बिल भरणं तुमच्याही लक्षात राहत नाही का? चिंता करू नका, फोनपे-गुगल पेवर असा सेट करा UPI ऑटोपे

UPI AutoPay Setting: तुम्ही देखील मोबाईल बिल, विजबिल, ईएमआयसाठी दर महिन्याला पेमेंट करणं विसरता का? आता चिंता करण्याची गरज नाही. तुम्ही ऑटोपे सर्विसची मदत घेऊ शकता. गूगल पे आणि फोन पेमध्ये ऑटोपे सेटअप करण्याची प्रोसेस अतिशय सोपी आहे.

• यूपीआय ऑटोपेच्या मदतीने मोबाईल बिल, ईएमआय, ओटीटी, विमा आणि इतर नियमित पेमेंट्स आपोआप करता येतात.
• फोनपेवर प्रोफाइल → पेमेंट सेटिंग्ज → ऑटोपे मध्ये जाऊन संबंधित मँडेट निवडून यूपीआय पिन टाकल्यावर ऑटोपे सेट करता येतो.
• गुगल पेवर प्रोफाइल → ऑटोपे → पेंडिंगमध्ये जाऊन मँडेट एक्सेप्ट केल्यानंतर यूपीआय पिनद्वारे ऑटोपे सुरू करता येतो.

हल्ली मोबाईल बिल, विजबिल, ईएमआय, ओटीटी सब्सक्रिप्शन, विमा आणि म्यूचुअल फंडसारख्या सर्विससाठी दर महिन्याला किंवा प्रत्येक वर्षाला पैसे भरावे लागतात. मोबाईल बिल, विजबिल, ईएमआय यांसारख्या सर्विस वापरण्यासाठी दर महिन्याला ठरावीक पैसे खर्च करावे लागतात. पण अनेकदा आपल्याला सर्व पेमेंट्स करणं लक्षात राहत नाही, यामुळे सर्विस बंद होतात आणि अनेक समस्या निर्माण होतात. पण यूजर्सची हीच समस्या लक्षात घेऊन 2020 मध्ये नॅशनल पेमेंट्स कॉरपोरेशन ऑफ इंडिया (NPCI) ने यूपीआय ऑटोपेची सुविधा सुरु केली आहे. या सर्विसच्या मदतीने तुम्ही कोणत्याही यूपीआय ॲपमध्ये एकदाच ‘मँडेट’ सेट करू शकता आणि यानंतर तुमचे नियमित पेमेंट्स आपोआप पूर्ण होऊ शकतात.

किती असणार पहिल्या फोल्डेबल iPhone ची किंमत? लाँचपूर्वीच समोर आली माहिती, वाचून तुम्हालाही बसेल धक्का

या सर्विसमुळे ग्राहकांना अनेक फायदे मिळणार आहेत. जसे की, विलंब शुल्क टाळणे, प्रत्येकवेळी स्वत: पेमेंट न करणं आणि एका सुरक्षित पद्धतीने पेमेंट करणं. विशेष म्हणजेच, क्रेडिट कार्ड बिल, म्यूचुअल फंड आणि इंश्योरेंससाठी देखील तुम्ही एक लाख रुपयांपर्यंतच्या लिमिटसह ऑटोपे सेट करू शकता. विशेष म्हणजेच तुम्ही एखाद्या पेमेंटसाठी कधीही ऑटोपे सर्विस बंद करू शकता. यासाठी कोणतेही जास्तीचे पैसे खर्च करण्याची देखील आवश्यकता नाही. गूगल पे आणि फोन पे वर ऑटोपे कसे सेट केले जाऊ शकते, याची प्रोसेस जाणून घेऊया.

फोन पेवर कसे सेट कराल ऑटोपे?

• जर तुम्ही फोन पे चा वापर करत असाल तर ऑटोपे सेट करण्याची प्रोसेस अतिशय सोपी आहे.
• सर्वात आधी तुमच्या स्मार्टफोनमध्ये फोन पे ॲप ओपन करा.
• आता स्क्रीनच्या वरच्या डाव्या बाजूला असलेल्या तुमच्या प्रोफाइल फोटोवर टॅप करा.
• यानंतर खाली स्क्रॉल करून पेमेंट सेटिंग सेक्शनमध्ये जा.
• इथे तुम्हाला ऑटोपे बटन दिसेल त्यावर क्लिक करा.
• आता तुमच्यासमोर एक नवीन स्क्रीन ओपन होईल, जिथे तुम्ही ज्या मँडेटसाठी ‘ऑटो-पे सेट करू इच्छिता, ते निवडू शकता.
• अखेरीस, ॲप तुम्हाला यूपीआय पिन एंटर करावा सांगेल. पिन एंटर केल्यानंतर ऑटोपे मँडेट सेट होईल आणि यानंतर प्रत्येकवेळी तुमचे पेमेंट ओपआप केले जाईल.
• गूगल पेवर कसे सेट कराल ऑटोपे?
• सर्वात आधी तुमच्या फोनमध्ये गूगल पे ओपन करा. त्यानंतर वरच्या उजव्या कोपऱ्यातील तुमच्या प्रोफाइल फोटोवर टॅप करा.

Amazon Great Freedom Sale: स्वस्तात खरेदी करा Realme 5G स्मार्टफोन! 8000mAh बॅटरी अन् 144Hz डिस्प्लेने सुसज्ज, अशी आहे ऑफर

यानंतर ऑटोपे सेक्शनवर क्लिक करा.

• इथे तुम्हाला वेगवेगळ्या सेवांसाठीचे मँडेट्स दिसतील, जे तुम्ही मॅनेज करू शकता.
• जर तुम्ही एखाद्या खास सर्विससाठी ऑटोपे सेट करणार असाल तर पेंडिंग सेक्शनमध्ये जाऊन ते मँडेट निवडा आणि एक्सेप्ट बटनावर क्लिक करा.
• आता यूपीआय पिन एंटर करून ऑटोपे सेट करा.