किंवा त्याहून अधिक असू शकते.
• ॲपल वॉच सिरीज 12 आणि एअरपॉड्स 5 सोबत आयओएस 27च्या उपलब्धतेबाबतही कंपनीकडून माहिती मिळण्याची शक्यता आहे.

Apple Event Updates: संपूर्ण टेकविश्वाचे लक्ष आज ॲपलच्या मेगा ईव्हेंटकडे आहे. आज 9 सप्टेंबर रोजी, टेक कंपनी ॲपलने त्यांच्या बहुप्रतिक्षित ॲन्युअल सप्टेंबर हार्डवेअर ईव्हेंटचे आयोजन केले आहे. या ईव्हेंटची चर्चा गेल्या अनेक दिवसांपासून सुरु आहे. विशेष म्हणजेच या ईव्हेंटचे काही लीक्स देखील सतत समोर आहेत.

Jio चे ग्राहकांना खास सरप्राईज! 10व्या वर्धापनदिनानिमित्त उघडला ऑफर्सचा खजिना; आता एकाच प्लॅनमध्ये डेटा, ओटीटी आणि AIचा धमाका

सरप्राईज अँड शाईन या टॅगलाईनसह कंपनीचा ईव्हेंट आज सुरु होणार आहे. कंपनी आयोजित ईव्हेंटमध्ये आयफोन 18 प्रो आणि आयफोन 18 प्रो मॅक्स सादर करणार आहे. यासोबतच ईव्हेंटमध्ये एक गेम-चेंजिंग ‘वन मोर थिंग’ देखील पाहायला मिळणार आहे, हे म्हणजेच कंपनीचा पहिला फोल्डेबल आयफोन. हे फोल्डेबल डिव्हाईस आयफोन अल्ट्रा नावाने सादर केले जाण्याची शक्यता आहे. आयफोन्सव्यतिरिक्त कंपनी या ईव्हेंटमध्ये ॲपल वॉच सिरीज 12 आणि एअरपॉड्स 5 देखील लाँच करू शकते. तसेच ईव्हेंटमध्ये आयओएस 27 च्या उपलब्धतेबाबत अधिकृत माहिती दिली जाऊ शकते.

कधी आणि कुठे पाहू शकता ईव्हेंट?

ॲपलचा सरप्राईज अँड शाईन ईव्हेंट कॅलिफोर्नियाच्या क्यूपर्टिनोमधील ॲपल पार्कच्या स्टीव जॉब्स थिएटरमध्ये शेड्यूल केला आहे. मुख्य भाषण सकाळी 10 वाजता (PT) सुरू होईल, जे भारतात रात्री 10:30 वाजता (IST) सुरु होईल. तसेच तुम्ही स्मार्टफोन किंवा टिव्हीवर देखील हा ईव्हेंट पाहू शकता. यूजर्स ॲपलच्या अधिकृत वेबसाईट आणि युट्यूब चॅनेलवर हा ईव्हेंट पाहू शकणार आहेत. याशिवाय ॲपल टिव्हीवर देखील या ईव्हेंटचे लाईव्ह स्ट्रिमिंग केले जाणार आहे.  (फोटो सौजन्य: Pinterest) 

आयफोन 18 प्रो आणि आयफोन 18 प्रो मॅक्स

यावेळी ईव्हेंटमध्ये बेस व्हेरिअंट नाही तर केवळ प्रो व्हेरिअंट लाँच केला जाण्याची अपेक्षा आहे. आयफोन 18 प्रो आणि आयफोन 18 प्रो मॅक्समध्ये आयफोन 17 प्रो मॉडेल्ससारखे डिझाईन कायम राहण्याची शक्यता आहे. यामध्ये अनुक्रमे 6.3-इंच आणि 6.9-इंच डिस्प्ले मिळणार आहे. समोर आलेल्या लिक्स आणि रिपोर्ट्सवर विश्वास ठेवला तर डायनॅमिक आइलँड थोडा छोटा असू शकतो आणि प्रो मॉडेल्समध्ये अपग्रेडेड एलटीपीओ+ डिस्प्ले मिळू शकतो. दोन्ही आयफोन मॉडेल्समध्ये TSMC च्या 2nm प्रोसेसवर आधारित ॲपलची A20 चिप मिळण्याची शक्यता आहे, जे अधिक चांगला परफॉर्मंस आणि एफिशिएंसी ऑफर करणार आहे. यासोबतच यामध्ये लाइट ब्लू, डार्क ग्रे आणि सिल्वरसह डीप रेड किंवा डार्क चेरी फिनिश मिळू शकते, अशी चर्चा सुरु आहे.

आयफोन अल्ट्रा

कंपनी आयोजित ईव्हेंटमध्ये त्यांच्या पहिल्या फोल्डेबल आयफोनची घोषणा करण्याची शक्यता आहे. हे डिव्हाईस आयफोन अल्ट्रा नावाने लाँच केला जाण्याची शक्यता आहे. या बुक-स्टाइल फोनमध्ये बाहेरील बाजूला सुमारे 5.5-इंच डिस्प्ले आणि आतील बाजूला 4:3 आस्पेक्ट रेशिओ वाली 7.8-इंच स्क्रीन मिळण्याची शक्यता आहे. यामध्ये टाइटेनियम आणि एल्युमिनियम फ्रेम मिळू शकते. लीक्सनुसार, ॲपल जवळपास न दिसणारी घडी (क्रीज) आणि टिकाऊ बिजागरी (हिंज) विकसित करण्यावरही काम करत आहे. स्लिम डिझाईनमुळे कंपनीच्या फोल्डेबल फोनमध्ये तीन नाही तर केवळ दोन रिअर कॅमेरे आणि फेस आयडीऐवजी टच आयडी पाहायला मिळण्याची शक्यता आहे. याची सुरुवातीची किंमत $2,000 म्हणजेच सुमारे 1.9 लाख रुपये किंवा त्याहून अधिक असू शकते.

ॲपल वॉच सिरीज 12

इंटरनल अपग्रेड्ससह कंपनी ॲपल वॉच सिरीज 12 सादर करू शकते. नव्या वॉचमध्ये नवीन एस-सिरीज चिप आमि अधिक चांगली बॅटरी लाईफ ऑफर केली जाऊ शकते. कंपनी नवीन हेल्थ आणि फीटनेस फीचर्सवर देखील काम करत आहे. नवीन फिनिश आणि नवीन बँड ऑप्शन्ससह वॉच सिरीज 12 लाँच केली जाण्याची शक्यता आहे.

OpenAIचा सर्वात शक्तिशाली ‘GPT-6 Astra’ लाँच! जाणून घ्या काय आहेत खास फीचर्स

एअरपॉड्स 5

कंपनी ईव्हेंटमध्ये एअरपॉड्स 5 देखील सादर करू शकते. यामध्ये दोन व्हेरिअंट्स सादर केले जाऊ शकतात. एक एक्टिव नॉइज कँसिलेशन (ANC) सह आणि दुसरे ANC शिवाय.