एक क्लिक अन् होऊ शकतं मोठं नुकसान! अशी ओळखा स्कॅमर्सनी बनवलेली बनावट वेबसाईट, वाचा सविस्तर

आपण दिवसभरात अनेक वेबसाईट्सना भेट देतो. प्रत्येक कामासाठी एक वेगळी वेबसाईट वापरली जाते. पण तुम्ही वापरत असलेली वेबसाईट खरी आहे की बनावट हे तुम्हाला माहिती आहे का? सोप्या पद्धतीने याबाबत जाणून घेऊ शकता.

• स्कॅमर्सनी थेट सर्वोच्च न्यायालयासारखी एक बनावट वेबसाईट तयार केली
• खऱ्या आणि खोट्या वेबसाईटमधील फरक कसा ओळखू शकतो?
• स्कॅमर्स खऱ्या नावाला मिळते-जुळते असणारे लांब नाव त्यांच्या वेबसाईटसाठी तयार करतात

देशभरात सायबर गुन्ह्यांच्या घटनांमध्ये दिवसेंदिवस वाढ होत असल्याचे पाहायला मिळत आहे. ज्याप्रमाणे सायबर सुरक्षा अधिक मजबूत होत आहे, त्याचप्रमाणे सायबर गुन्हेगार लोकांची फसवणूक करण्यासाठी अधिक मजबूत पद्धती घेऊन येत आहेत. अलीकडेच एक घटना समोर आली आहे, ज्यामध्ये सांगितलं आहे की, लोकांची फसवणूक करण्यासाठी स्कॅमर्सनी थेट सर्वोच्च न्यायालयासारखी एक बनावट वेबसाईट तयार केली.

यूजर्सच्या प्रतिक्षेला पूर्णविराम! अनोख्या डिझाईनसह Motorola Signature 27 ची दमदार एंट्री; फीचर्स पाहताच म्हणाल, कमालच…..

ही बनावट वेबसाईट अगदी खऱ्या वेबसाईटसारखी दिसत होती, ज्यामुळे सामान्य माणसांना खऱ्या आणि खोट्या वेबसाईटमधील फरक ओळखणं अत्यंत कठीण होऊ शकतं. ही बाब समोर येताच, सर्वोच्च न्यायालयाच्या रजिस्ट्रीने देशभरातील लोकांना सावध करण्यासाठी त्वरित एक सार्वजनिक सूचना जारी केली आहे.  (फोटो सौजन्य – AI Created)

सर्वसामान्यांच्या सुरक्षेचा प्रश्न अधिक गंभीर

स्कॅमर्सनी आता थेट सर्वोच्च न्यायालयाला लक्ष केले आहे. त्यामुळे आता सर्वसामान्यांच्या सुरक्षेचा प्रश्न अधिक गंभीर झाला आहे. कारण सध्याच्या डिजीटील काळात अनेक कामं इंटरनेटद्वारे केली जातात. यासाठी विविध वेबसाईट्सचा वापर केला जातो. पण तुम्ही वापरत असलेली वेबसाईट नकली असेल तर? आता सर्वात मोठा प्रश्न असा आहे की, एक सामान्य माणूस खऱ्या आणि खोट्या वेबसाईटमधील फरक कसा ओळखू शकतो? याबाबत आता काही टिप्स जाणून घेऊया.

लक्षात ठेवा या सोप्या टिप्स

• भारतातील कोणत्याही सरकारी किंवा न्यायालयीन वेबसाईटच्या अखेरी नेहमी .gov.in किंवा .nic.in लिहीलेले असते. मात्र सायबर गुन्हेगारांनी तयार केलेल्या वेबसाईटच्या अखेरीस .com, .net किंवा .top लिहीलेले असते.
• स्कॅमर्स खऱ्या नावाला मिळते-जुळते असणारे लांब नाव त्यांच्या वेबसाईटसाठी तयार करतात, ज्यामुळे लोकं गोंधळतात आणि त्यांना खऱ्या आणि खोट्या वेबसाईटमधील फरक लगेच समजत नाही.
• मेसेज किंवा टेक्स्टवर आलेली कोणतीही लिंक ओपन करण्याऐवजी गूगलला भेट देऊन स्वत: वेबसाईटचे नाव टाईप करा.
• कोणत्याही अधिकृत वेबसाईटची यूआरएल https:// ने सुरु होते.
• अधिकृत वेबसाईटच्या यूआरएलच्या सुरुवातीला लॉकचे चिन्ह दिसते. यावर क्लिक करून सुरक्षा प्रमाणपत्र तपासले जाऊ शकते.
• अधिकृत वेबसाईटवर खरा पत्ता, ग्राहक सेवा क्रमांक, अधिकृत ईमेल आयडी आणि अबाऊट अज असे पर्याय उपलब्ध असतात. मात्र हे पर्याय बनावट वेबसाईटवर उपलब्ध नसतात.

दिवाळीत ऑनलाईन शॉपिंग करताय? सावधान… या 5 सायबर फ्रॉडमुळे रिकामं होऊ शकतं तुमचं अकाऊंट

चुकून खोट्या वेबसाईट वापरल्या?

• जर तुम्ही चुकून स्कॅमर्सनी बनवलेली खोटी वेबाईसट वापरली तर सर्वात आधी तुमच्या बँकेला कळवा आणि त्यांना संपूर्ण प्रकार सांगा. तुमचे अकाऊंट आणि कार्ड ब्लॉक करण्याची विनंती करा.
• अकाऊंट, जिमेल, सोशल मीडिया, बँकिंग ॲप्सचे पासवर्ड बदला.
• नॅशनल सायबर क्राईम रिपोर्टिंग पोर्टलवर संपूर्ण घटनेची तक्रार दाखल करा.