भारतात बनवले अन् जगभर विकले! 6 महिन्यांत अ‍ॅपलची मोठी कामगिरी, विदेशात निर्यात केले कोट्यावधींचे iPhone

भारत हळूहळू तंत्रज्ञान उत्पादनांसाठी उत्पादन केंद्र बनत आहे. आयफोन निर्यातीत भारताने एक नवीन टप्पा गाठला आहे. गेल्या दोन वर्षांत भारतातून आयफोन निर्यात सहा पटीने वाढली आहे. याबाबत आता अधिक जाणून घेऊया.

• अ‍ॅपलने सहा महिन्यांत परदेशात पाठवले करोडो रुपयांचे आयफोन
• भारत बनवतंय आणि जग विकतंय
• फक्त सहा महिन्यांत केली कोट्यवधी रुपयांची निर्यात

गेल्या काही काळात अ‍ॅपलने भारतात त्यांचे प्रोडक्शन वाढवले आहे. नुकतेच समोर आलेले आकडे देखील याचे साक्षीदार आहेत. नुकत्याच सादर करण्यात आलेल्या एका रिपोर्टनुसार, अ‍ॅपलने या वर्षाच्या पहिल्या 6 महिन्यात भारतात तयार करण्यात आलेले 10 बिलियन डॉलरचे म्हणजेच 88,600 करोड रुपयांचे आयफोन इतर देशांमध्ये पाठवले आहेत. गेल्यावर्षीच्या ही तुलनेत ही संख्या 75 टक्क्यांनी वाढली आहे. याशिवाय अशी देखील माहिती समोर आली आहे की, कंपनी आयफोन 17 च्या सर्व मॉडेल्सचे प्रोडक्शन भारतात करत आहे आणि पुढील वर्षी लाँच होणार फोल्डेबल आयफोन देखील भारतात तयार केला जाण्याची शक्यता आहे.

iPhone 17 Pro विसरा! या अँड्रॉईड स्मार्टफोन्सचा कॅमेरा आहे आणखी तगडा, Google Pixel 10 Pro चाही समावेश

सप्टेंबर महिन्यात तोडले रेकॉर्ड

सहसा सप्टेंबर महिन्यात कंपनी त्यांची नवीन आयफोन सिरीज लाँच करते. त्यामुळे आयफोनची निर्यात या महिन्यात कमी असते. मात्र यावेळी कंपनीने हा रेकॉर्ड तुटला आहे. गेल्यावर्षी सप्टेंबर महिन्यात कंपनीने 490 मिलियन डॉलरचे आयफोन एक्सपोर्ट केले होते. मात्र यावेळी हा आकडा थेट 1.2 बिलियन डॉलरवर पोहोचला आहे. यामागील कारण म्हणजे कंपनीने भारतात दोन नवीन प्लांट सुरू केले. यावर्षी एप्रिल महिन्यात अ‍ॅपलचे सप्लायर टाटा इलेक्ट्रॉनिक्सचा होसुर आणि फॉक्सकॉनचा बंगळुरु प्लँट सुरु झाला होता. आता सर्व मिळून भारतात आयफोन तयार करणाऱ्या एकूण 5 फॅक्ट्र्या झाल्या आहेत.  (फोटो सौजन्य – Pinterest) 

गेल्या वर्षीचा रेकॉर्ड तुटण्याची शक्यता

नुकत्याच समोर आलेल्या रिपोर्टनुसार, तज्ज्ञांचं असं म्हणणं आहे की, अ‍ॅपलचे प्रोडक्शन आणि निर्यात गेल्या वर्षींच्या आकड्यांना पार करण्याची शक्यता आहे. अमेरिकेच्या टेरिफ प्लॅनमुळे काही आव्हान निर्माण होण्याची शक्यता आहे. मिळालेल्या माहितीनुसार भारतात तयार करण्यात आलेले सर्वात जास्त आयफोन अमेरिकेत निर्यात केले जातात. यावर्षी एप्रिल ते ऑगस्टदरम्यान भारतात तयार करण्यात आलेले 8.43 बिलियन डॉलर किंमतीचे आयफोन निर्यात करण्यात आले आहेत. गेल्या वर्षी याच कालावधीत 2.88 बिलियन डॉलर किंमतीच्या स्मार्टफोनची निर्यात करण्यात आली होती. अ‍ॅपल आणि सॅमसंग हे अमेरिकेत मेड इन इंडिया फोनचे दुसरे सर्वात मोठे निर्यातदार आहेत.

Caviar ने लाँच केले iPhone 17 Pro सीरीजचे विक्ट्री कलेक्शन, प्रीमियम डिझाईन आणि जबरदस्त फीचर्स आता एकाच ठिकाणी

जगभरात आयफोनची क्रेझ वाढतेय

अ‍ॅपल कंपनी दरवर्षी सप्टेंबर महिन्यात नवीन आयफोन सिरीज लाँच करत असते. या सिरीजमध्ये बेस मॉडेल, प्रो मॉडेल आणि प्रो मॅक्स मॉडेलसह आणखी एका मॉडेलचा समावेश केला जातो. भारतात आयफोनच्या ग्राहकांची संख्या दिवसेंदिवस वाढत आहे. एका अहवालानुसार, भारतात 80 टक्क्यांहून अधिक आयफोन ईएमआयवर खरेदी केले जातात.