अबब! 3 लाखांहून अधिक किंमत… नव्या Samsung स्मार्टफोनने हादरलं मार्केट, फीचर्स आणि स्पेसिफिकेशन्स वाचून व्हाल थक्क

Samsung W27 Launched: चीनमध्ये एक नवीन प्रिमियम सॅमसंग स्मार्टफोन लाँच करण्यात आला आहे. या स्मार्टफोनच्या टॉप-ऑफ-द-लाइन ऑप्शनची किंमत तब्बल 3,15,000 रुपये आहे. या स्मार्टफोनची किंमत वाचून सर्वांनाच धक्का बसला आहे.

• चीनमध्ये आयोजित ईव्हेंटदरम्यान नवा Samsung W27 लाँच
• स्मार्टफोनच्या टॉप-ऑफ-द-लाइन ऑप्शनची किंमत 21,999 युआन म्हणजेच सुमारे 3,15,000 रुपये
• नवा स्मार्टफोन क्वालकॉमच्या कस्टम ऑक्टा-कोर स्नॅपड्रॅगन 8 एलिट जेन 5 फॉर गॅलेक्सी चिपसेटवर आधारित

Samsung Smartphone Launched: टेक कंपनी सॅमसंगने गुरुवारी चीनमध्ये एक प्रिमियम स्मार्टफोन लाँच केला आहे. हा स्मार्टफोन Samsung W27 या नावाने लाँच करण्यात आला आहे. चीनमध्ये आयोजित ‘Heart of the World’ ईव्हेंटदरम्यान हा स्मार्टफोन लाँच करण्यात आला आहे. चीनमध्ये लाँच करण्यात आलेला हा स्मार्टफोन कंपनीच्या ‘बुक-स्टाईल’ फोल्डेबल फ्लॅगशिप, सॅमसंग गॅलेक्सी झेड फोल्ड 8 अल्ट्रा वर आधारित आहे. स्मार्टफोनच्या किंमतीने सर्वांचे लक्ष वेधले आहे.

Tech Tips: हिवाळ्यात गीझर सुरू करण्यापूर्वी सावधान! या चुका केल्यास होऊ शकतं मोठं नुकसान… वाचा सविस्तर

सॅमसंग W27 ची किंमत आणि उपलब्धता

सॅमसंग W27 च्या 16GB + 512GB व्हेरिअंटची किंमत 18,999 युआन म्हणजेच सुमारे 2,72,000 रुपये आहे. तर 1TB स्टोरेजवाल्या टॉप-ऑफ-द-लाइन ऑप्शनची किंमत 21,999 युआन म्हणजेच सुमारे 3,15,000 रुपये आहे. हा स्मार्टफोन 13 नोव्हेंबरपासून सॅमसंगच्या ऑनलाईन स्टोअरद्वारे खरेदीसाठी उपलब्ध असणार आहे. सॅमसंग W27 जिहू ब्लू आणि जिक्सिया होंग या दोन रंगांच्या पर्यायांत उपलब्ध आहे.  (फोटो सौजन्य: Samsung) 

सॅमसंग W27 चे स्पेसिफिकेशन्स आणि फीचर्स

डिस्प्ले

सॅमसंग W27 हा एक डुअल-सिम फोल्डेबल स्मार्टफोन आहे. हा स्मार्टफोन अँड्रॉईड 17 वर बेस्ड लेटेस्ट वन यूआय 9 सह येतो. हँडसेटमध्ये 8-इंच QXGA+ (2,504 x 2,256 पिक्सेल) 2X डायनॅमिक अमोलेड फोल्डेबल डिस्प्ले देण्यात आला आहे, जो 120Hz पर्यंत रिफ्रेश रेट आणि 16 मिलियन कलर्स ऑफर करतो. डिव्हाईसच्या बाहेरील बाजूला 6.5-इंच फुल-एचडी+ (1,080 x 2,520 पिक्सेल) 2X डायनॅमिक अमोलेड स्क्रीन मिळणार आहे, ज्यामध्ये इनर स्क्रीन सारखेच फीचर्स देण्यात आले आहेत.

चिपसेट

नवा स्मार्टफोन क्वालकॉमच्या कस्टम ऑक्टा-कोर स्नॅपड्रॅगन 8 एलिट जेन 5 फॉर गॅलेक्सी चिपसेटवर आधारित आहे. यामध्ये 3.6GHz वर क्लॉक करण्यात आलेले सहा एफिशिएंसी कोर आणि दोन परफॉर्मेंस कोर मिळणार आहेत, जे 4.74GHz पर्यंत पीक क्लॉक स्पीड देतात. स्मार्टफोनमध्ये 16GB पर्यंत एलपीडीडीआर5एक्स रॅम आणि 1TB पर्यंत यूएफएस 4.1 ऑनबोर्ड स्टोरेज देखील मिळणार आहे. कंपनीने अद्याप या स्मार्टफोनच्या इंग्रेस प्रोटेक्शन (IP) रेटिंगची पुष्टी केली नाही.

कॅमेरा सेटअप

कंपनीने लाँच केलेल्या या नवीन स्मार्टफोनमध्ये ट्रिपल रियर कॅमेरा सेटअप मिळणार आहे. यामध्ये ऑप्टिकल इमेज स्टेबलाइजेशन (OIS) सह 200-मेगापिक्सेल (f/1.7) चा प्रायमरी कॅमेरा, 50-मेगापिक्सल (f/1.9) चा अल्ट्रावाइड कॅमेरा आणि 3x ऑप्टिकल झूम आणि 30x डिजिटल जूम सपोर्ट वाला 10-मेगापिक्सेल (f/2.4) चा टेलीफोटो कॅमेरा मिळणार आहे. सेल्फीसाठी या स्मार्टफोनमध्ये दोन 10-मेगापिक्सेलचे कॅमेरे मिळणार आहेत, ज्यामधील एक इनर डिस्प्ले आणि दूसरा आउटर डिस्प्लेवर देण्यात आला आहे.

Apple ची मोठी घोषणा! ‘या’ फोल्डेबल iPhone यूजर्सना मिळणार नवा फोन… काय आहे प्रकरण? जाणून घ्या

बॅटरी

सॅमसंग W27 मध्ये 45W वायर्ड आणि 20W वायरलेस फास्ट चार्जिंग सपोर्टसह 5,000mAh बॅटरी देण्यात आली आहे.