आयफोन आणि अँड्रॉइड स्मार्टफोनमध्ये AQI कसा चेक कराल? जाणून घ्या सोपी पद्धत

राजधानी दिल्लीची हवा दिवसेंदिवस अत्यंत खराब होत आहे. धुकं आणि धूळ यामुळे दिल्लीमधील प्रदूषण प्रचंड वाढलं आहे. अशावेळी तुमच्या शहरात काय परिस्थिती आहे, हे जाणून घेणं प्रत्येकासाठीच खूप महत्त्वाचं आहे.

दिल्ली आणि आसपासच्या परसरातील एअर क्वालिटी इंडेक्स अत्यंत खराब आहे. नेहमप्रमाणे आज देखील धूर आणि धुक्याची चादर दिल्लीमध्ये पसरली आहे. सकाळी दिल्लीत एअर क्वालिटी इंडेक्स 600 वर पोहोचला, जो गंभीर श्रेणीत येतो. एअर क्वालिटी इंडेक्स (AQI) ही मोठी समस्या आहे. तुम्हाला तुमच्या क्षेत्रातील एअर क्वालिटी इंडेक्स तपासायचा असल्यास, तुम्ही तुमच्या फोनवरून चेक करू शकता. येथे आम्ही तुम्हाला आयफोन आणि अँड्रॉइड फोनमध्ये एअर क्वालिटी इंडेक्स कसे तपासायचे ते सांगणार आहोत.

गुगल मॅपसंबंधित बातम्या वाचण्यासाठी इथे क्लिक करा

तुमच्या आयफोन किंवा अँड्रॉईड फोनवर एअर क्वालिटी इंडेक्स (AQI) चेक करणं अगदी सोपं आहे. तुम्ही काही सोप्या स्टेप्स फॉलो करून तुमच्या आयफोन आणि अँड्रॉइड स्मार्टफोनवर एअर क्वालिटी इंडेक्स चेक करू शकता. (फोटो सौजन्य – pinterest)

आयफोन युजर्ससाठी ही आहे सोपी प्रोसेस

• तुम्ही हवामान ॲपच्या मदतीने AQI चेक करू शकता.
• आयफोनवर Weather ॲप ओपन करा.
• खाली स्क्रोल करा आणि ‘एअर क्वालिटी सेक्शन’ वर टॅप करा.
• येथे तुमच्या लोकेशनचा एअर क्वालिटी इंडेक्स दिसेल.
• तुम्ही एअर क्वालिटी वर टॅप करून AQI बद्दल अधिक माहिती मिळवू शकता.
• त्यात गूड, मोडरेट आणि वेरी पूअर असे ऑप्शन उपलब्ध आहेत.

आयफोनमध्ये सिरीचा वापर करा

तुमच्या आयफोनमध्ये तुम्ही सिरी वापरून एअर क्वालिटी इंडेक्स तपासू शकता. यासाठी, सिरीवरील साइड बटण दाबा आणि “आज हवेची गुणवत्ता काय आहे किंवा “आत्ता AQI काय आहे?” विचारा. यानंतर तुम्हाला तुमच्या शहराच्या एअर क्वालिटी इंडेक्स बद्दल माहिती मिळणार आहे.

टेकसंबंधित बातम्या वाचण्यासाठी इथे क्लिक करा

थर्ड पार्टी ॲप वापरा

एअर क्वालिटी इंडेक्स तपासण्यासाठी, तुम्ही ॲप स्टोअरवरून एअर क्वालिटी इंडेक्स (AQI) किंवा प्लुम लॅब्स एअर रिपोर्ट सारखी ॲप्स डाउनलोड करू शकता.

अँड्रॉइड युजरासाठी ही आहे सोपी प्रोसेस

• गुगल ॲप ओपन करा.
• गूगल असिस्टंटचा वापर करा.
• विचारा – “माझ्या क्षेत्रातील AQI काय आहे?” उत्तर तुमच्या समोर येईल.
• तुम्ही हवामान ॲप वापरून AQI देखील तपासू शकता.
• यासाठी तुम्ही थर्ड पार्टी ॲप्सही इन्स्टॉल करू शकता.

गूगल मॅप करेल तुमची मदत

जर तुम्हाला तुमच्या फोन किंवा लॅपटॉपमधील गूगल मॅपवर AQI तपासायचा असेल तर याची प्रोसेस अगदी सोपी आहे.काही स्टेप्स फॉलो करून तुम्ही कोणत्याही ठिकाणाचा AQI तपासू शकता.

• स्टेप 1- सर्वप्रथम तुम्हाला तुमच्या फोनमध्ये इन्स्टॉल केलेले गूगल मॅप ॲप अपडेट करावे लागेल.
• स्टेप 2- आता तुम्हाला ज्या लोकेशनच AQI जाणून घ्यायचे आहे त्याचे नाव शोधा.
• स्टेप 3 – लेयर्स आयकॉनवर टॅप करून, तुम्हाला एअर क्वालिटी पर्यायावर क्लिक करावे लागेल.
• स्टेप 4 – जेव्हा तुम्ही लॅपटॉपवर गुगल मॅप उघडता तेव्हा तुम्हाला खालच्या डाव्या बाजूला लेयर्सचा पर्याय मिळेल.
• स्टेप 5 – येथून तुम्ही AQI निवडून हवेची गुणवत्ता तपासू शकाल.
• स्टेप 6 – अशा प्रकारे तुम्ही गुगल मॅपवर रिअल-टाइममध्ये कोणत्याही ठिकाणच्या हवेच्या गुणवत्तेचा निर्देशांक ट्रॅक करू शकता.