बॅटरी संपण्याची चिंता विसरा! 185Hz डिस्प्ले अन् 100W फास्ट चार्जिंगसह iQOO चा नवा फोन लाँच; वाचा सविस्तर

iQOO Neo 12 Launched: नवीन आयक्यूओओ निओ 12 चीनमध्ये लाँच झाला आहे. या स्मार्टफोनमध्ये ऑक्टा-कोर स्नॅपड्रॅगन 8 एलिट जेन 5 चिपसेट आणि 100W वायर्ड फास्ट चार्जिंग सपोर्टसह 9,000mAh बॅटरी दिली आहे.

• नवीन iQOO Neo 12 स्मार्टफोन चीनमध्ये लाँच
• स्मार्टफोन मिड-रेंज प्राईज सेगमेंटमध्ये लाँच
• 12GB + 256GB व्हेरिअंटची किंमत 4,399 युआन म्हणजेच सुमारे 63,000 रुपये

iQOO Smartphone Launched: टेक कंपनी आयक्यूओओचा नवीन iQOO Neo 12 स्मार्टफोन चीनमध्ये लाँच करण्यात आला आहे. हा नवा स्मार्टफोन गेल्यावर्षी लाँच करण्यात आलेल्या iQOO Neo 11 चा सक्सेसर आहे. हा स्मार्टफोन मिड-रेंज प्राईज सेगमेंटमध्ये लाँच करण्यात आला आहे. स्मार्टफोनची किंमत आणि इतर फीचर्स जाणून घेऊया.

WhatsApp ग्रुपमध्ये आता होणार धमाल! लवकरच येणार 4 तगडे फीचर्स; जुन्या मेसेज ॲक्सेससह मिळणार या सुविधा

आयक्यूओओ निओ 12 ची किंमत आणि उपलब्धता

कंपनीने लाँच केलेल्या नव्या आयक्यूओओ निओ 12 च्या 12GB + 256GB व्हेरिअंटची किंमत 4,399 युआन म्हणजेच सुमारे 63,000 रुपये आहे. तर 16GB + 256GB व्हेरिअंटची किंमत 4,799 युआन म्हणजेच सुमारे 69,000 रुपये, 12GB + 512GB व्हेरिअंटची किंमत 5,099 युआन म्हणजेच सुमारे 73,000 रुपये आणि 16GB + 512GB व्हेरिअंटची किंमत 5,499 युआन म्हणजेच सुमारे 79,000 रुपये आहे. टॉप-ऑफ-द-लाइन 16GB + 1TB व्हेरिअंटची किंमत 6,499 युआन म्हणजेच सुमारे 93,000 रुपये आहे. नवीन स्मार्टफोन चीनमध्ये विवोच्या ऑनलाईन स्टोअरद्वारे विक्रीसाठी उपलब्ध असणार आहे. ग्राहक हा स्मार्टफोन कॉन्टेस्ट, शॅडो ब्लॅक आणि फ्रॉस्ट ब्लेड ब्लू कलर ऑप्शन्समध्ये खरेदी करू शकतात.  (फोटो सौजन्य: iQOO)

आयक्यूओओ निओ 12 चे स्पेसिफिकेशन्स आणि फीचर्स

डिस्प्ले

आयक्यूओओ निओ 12 एक डुअल-सिम स्मार्टफोन आहे. हा स्मार्टफोन विवोच्या लेटेस्ट ओरिजिनओएस 7 सह लाँच करण्यात आला आहे, जो अँड्रॉईड 17 वर आधारित आहे, स्मार्टफोनमध्ये 6.83-इंच 2K (1,440 x 3,200 पिक्सेल) सुपर अमोलेड डिस्प्ले देण्यात आला आहे, जो 185Hz पर्यंत रिफ्रेश रेट, 514 पीपीआय पिक्सेल डेंसिटी, एचडीआर सपोर्ट, 5,000Hz पर्यंत इंस्टेंटेनियस टच सँपलिंग रेट, 1.07 बिलियन कलर्स, 94.88 टक्के स्क्रीन-टू-बॉडी रेशियो आणि 2,200 निट्सपर्यंत पीक ब्राइटनेस ऑफर करतो.

चिपसेट

परफॉर्मंसबद्दल बोलायचं झालं तर, आयक्यूओओ निओ 12 ऑक्टा-कोर स्नॅपड्रॅगन 8 एलिट जेन 5 चिपसेटने सुसज्ज आहे, जो 3nm प्रोसेसवर तयार करण्यात आला आहे. हे 4.6GHz पर्यंत पीक क्लॉक स्पीड ऑफर करतो. फोनमध्ये ॲड्रेनो 840 जीपीयू, Q3 गेमिंग चिप, 16GB पर्यंत एलपीडीडीआर5एक्स अल्ट्रा रॅम आणि 1TB पर्यंत यूएफएस 4.1 ऑनबोर्ड स्टोरेज मिळणार आहे. हिटींग कंट्रोल करण्यासाठी यामध्ये एक ॲक्टिव कूलिंग फॅन आणि 8,200 Sq mm हीट डिसिपेशन एरिया वाला 3D वेपर चेंबर कूलिंग सॉल्यूशन देण्यात आले आहे.

कॅमेरा

आयक्यूओओ निओ 12 मध्ये डुअल रियर कॅमेरा यूनिट आहे, ज्यामध्ये सोनी आयएमएक्स 921 सेंसर, ऑप्टिकल इमेज स्टेबलाइजेशन (OIS) आणि 20x डिजिटल झूमसह 50-मेगापिक्सेल (f/1.88) चा मुख्य कॅमेरा आणि 8-मेगापिक्सेल (f/2.2) चा अल्ट्रावाइड कॅमेरा समाविष्ट आहे. स्मार्टफोनच्या समोरील बाजूला सेल्फी आणि व्हिडीओ कॉलिंगसाठी 16-मेगापिक्सेल (f/2.45) चा कॅमेरा देण्यात आला आहे. हा हँडसेट 8K/ 30 fps पर्यंत व्हिडीओ रेकॉर्ड करू शकतो.

Vi Recharge Plan: यूजर्सची मज्जाच मज्जा! कंपनीचे 4 नवे व्हॉईस-ओनली रिचार्ज प्लॅन्स लाँच, किती आहे किंमत?

बॅटरी

आयक्यूओओ निओ 12 मध्ये 100W वायर्ड फास्ट चार्जिंग सपोर्टसह 9,000mAh बॅटरी दिली आहे. कनेक्टिविटीसाठी या स्मार्टफोनमध्ये 5G, 4G LTE, वायफाय 7, ब्लूटूथ 5.4, यूएसबी टाइप-सी पोर्ट, जीपीएस, बेईडू, ग्लोनास, गॅलीलियो आणि QZSS चा सपोर्ट देण्यात आला आहे. ऑनबोर्ड सेंसर्सच्या यादीमध्ये ग्रेविटी सेंसर, एंबियंट लाइट सेंसर, प्रॉक्सिमिटी सेंसर, जायरोस्कोप, ई-कंपास, IR ब्लास्टर आणि सिक्योरिटीसाठी 3D अल्ट्रासोनिक फिंगरप्रिंट सेंसर समाविष्ट आहे.