पाकिस्तानमध्ये सुरु होणार Elon Musk ची सॅटेलाईट इंटरनेट सर्विस? प्लॅनच्या किंमती सामान्य लोकांच्या आवाक्याबाहेर…

पाकिस्तानमध्ये इंटरनेट स्पीडच्या समस्यांना नेहमीच समोरं जावं लागतं. या समस्येवर सॅटेलाइट इंटरनेट हा एकच उपाय असू शकतो, परंतु त्याची किंमत हे एक मोठे आव्हान आहे. त्यामुळे पाकिस्तानी सरकार काय निर्णय घेणार, याकडे लक्ष आहे.

पाकिस्तानमध्ये इंटरनटेची प्रचंड समस्या आहे. येथील लोकांना स्लो इंटरनेट स्पीडचा सामना करावा लागतो. खरं तर पाकिस्तानमधील स्लो इंटरनेट स्पीडची समस्या काही नवीन नाही. लोक बऱ्याच काळापासून स्लो इंटरनेटबद्दल तक्रार करत आहेत. आता लोकांच्या या समस्येवर उपाय येणार आहे. आता पाकिस्तानात लवकरच एलॉन मस्कची स्टारलिंक कंपनी सॅटेलाईट इंटरनेट सेवा सुरु करणार असल्याचं सांगितलं जात आहे.

DeepSeek बाबत मोठी अपडेट आली समोर, युजर्सची Identity धोक्यात! ‘या’ कंपनीने दिला इशारा

सरकारी सेन्सॉरशिपमुळे इंटरनेटच्या गतीवर परिणाम झाला असल्याचं काही अहवालांमध्ये स्पष्ट करण्यात आलं आहे. तर पाणबुडी केबल कापल्यामुळे इंटरनेट स्लो झाल्याचा दावा सरकारकडून केला जात आहे. त्यामुळे पाकिस्तानमधील इंटरनेट स्पीडच्या समस्येचं नेमकं कारण काय आहे, याबाबत अद्याप स्पष्ट माहिती देण्यात आली नाही. मात्र आता सरकार या समस्येवर उपाय शोधत आहे. एलॉन मस्कची स्टारलिंक सॅटेलाईट इंटरनेट सेवा पाकिस्तानमध्ये सुरु केली जाणार असल्याचं सांगितलं जात आहे. (फोटो सौजन्य – Pinterest)

पाकिस्तानमधील स्लो इंटरनेट या समस्येचे निराकरण करण्यासाठी, सरकार सॅटेलाइट इंटरनेट सुरू करण्याची योजना आखत आहे, ज्यामुळे इंटरनेटचा वेग आणि कनेक्टिव्हिटी सुधारेल. पाकिस्तानमध्ये लवकरच सॅटेलाइट इंटरनेटला मान्यता मिळू शकते, असे मानले जात आहे. मात्र त्याच्या किंमती प्रचंड असण्याची शक्यता आहे, या किंमती सामान्य लोकांच्या आवाक्याबाहेर असू शकतात.

प्रत्येक पाकिस्तानी व्यक्तिला सॅटेलाइट इंटरनेट परवडेल का?

सरकारने सॅटेलाइट इंटरनेट सेवेला मान्यता दिली तरी सामान्य लोकांना ती वापरता येईल का, हा प्रश्न आहे. याचे उत्तर सध्या कठीण वाटते, कारण सॅटेलाइट इंटरनेटची किंमत खूप जास्त आहे. एलोन मस्कची कंपनी स्टारलिंक पाकिस्तानमध्ये त्यांची सॅटेलाइट इंटरनेट सेवा सुरू करत आहे, परंतु त्यांच्या योजना सामान्य लोकांच्या आवाक्याबाहेर असू शकतात.

दरमहा 50 हजार रुपये आकारले जाणार

स्टारलिंकच्या सॅटेलाइट इंटरनेट प्लॅनची ​​सुरुवातीची किंमत दरमहा 50 हजार पाकिस्तानी रुपये असेल. या प्लॅनमध्ये वापरकर्त्यांना 50-250 एमबीपीएसचा इंटरनेट स्पीड मिळेल. याशिवाय, ही सेवा वापरण्यासाठी आवश्यक असलेल्या हार्डवेअरसाठी 1,20,000 पाकिस्तानी रुपये वेगळे द्यावे लागतील. या किमतीत प्रीमियम स्मार्टफोन खरेदी करता येईल.

बिझनेस पॅक प्लॅनची ​​किंमत जास्त असते

जर एखाद्याला निवासी पॅकेज घ्यायचे असेल तर त्याला त्यासाठी दरमहा 35,000 रुपये द्यावे लागतील. याव्यतिरिक्त, हार्डवेअरसाठी एकदाच 1,10,000 रुपये द्यावे लागतील. त्याच वेळी, ज्यांना बिझनेस पॅक प्लॅन घ्यायचा आहे, त्यांना दरमहा 95,000 रुपये खर्च येईल. या प्लॅनमध्ये, वापरकर्त्यांना 100-500 एमबीपीएस पर्यंतचा स्पीड मिळेल, परंतु त्याचे हार्डवेअर खरेदी करण्यासाठी त्यांना 2,20,000 रुपये खर्च करावे लागतील.

हातांची गरज नाही, आता डोळ्यांच्या इशाऱ्यावर काम करेल तुमचा iPhone! जबरदस्त आहे हे फीचर

सॅटेलाइट इंटरनेट म्हणजे काय?

सॅटेलाइट इंटरनेट वायर किंवा मोबाईल टॉवरवर अवलंबून नाही. यामध्ये, इंटरनेट थेट उपग्रहाद्वारे प्रसारित केले जाते. एलोन मस्कच्या कंपनीने लो अर्थ ऑर्बिटमध्ये हजारो उपग्रह पाठवले आहेत, ज्यामुळे ही सेवा उपलब्ध होते. तथापि, ते वापरण्यासाठी, एक विशेष रिसीव्हर आवश्यक आहे, जो फक्त ही इंटरनेट सेवा मिळविण्यासाठी खरेदी करावा लागतो. हार्डवेअरच्या किमतीच्या बाबतीत हा रिसीव्हर महाग होतो.