Christmas–New Year सेलच्या नावाखाली सुरु आहे स्कॅम! सुरक्षित राहण्यासाठी लक्षात ठेवा ‘या’ महत्त्वाच्या टिप्स

ऑनलाईन स्कॅमच्या घटनांमध्ये सध्या मोठ्या प्रमाणात वाढ झाली आहे. अशा स्कॅमपासून सुरक्षित राहण्यासाठी यूजर्स वेगवेगळ्या पद्धतींचा वापर करत असतात. यूजर्स सावध राहून ऑनलाईन स्कॅमपासून सुरक्षित राहू शकतात.

• सेलच्या नावाखाली तुमची फसवणूक तर केली जात नाही ना?
• शॉपिंग स्कॅमपासून असं राहा सुरक्षित
• सणासुदीच्या सेलमध्ये वाढले शॉपिंग स्कॅम

वर्षाच्या शेवटी आता अनेक शॉपिंग प्लॅटफॉर्मवर ख्रिसमस आणि नवीन वर्षानिमित्त सेल सुरु झाला आहे. लोकं सेलमध्ये ऑफर्स आणि डिस्काऊंटसह मनसोक्त शॉपिंग करत आहेत. ऑफर्स आणि डिस्काऊंटसह आता स्कॅम देखील मोठ्या प्रमाणात वाढले आहेत. सेलच्या नावाखाली लोकांची फसवणूक केली जात आहे. सोशल मीडियावर व्हायरल होणाऱ्या वेगवेगळ्या पोस्ट्सचा विचार केला तर स्कॅमर्स लोकांची फसवणूक करण्यासाठी खोट्या वेबसाईट तयार करत आहेत, तसेच खोट्या ऑफर्स देखील सुरु करण्यात आल्या आहेत. अशा स्कॅम्सपासून स्वत:ची सुरक्षा करणं गरजेचं आहे. खाली दिलेल्या टिप्सच्या मदतीने तुम्ही काही सोप्या पद्धतीने स्कॅमपासून सुरक्षित राहू शकता.

Flex by Google Pay: गुगलने भारतात लाँच केलं Credit Card! असे आहेत खास फीचर्स, जाणून घ्या सविस्तर

डिलीव्हरी-रिफंड टेक्स्ट स्कॅम

जर तुम्ही ऑनलाईन शॉपिंग केली नसेल तरी देखील तुम्हाला पॅकेज ट्रॅकिंग कोड किंवा रिफंड ओटीपीचा मेसेज आला असेल तर सावध राहा. जर तुम्ही या मेसेजला रिप्लाय केला तर किंवा तुमचा कार्ड नंबर शेअर केला तर तुमच्या अडचणी वाढू शकतात. यामुळे नेहमी शिपिंग कंपनीकडून आलेल्या अधिकृत मेसेजवरच विश्वास ठेवा. (फोटो सौजन्य – Pinterest)

अकांऊट वेरिफिकेशन

जर सणांच्या काळात तुम्हाला एखाद्या अनोळखी नंबरवरून एखाद्या जुन्या मित्राचा कॉल आला कर सावध व्हा, ही स्कॅमर्सची नवीन पद्धत आहे. AI जेनरेटेड डीपफेकद्वारे स्कॅमर्स लोकांची फसवणूक करून त्यांच्याकडून पैसे उकळण्याचा प्रयत्न करतात.

आनलॉईन शापिंगचा वेळ निश्चित करा

सिक्योरिटी एक्सपर्टने सल्ला दिला आहे की, ऑनलाईन शॉपिंगवेळी घाई केल्यास किंवा लक्ष न दिल्यास तुम्ही अडचणीत येऊ शकता. यामुळे काळजीपूर्वक आणि वेळ देऊन शॉपिंग करणं अत्यंत गरजेचं आहे. याशिवाय जर तुम्ही ऑनलाईन शॉपिंग करणार नसाल तर सणांच्या काळात नोटिफिकेशन बंद ठेवा, ज्यामुळे तुम्ही स्कॅमर्सपासून तुमची सुरक्षा करू शकता.

आता पिनशिवाय पूर्ण होणार UPI ट्रांजेक्शन! Amazon Pay ने लाँच केले बायोमेट्रिक ऑथेंटिकेशन फीचर, यूजर्सना असा होणार फायदा

मोठं डिस्काऊंट मिळालं तर सावध राहा

एखाद्या वस्तूवर तुम्हाला गरजेपेक्षा फार जास्त डिस्काऊंट ऑफर केलं जात असेल तर सावध राहा. तथापि, डिस्काऊंट खरे आहे की नाही हे ठरवण्यासाठी तुम्ही सॉफ्टवेअर वापरू शकता. सायबर सुरक्षा कंपन्या या उद्देशासाठी स्कॅम डिटेक्टर देतात. ज्यामुळे स्कॅमर्सपासून यूजर्सची सुरक्षा होऊ शकेल आणि त्यांची फसवणूक देखील होणार नाही.

डेबिट कार्डऐवजी क्रेडिटचा वापर करा

जर तुमचा कार्ड नंबर चोरीला गेला किंवा तुम्ही बनावट वेबसाइटवर क्लिक केले तर तुम्ही तुमचे क्रेडिट कार्ड सुरक्षित ठेवण्यासाठी ते ब्लॉक करू शकता.