Tech Tips: एकदा सेट करा, आठवडाभर निवांत राहा! Instagram पोस्ट आधीच कशी शेड्यूल कराल? हा आहे सोपा मार्ग

Instagram Tips: कंटेट क्रिएटर्स इंस्टाग्रामवर रोज पोस्ट शेड्यूल करत असतात. पण काही वेळा पोस्ट् शेअर करायचे राहून जाते तर कधी पोस्ट शेअर करण्याचा कंटाळा येतो. तुम्ही देखील अशाच कंटेट क्रिएटर्सपैकी आहात का?

• अशी शेड्यूल करा इंस्टाग्राम पोस्ट
• Instagram वर रोज पोस्ट शेअर करायचा कंटाळा?
• पोस्ट शेड्यूलिंगमुळे बदलेल इंस्टाग्राम प्रोफाइल गेम

इंस्टाग्राम हे लोकप्रिय सोशल मीडिया प्लॅटफॉर्म आहे. इंस्टाग्राम प्लॅटफॉर्मचे लाखो यूजर्स आहेत. इंस्टाग्रामवर सतत नवीन अपडेट्स जारी केले जातात. असे अनेक यूजर्स आहेत ज्यांना इंस्टाग्रामवर सतत पोस्ट आणि रिल्स शेअर करायला आवडतात. नवीन फोटो, नवीन व्हिडीओ इंस्टाग्रामवर शेअर करावे, अनेक लाईक्स मिळावे, कमेंट्स मिळाव्या, असं अनेकांना वाटतं असतात. पण तुम्ही एकाच वेळी अनेक फोटो पोस्ट केले तर हे अतिशय कंटाळवणाणे ठरू शकते.

डिस्काऊंट पाहून विश्वास बसणार नाही! 45700 रुपयांच्या डिस्काऊंटसह घरी घेऊन या Samsung Galaxy Z Flip 6, इथे मिळतेय बेस्ट डिल

तुम्ही प्रत्येकवेळी फोन हातात घेऊन फोटो आणि व्हिडीओ पोस्ट करू शकत नाही. अशा परिस्थितीत काय करावं हा प्रश्न अनेकांच्या मनात असतो. अशावेळी सर्वात सोपी पद्धत म्हणजे तुम्ही इंस्टाग्रामवर पोस्ट शेड्यूल करू शकता. तुम्हाला पोस्ट कधी शेअर करायची आहे, याची वेळ आणि तारीख तुम्ही सेट करू शकता. यानंतर तुम्ही सेट केलेल्या वेळ आणि तारीखेनुसार तुमचा फोटो आणि व्हिडीओ इंस्टाग्रामवर आपोआप शेअर जाईल. त्यामुळे तुम्हाला दरवेळी फोन हातात घेऊन पोस्ट शेअर करायची गरज भासणार नाही. इंस्टाग्रामवर पोस्ट शेड्यूल करण्यासाठी तुम्हाला काही सोपी पध्दत फॉलो करावी लागणार आहे. (फोटो सौजन्य – Pinterest)

प्रोफेशनल इंस्टाग्राम अकाऊंटसाठी पोस्ट शेड्यूल करण्यासाठी खालील स्टेप्स फॉलो करा

• सर्वात आधी इंस्टाग्राम ओपन करा
• पोस्ट क्रिएट करा, जसे फोटो, व्हिडीओ किंवा रिल्स.
• आता कॅप्शन, टॅग सर्वकाही भरा.
• आता अ‍ॅडव्हान्स सेटिंगमध्ये जा
• इथे तुम्हाला शेड्यूल दिस पोस्ट हा ऑप्शन दिसेल
• आता तुम्हाला वेळ आणि तारीख निवडण्याचा पर्याय दिसेल.
• तुम्हाला ज्या दिवशी पोस्ट शेअर करायची, ती तारीख आणि वेळ सेट करा.
• आता शेड्यूलवर टॅप करा.
• आता तुम्ही सेट केलेल्या तारीख आणि वेळेनुसार पोस्ट इंस्टाग्रामवर आपोआप शेअर केली जाईल.

Recharge Plan: आत्ताच रिचार्ज करा, 2026 संपेपर्यंत सुरु राहिल प्लॅन, हे आहेत जिओ आणि एअरटेलचे रिचार्ज प्लॅन

Meta Business Suite (मोबाइल/PC दोन्हीवर) पोस्ट कशी शेड्यूल कराल?

Meta Business Suite हे Meta (Facebook) कंपनीचे एक फ्री टूल आहे. फेसबूक पेज आणि इंस्टाग्राम अकाऊंट मॅनेज करण्यासाठी या टूलचा वापर केला जातो. या टूलच्या मदतीने तुम्ही पोस्ट शेड्यूल करू शकता

• सर्वात आधी browser/app मध्ये: Meta Business Suite ओपन करा.
• या टूलला तुमचं इंस्टाग्राम अकाऊंट कनेक्ट असणं गरजेचं आहे.
• आता क्रिएट पोस्टवर क्लिक करा.
• कंटेट अपलोड करा.
• आता तुम्हाला शेड्यूल दिस पोस्ट हा ऑप्शन दिसेल
• आता तुम्हाला वेळ आणि तारीख निवडण्याचा पर्याय दिसेल.
• तुम्हाला ज्या दिवशी तुम्हाला पोस्ट शेअर करायची आणि ती तारीख आणि वेळ सेट करा.
• आता शेड्यूलवर टॅप करा.
• या टूलचा वापर करून तुम्ही एकाच वेळी फेसबूक आणि इंस्टाग्रामवर पोस्ट शेड्यूल करू शकता.

पोस्ट शेड्यूल कराताना या गोष्टी लक्षात ठेवा

• रिल्ससाठी शेड्यूलक कराताना कव्हर ईमेज व्यवस्थित निवडा.
• पोस्ट शेड्यूल करण्याची वेळ योग्य निवडा.
• तुम्ही शेड्यूल केलेल्या पोस्ट नोटिफिकेशन > शेड्यूल्ड कंटेट मध्ये पाहता येतात.