चार्जिंगची चिंता संपणार? 10,000mAh बॅटरीसह येणार iQOO चा नवा स्मार्टफोन, 165Hz डिस्प्ले अन् कूलिंग फॅनची चर्चा सुरु

Upcoming iQOO 16R: भारतात लवकरच एक नवीन आयक्यूओओ स्मार्टफोन लाँच केला जाणार आहे. या आगामी स्मार्टफोनचे नाव, लाँच तारीख किंवा फीचर्सची अद्याप अधिकृतपणे घोषणा करण्यात आली नाही.

• आयक्यूओओ भारतीय बाजारात लवकरच एक नवीन स्मार्टफोन लाँच करणार
• स्मार्टफोनला अलीकडेच भारताच्या ब्युरो ऑफ इंडियन स्टँडर्ड्स म्हणजेच BIS कडून सर्टिफिकेशन देण्यात आले
• आगामी स्मार्टफोन iQOO 16R या नावाने लाँच केला जाण्याची शक्यता

iQOO Smartphone: टेक कंपनी आयक्यूओओ भारतीय बाजारात लवकरच एक नवीन स्मार्टफोन लाँच करणार आहे. कंपनीचा हा आगामी 5G स्मार्टफोन iQOO 16R या नावाने लाँच केला जाण्याची शक्यता आहे. कंपनीच्या या आगामी स्मार्टफोनला अलीकडेच भारताच्या ब्युरो ऑफ इंडियन स्टँडर्ड्स म्हणजेच BIS कडून सर्टिफिकेशन देण्यात आले आहे. त्यामुळे हा स्मार्टफोन भारतात लाँच होणार असल्याच्या चर्चा अधिक वाढल्या आहेत. कंपनीने अद्याप अधिकृतपणे या स्मार्टफोनची लाँच तारीख जाहीर केली नाही.

144Hz रिफ्रेश रेट, दमदार कॅमेरा अन् मोठी बॅटरी! लवकरच येणार Vivo चा नवा स्मार्टफोन… लाँचपूर्वीच फीचर्स लीक

कधी लाँच होणार कंपनीचा नवीन स्मार्टफोन?

तसेच, टेक कंपनीने अद्याप डिव्हाईसचे नाव, लाँच तारीख किंवा फीचर्सबाबत देखील कोणताही खुलासा केला नाही. भारतात हा आगामी स्मार्टफोन iQOO 16R या नावाने लाँच केला जाण्याची शक्यता आहे. तर काही मार्केटमध्ये हा स्मार्टफोन iQOO 16s नावाने देखील सादर केला जाऊ शकतो. कंपनीने अद्याप या स्मार्टफोनची लाँच तारीख जाहीर केली नसली तर अशा चर्चा सुरु आहेत की, भारतात हा स्मार्टफोन डिसेंबर महिन्यात लाँच केला जाऊ शकतो. तर याची विक्री जानेवारी 2027 मध्ये सुरु होऊ शकते.  (फोटो सौजन्य: Pinterest) 

BIS लिस्टिंगमध्ये दिसला मॉडेल नंबर

BIS लिस्टिंगमध्ये एका नवीन iQOO डिव्हाईसचा ‘I2606’ हा मॉडेल क्रमांक दिसून आला आहे. या डिव्हाईसला 11 नोव्हेंबर रोजी रजिस्ट्रेशन नंबर R-93029700 अंतर्गत मंजूरी देण्यात आली आहे. हाच मॉडेल नंबर यापूर्वी IMEI डेटाबेसमध्ये iQOO 16R च्या नावाने देखील स्पॉट करण्यात आला होता. तर मलेशियाच्या SIRIM आणि इंडोनेशियाच्या SDPPI सर्टिफिकेशन वेबसाईटवर iQOO 16s नावाने स्पॉट करण्यात आला आहे. त्यामुळे आता कंपनी हा आगामी स्मार्टफोन भारतात iQOO 16R नावाने लाँच करणार की iQOO 16s नावाने लाँच करणार याबाबत गोंधळ आहे.

iQOO 16R चे अपेक्षित स्पेसिफिकेशन्स

कंपनीच्या आगामी स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, iQOO 16R स्मार्टफोन हा चीनमध्ये लाँच होणाऱ्या iQOO Z12 Turbo चे रीब्रँडेड वर्जन असल्याचे सांगितलं जात आहे. या स्मार्टफोनमध्ये 6.59 इंच डिस्प्ले पाहायला मिळू शकतो, जो किमान 165Hz रिफ्रेश रेट सपोर्टने सुसज्ज असण्याची शक्यता आहे. तर परफॉर्मंससाठी या आगामी स्मार्टफोनमध्ये स्नॅपड्रॅगन 8 जेन 6 किंवा स्नॅपड्रॅगन 8 जेन 5 प्रो प्रोसेसर पाहायला मिळू शकतो.

तब्बल 20 तासांच्या आउटेजनंतर Microsoft ची क्लाउड सेवा पुन्हा सुरू; कंपनीने दिली महत्त्वाची अपडेट

अद्याप या चिपसेटचे अधिकृत नाव जाहिर करण्यात आले नाही. याव्यतिरिक्त, या नवीन उपकरणात सुमारे 10,000mAh क्षमतेची मोठी बॅटरी असू शकते. तसेच, कंपनी यात इन-बिल्ट कूलिंग फॅनचाही समावेश करू शकते. हे फीचर्स रिपोर्ट्सवर आधारित आहेत.