Google Messages यूजर्ससाठी आनंदाची बातमी! लाईव्ह लोकेशन शेअर करणं झालं आणखी सोपं, फॉलो करा या स्टेप्स

Google Messages Update: गुगल मेसेजमध्ये यूजर्सचा अनुभव आणखी स्मार्ट आणि सुरक्षित व्हावा यासाठी कंपनीने एक नवीन फीचर जोडले आहे. या फीचरमध्ये यूजर्स त्यांचे रिअल टाईम लोकेशन इतरांसोबत शेअर करू शकणार आहेत.

• Google Messages मध्ये मोठा बदल! आता चॅटमधूनच करा शेअर करा लाईव्ह लोकेशन
• अँड्रॉईड युजर्ससाठी खुशखबर; Google ने Messages मध्ये आणले नवे सुरक्षा फीचर
• Google Messages मध्ये आता लाईव्ह ट्रॅकिंग; मित्र-परिवारासोबत लोकेशन शेअर करणे झाले सोपे

टेक कंपनी गुगलच्या मालकीचे टेक्स्ट मेसेजिंग ॲप्लिकेशन गुगल मेसेजसाठी एक नवीन फीचर रोलआऊट केले आहे. हे फीचर अँड्रॉईड यूजर्ससाठी रोलआऊट करण्यात आले आहे. कंपनीने अँड्रॉईड यूजर्ससाठी रिअल टाईम लोकेशन शेअरिंग फीचर रोलआउट केले आहे. या फीचरच्या मदतीने यूजर्स त्यांचे लाईव्ह लोकेशन मित्र आणि कुटुंबियांसोबत शेअर करू शकणार आहेत. यूजर्सची सुरक्षा वाढवण्याच्या दृष्टिकोनातून हे फीचर सुरु करण्यात आले आहे. हे फीचर नक्की काय आहे, कोणत्या यूजर्सना या फीचरचा फायदा होणार आहे आणि या फीचरचा वापर कसा केला जाऊ शकतो, याबाबत आता सविस्तर जाणून घेऊया.

BSNL Recharge Plan: मनोरंजन होणार आणखी स्मार्ट! नव्या प्लॅनमध्ये मिळणार Zee5 सह या प्लॅटफॉर्मचे सबस्क्रिप्शन, इतकी आहे किंमत

रिअल टाईम लोकेशन शेअरिंग फीचर

आतापर्यंत गुगल मेसेजमध्ये लोकेशन शेअर करण्यासाठी यूजर्सना गुगल मॅप्सची लिंक पाठवावी लागत होती. यामध्ये यूजर्सना केवळ एकदाच लोकेशन पाहायला मिळत होते. मात्र आता नवीन अपडेट जारी झाल्यानंतर यूजर्सना लाईव्ह मूवमेंट ट्रॅकिंगसह लोकेशन शेयर करण्याची सुविधा मिळणार आहे. या फीचरमध्ये यूजर्स ठरवू शकतात की त्यांना किती वेळासाठी त्यांचे लोकेशन शेअर करायचे आहे. यामध्ये एक तास, आजचा दिवस, जोपर्यंत तुम्ही स्वतःला बंद करत नाही किंवा कस्टम असे काही पर्याय देण्यात आले आहेत. मात्र, शेअर करण्याचा कमाल कालावधी 24 तासांपर्यंत मर्यादित ठेवला आहे.  (फोटो सौजन्य – Pinterest) 

इथे मिळणार नवीन फीचर

गुगल मेसेज अपडेट केल्यानंतर तुम्हाला चॅटमध्ये प्लॅस मेन्यूमध्ये एक छोटा हिरव्या रंगाचा आयकॉन दिसणार आहे. याला रिअल टाईम लोकेशन असं नाव देण्यात आलं आहे. रिअल टाईम लोकेशनसोबतच गुगल मेसेजमध्ये पूर्वीपासून उपलब्ध असलेले वन टाईम लोकेशन फीचर देखील सुरु राहणार आहे. जेव्हा यूजर नवीन पर्यायावर टॅप करतो, तेव्हा स्क्रीनवर एक लाईव्ह मॅप ओपन होतो. हा मॅप यूजर्स फुल स्क्रीनमध्ये एक्सपांड देखील करू शकणार आहेत. खालील बाजूला एक कार्ड पाहायला मिळणार आहे, ज्यामध्ये तुम्हाला दिसेल की तुम्ही कोणत्या व्यक्तिसोबत आणि किती वेळासाठी लोकेशन शेअर करत आहात.

केंद्र सरकारचा मोठा निर्णय! डिजिटल अरेस्टमध्ये वापरले जाणारे ‘डिव्हाइस आयडी’ होणार ब्लॉक, व्हॉट्सअ‍ॅपला दिले ‘हे’ निर्देश

लाईव्ह लोकेशन शेअर करण्यासाठी फॉलो करा या स्टेप्स

• गुगल मेसेजमध्ये लाईव्ह लोकेशन शेअर करण्याची प्रोसेस अतिशय सोपी आहे.
• सर्वात आधी गुगल मेसेज ओपन करा आणि ज्या व्यक्तिसोबत लोकेशन शेअर करायचे आहे, त्यांचे चॅट ओपन करा.
• आता अटॅचमेंट आटकॉनवर टॅप करा आणि रिअल टाईम लोकेशन पर्याय निवडा.
• पहिल्यांदा वापर करताना तुम्हाला गुगलच्या लोकेशन परवानग्या स्वीकाराव्या लागू शकतात.
• यानंतर किती वेळासाठी लोकेशन शेअर करायचे आहे, तो कालावधी निवडा आणि सेंड करा.
• मेसेज पाठवल्यानंतर, दुसऱ्या यूजरला ‘माझे रिअल-टाइम लोकेशन पहा’ अशी एक लिंक मिळेल, ज्यावर क्लिक करून तो तुमचे लाईव्ह मुव्हमेंट ट्रॅक करू शकणार आहे.